Kalender 3 Mei

03 May 2019 | Kuns en vermaak
Nou aan die gang

» Sluit aan by ’n treinreis van Windhoek se hoofstasie af na Okapuka Ranch op die Starline Express-trein. Okapuka is die perfekte plek vir ’n piekniek en ‘n groot piekniekbuffet-ete sal bedien word. ’n Kroeg sal vir die middag oop wees. Die trein vertrek 11:00 van Windhoek se hoofstasie af en keer weer omtreeks 16:00 terug na Windhoek. Die tema vir die dag is wit en belangstellendes word vriendelik versoek om in wit op te daag. Kaartjies is by www.eventstoday.com.na beskikbaar. Toegang vir volwassenes beloop N$320 en N$250 vir kinders onder 12. Vir meer inligting, besoek whatsonnamibia.com.na/events

» ?Namibië vier vanjaar die Outjo Wildsfees se 16de bestaansjaar. Dit vind vandag en môre

by Sophienhof Lodge, 10 km buite Outjo op die Khorixas-pad plaas. Dit beloof om weer ? fees te wees wat jy nie gaan vergeet nie, en die belangrikste van alles is dit bly steed die lekkerste fees in Namibië. Maak 'n naweek daarvan, bring die hele gesin, laai vir Ouma en Oupa op, nooi jou beste vriende of jou hele familie en kom deel in alles wat Outjo se gasvryheid jou kan bied. Bly oor op Sophienhof of die Tentedorp en Overlander Camp op die feesterrein, of bespreek jou slaapplek betyds by enige van Outjo en omgewing se vele lodges, kampplekke, hotelle of gastehuise. Stalletjies open soggens om 8:30 met ? verskeidenheid produkte, voertuie, inligting, speletjies, heerlike kossoorte om aan te smul en verfrissende drankies om jou met nuwe moed te vul. Daar is twee vermaaktente om van te kies, naamlik die hooftent en die Glaskas (in die OK Proe-en-Kuier-tent) en vanjaar word nog meer vertonings aangebied. Die baie suksesvolle jaarlikse wildsveiling word in samewerking met die Otjikondo Boerevereniging en Du Preez Wild aangebied. Topgehalte genetika van veral die Bastergemsbok bly ’n groot aantrekking vir wildtelers. Hierdie katalogusveiling vind môre om 12:00 plaas. Kaartjies is by Computicket, OK Foods Outjo of op die feesterrein self te koop. Die volledige program is op Facebook beskikbaar.

» Creations is ’n uitstalling van die werk van Namibiese kunstenaars ter viering van 29 jaar van onafhanklikheid. Die projek beoog om kunstenaars uit verskillende agtergronde byeen te bring. Van tradisionele kuns tot moderne werk word uitgestal. Die doel is om ’n wye verskeidenheid dissiplines ’n platform te bied waardeur kunstenaars bande met mekaar kan smee. Creations is nog net vandag by die Nasionale Kunsgalery van Namibië (NAGN) te sien.

» Die Stephanus-kerk by Kenneth Kaundastraat 3, in Klein Windhoek, bied elke Saterdag van 08:00 tot 12:00 ’n biomark aan. Alle produkte wat by die mark verkoop word, is tuisgemaak of plaaslik gekweek.

Maandag

» Showcase Namibia is 'n geleentheid vir toeriste en Namibiërs om tradisionele danse en plaaslike musiek saam te geniet. Dis ’n gereelde instelling by die Warehouse-teater en word elke Dinsdag aangebied. Toeriste word aangemoedig om deel te raak van ’n interaktiewe show van 45 minute. Kaartjies is teen N$170 by die deur beskikbaar. Dit begin om 16:15. Vir meer inligting, besoek die Warehouse-teater se Facebook-blad.

» Die Kunsvereniging op Swakopmund bied Symphony of Colours aan. Dié groepuitstalling is tans by die Woermannhaus-galery. Ondersteun plaaslike kunstenaars en waardeer hul wonderlike, oorspronklike kuns.

Dinsdag

» Dinsdag is karaoke-aand by die Boiler Room by die Warehouse-teater. Dit begin om 20:00 en hou tot laataand aan. Toegang is gratis. Drankies is by die kroeg en etes by die restaurant beskikbaar.

» Fotografiedosent Djunior Svane bied werkwinkels in digitale fotografie vir beginner- en gevorderde studente aan. Vir meer inligting, skakel Djunior by 081 245 2279.

Woensdag

» Drum Café Namibia, in samewerking met Joe's Beerhouse, bied elke Woensdag van 18:00 tot 19:00 ’n openbare dromslaansessie in die boma by Joe’s aan. Almal is welkom. ’n Beperkte aantal djembe-dromme word voorsien, maar entoesiastiese dromslaners word aangemoedig om hul eie dromme saam te bring. Die sessies is gratis, maar skenkings is welkom.



Donderdag

» Die Jazz Etcetera-geleenthede by die Hilton se Kalabar vind elke Donderdag tussen 19:00 en 21:30 plaas en toegang is gratis. Almal is welkom.

Soortgelyk

 

B-dag: Maak of breek

27th of May 00:00 | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

27th of May 00:00 | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

27th of May 00:00 | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

27th of May 00:00 | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

27th of May 00:00 | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

27th of May 00:00 | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

27th of May 00:00 | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

27th of May 00:00 | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

27th of May 00:00 | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...