Kalahariwoestyn-slagoffer se lyk op lorrie

Namibiërs woedend

25 June 2019 | Polisie
Denver Kisting – Talle Namibiërs is woedend omdat mnr. Fambauone Black (22) se oorskot die afgelope Saterdag agter op ’n lorrie terug Zimbabwe toe vervoer is.

Die Namibiese regering – veral Operasie Kalahariwoestyn – loop deur onder kritiek in die sosiale media oor die gebrek aan waardigheid waarmee Black bejeën is.

Hy het voorverlede Donderdagoggend in Windhoek gesterf, glo aan die hand van kpl. Gerson Nakale (38), ’n lid van die Namibiese weermag (NDF).

Nakale was deel van die teenmisdaadveldtog wat ’n padblokkade in Katutura beman het.

Me. Rejoice Marowa, ’n semifinalis in vanjaar se Mej. Namibië-wedstryd, beskryf die manier waarop Black se oorskot vervoer is as onmenslik.

“Hoe is dit moontlik om iemand koelbloedig om die lewe te bring en sy liggaam in ’n boks agter op ’n sleepwa met openbare vervoer huis toe te neem? Die regering moet besef Namibiërs werk en studeer ook in ander lande en dit is nie hoe ons wil hê ons mense behandel moet word asof hulle nie waarde het nie.”

Die komediant Tapiwa Makaza het ook in die sosiale media teen dié voorval uitgevaar.

Me. Anna Nicodemus, ’n bekende in mediakringe, sê op Facebook by ’n foto van die liggaam agter op die lorrie: “Ek het so baie om hieroor te sê, maar ek is skaam vir myself, my mense en my land.”

’n Vriend van Black, wat ook onder sy vriende as Charlie bekend gestaan het, het gister bevestig die oorskot het veilig in Zimbabwe aangekom.

Volgens die vriend sou die begrafnis reeds gister plaasgevind het.

Verlede week het die vriend nog by navraag gesê hulle sukkel om genoeg geld bymekaar geskraap te kry om Black se oorskot terug na sy vaderland te neem.

Dié man het verlede week erken hy – nes Black ten tyde van sy dood – is onwettig in Namibië. Sy identiteit word derhalwe weerhou.

Adj.komm. Abner Agas, koördineerder van misdaadondersoeke in die Khomasstreek, sê by navraag Nakale was deel van ’n groot span weermag- en polisielede by die padblokkade in Katutura.

Hy wou nie bespiegel of dit ’n waarskuwingskoot was wat skeefgeloop het nie.

Nakale is ná die voorval in hegtenis geneem en moet weer op 15 Oktober vanjaar in die Windhoek-landdroshof in Katutura op aanklag van moord verskyn.

Soortgelyk

 

Regbank kan nie alleen pa staan vir tydige geregtigheid,...

10 ure gelede | Howe

Denver Kisting - Hoofregter Peter Shivute sê die publiek verwag ’n regstelsel wat geregtigheid spoedig en regverdig lewer.Hoewel die regbank hul bes doen om regverdigheid...

Fopnuus tydens die verkiesing

11 ure gelede | Politiek

Navorsers verbonde aan die Instituut vir Openbare Beleidsnavorsing (IPPR), mnr. Frederico Links en me. Martha Nangolo, deel vanoggend hul bevindings oor fopnuus wat voor, tydens...

Verskeie staatskole in Windhoek sonder water, krag

13 ure gelede | Onderwys

Meer as tien staatskole in Windhoek is reeds vir dae sonder krag en water, nadat toevoer deur die munisipaliteit afgesny is. Die skole wat geraak...

Hardapkrane lóóp

13 ure gelede | Landbou

Elvira Hattingh - Watertoevoer in die besproeiingskanaal op die Hardapskema het reeds 05:00 vanoggend weer afgeskop. Dit volg nadat NamWater se uitvoerende hoof, mnr. Abraham...

Afrika en Namibië gereed vir coronavirussiekte (Covid-19)

22 ure gelede | Gesondheid

Die Wêreldgesondheidsorganisasie (WHO) se noodgesondheidsbeampte vir Namibië, dr. Petrus Mhata, sê die organisasie beveel nie enige reis- en handelsbeperkings met China vir lande in Afrika...

‘Skaapdiefstal’ lei tot treurspel ...

22 ure gelede | Howe

Francoise Steynberg - Die beweerde diefstal van 30 skape by ’n bekende ruskamp buite Keetmanshoop het Maandag glo tot die dood van ’n vermeende skaapdief,...

’n Uitspansel vol belofte

22 ure gelede | In beeld

Mnr. Ettienne Rossouw het dié foto gistermiddag om 15:00 in Suid-Namib geneem en op die Facebook-blad “Namibië Reënval” gedeel. “Kyk hoe bou die wolke. Belowend!”...

Itula slyp sy tande opnuut

22 ure gelede | Howe

Denver Kisting – Dae nadat die hooggeregshof beslis het Namibiërs keer nie terug stembus toe nie, het die voormalige onhafhanklike presidensiële kandidaat, dr. Panduleni Itula,...

Corona draai in parlement

22 ure gelede | Regering

Augetto Graig – Die Swapo-agterbanker en parlementslid me. Pendukeni Iivula-Ithana het gistermiddag die minister van hoër onderwys, opleiding en vernuwing, dr. Itah Kandjii-Murangi, oor die...