Kalender 7 Desember

07 December 2018 | Kuns en vermaak
Nou aan die gang

» Die Rock Square Colour Festival vind môre om 10:00 by die Omulunga-stadion op Grootfontein plaas. Die fees bied ’n wye verskeidenheid vermaak vir oud en jonk. Kunstenaars sluit in DJ Alba Nalo, DJ Wat Wat, DJ Kenny en Stiggahouse. Kos- en drankstalletjies is beskikbaar en toegang vir kinders onder ses is gratis. Die helfte van die opbrengs deur kaartjieverkope sal aan die Pashukeni Charity-ouetehuis geskenk word vir hul Kersete. Kaartjies is by Pick n Pay en by webtickets.com.na beskikbaar.

» Die Swakopmund-modeweek skop vandag op dié kusdorp af. Plaaslike ontwerpers gaan hul uitrustings op die loopplank vertoon. Die geleentheid vind by die Mondesa Multipurpose-sentrum plaas en toegang beloop N$40 per modesessie. Vir meer inligting, besoek whatsonnamibia.com.na.

» Die jaarlikse Windhoek Pop Up Festival is vandag en môre by die United-sportgronde. Die tema vir vanjaar se fees is “Coachella". Dié opwipfees het ten doel om uitstallers die geleentheid te gee om nuwe markte te betree en handelsmerkbewustheid te bevorder. Kaartjies kan teen N$60 by die hekke gekoop word. Vir meer inligting, besoek whatsonnamibia.com.na/events.

» Die Tannery, net buite Windhoek naby Elisenheim, bied môre weer hul gewilde mark en wedloop aan. Die mark begin om 08:00 en kan tot 14:00 besoek word. Van die lekkerste plaaslike kos en drankies is beskikbaar. Doen solank jou Kersinkopies!

» Hekelwoorde van my Hart deur Tania Smit word vandag by The Taste Academy bekend gestel. Dit behels ’n aand van voorlesing en lekker kuier. Toegang is gratis. Heerlike kos en drankies van The Taste Academy sal te koop wees. Kontak Rhona Strauss by 081 295 3705 om plek te bespreek.

» Vanaand is ’n Salsa-aand by Cramer Ice Cream. Die aand sal met ’n 30 minute lange beginnersklas afskop. Geniet ’n aand van dans, Kubaanse drankies en eksotiese kos! Dit begin om 19:00 en hou tot laat aan! Skakel 081 129 6233 om ’n tafel te bespreek. Toegang is gratis, onthou net jou dansskoene en sit jou beste voet voor!

» Die Stephanus-kerk by Kenneth Kaundastraat 3, in Klein Windhoek, bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak of plaaslik gekweek.

Maandag

» Die Nasionale Kunsgalery van Namibië (NAGN) bied met trots Unam se Beeldende Kunste-uitstalling vir 2018 aan. Dié uitstalling is tans in die NAGN se hoofgalery te sien. Die uitstalling weerspieël studente se toewyding en skeppendheid die afgelope akademiese jaar, en kan tot 19 Januarie besoek word.

Dinsdag

» Showcase Namibia is 'n geleentheid vir toeriste en Namibiërs om tradisionele danse en musiek saam te geniet. Dié geleentheid gaan ’n gereelde instelling by die Warehouse-teater word en vind vandag vir die eerste keer plaas. Showcase Namibia stel ons unieke plaaslike kultuur ten toon. Toeriste word aangemoedig om deel te raak van die interaktiewe vertoning van 45 minute. Kaartjies kan teen N$170 by die deur gekoop word. Vir meer inligting, besoek die Warehouse-teater se Facebook-blad. Die geleentheid begin om 15:00.

» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by die restaurant beskikbaar.

» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.

Woensdag

» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare tromslaansessie in die boma by Joe’s aan. Almal is welkom. ’n Beperkte aantal djembe-tromme word voorsien, maar entoesiastiese tromslaners word aangemoedig om hul eie tromme saam te bring. Die sessies is gratis, maar skenkings is welkom.



Donderdag

Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Soortgelyk

 

30 jaar ná Vingerklip val

2 dae gelede | Plaaslik

Hy sal die oggend van 7 Desember 1988 nie maklik vergeet nie, vertel die bekende oudomroeper, Frikkie Wallis, wat deesdae op Swakopmund woon. “Ek was...

Kommer heers oor beheer van huur

2 dae gelede | Regering

Catherine Sasman – Die instelling van huurbeheerrade in Windhoek, Swakopmund, Walvisbaai, Oskahati en Rundu is ‘n swak deurdagte politieke besluit wat die eiendomsmark kan laat...

Windhoek sien die lig!

2 dae gelede | In beeld

Die burgemeester van Windhoek, mnr. Muesee Kazapua, het Woensdagaand, volgens die jaarlikse gebruik, die stad se Kersliggies aangeskakel. Hiermee is die feesseisoen amptelik aangekondig en...

Dagga by die kilogramme

2 dae gelede | Misdaad

Denver Kisting'n Suid-Afrikaanse man verskyn na verwagting vandag in die Keetmanshoop-landdroshof weens die beweerde besit van 244 kg se dagga.Hoofinsp. Kauna Shikwambi, 'n polisiewoordvoerder, het...

Vroue in uniform vat voor

2 dae gelede | Misdaad

Denver Kisting 'n Totaal van 249 mense is tydens die vier dae van die pas afgelope Basadi-veldtog aangekeer.Dít verteenwoordig 'n toename van bykans 50% meer...

Weer, Vrydag 7 Desember 2018

2 dae gelede | Weer

BINNELAND: Gedeeltelik bewolk en baie tot bloedig warm met enkele donderbuie in die noordoostelike en verre suidwestelike gedeeltes.KUS: Gedeeltelik bewolk en koel met miskolle plek-plek....

Kalender 7 Desember

2 dae gelede | Kuns en vermaak

Nou aan die gang» Die Rock Square Colour Festival vind môre om 10:00 by die Omulunga-stadion op Grootfontein plaas. Die fees bied ’n...

Brandstofsmokkelary uit Angola onwettig

2 dae gelede | Ministeries

Elvira Hattingh - Nie net is die smokkel van brandstof uit Angola na Namibië onwettig en bestaan daar kommer oor die gehalte daarvan nie, maar...

Kinderverkragting: Dossier nie in hof

2 dae gelede | Howe

Francoise Steynberg - Die vermeende reeksverkragter mnr. Gewen Gawa-nab (24) het Woensdag in die Windhoekse landdroshof in Katutura op twee klagte van verkragting verskyn. Die...