Kalender 8 Februarie

08 February 2019 | Kuns en vermaak
Nou aan die gang

» Voice of Namibia skep 'n platform vir die ontdekking en koestering van Namibiese sangtalent. Verlede jaar se kompetisie was ’n reusesukses en is op sosiale media gedryf met stemme van die publiek en aanlyn beoordelaars. Vanjaar wil Voice of Namibia dié platform uitbrei en die kompetisie se formaat aanpas. Die eerste uitskakel-ronde vind môre by die Windhoek Buitekluboord plaas. Altesaam 25 finaliste sal kragte meet, waarná 12 na die volgende ronde sal deurdring. Ses beoordelaars sal die top-10 deelnemers tydens dié optrede kies, wat beloof om ’n glansryke geleentheid te wees en deur TV2 Namibia gedek sal word. Die top-10 sal op 16 Maart weer tydens ’n regstreekse vertoning optree, waarná die wenner van Voice of Namibia 2019 aangekondig sal word. Dit begin om 19:30 en kaartjies kan teen N$250 by die deur gekoop word. Ligte vingerhappies is ingesluit.

» Die Ou Brouery-mark vind môre weer in die hartjie van Windhoek se middestad plaas. 'n Wye verskeidenheid kuns, kunsvlyt, dekor, kos en klere sal beskikbaar wees. Moenie die regstreekse vermaak misloop nie. Kindervermaak word voorsien. Vir meer inligting oor stalletjiebesprekings en die mark, stuur ’n e-pos aan Dawn by [email protected] Toegang is gratis en die mark is van 09:00 tot 13:00 oop.

» Die Salsa Social Club in Windhoek bied môreaand 2019 se eerste straat- salsapartytjie by Cramer’s Ice Cream aan. Die musiek sal hard speel, daar sal heelaand gedans word, en die drankies sal koud en verfrissend wees. Onder meer kan jy die die salsa, bachata, cha-cha en merengu aandurf. Toegang is gratis, bring net jou dansskoene!

» Die Stephanus-kerk by Kenneth Kaundastraat 3, in Klein Windhoek, bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak of plaaslik gekweek.

Dinsdag

» Showcase Namibia is 'n geleentheid vir toeriste en Namibiërs om tradisionele danse en plaaslike musiek saam te geniet. Dis ’n gereelde instelling by die Warehouse-teater en word elke Dinsdag aangebied. Toeriste word aangemoedig om deel te raak van ’n interaktiewe show van 45 minute. Kaartjies is teen N$170 by die deur beskikbaar. Dit begin om 16:15. Vir meer inligting, besoek die Warehouse-teater se Facebook-blad.

» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by die restaurant beskikbaar.

» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.

Woensdag

» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare dromslaansessie in die boma by Joe’s aan. Almal is welkom. ’n Beperkte aantal djembe-dromme word voorsien, maar entoesiastiese dromslaners word aangemoedig om hul eie dromme saam te bring. Die sessies is gratis, maar skenkings is welkom.



Donderdag

Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Soortgelyk

 

Houtskoolbedryf sien enorme groei

1 dag gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

1 dag gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

1 dag gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

1 dag gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

1 dag gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

1 dag gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

1 dag gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

1 dag gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

1 dag gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...