Kalahariwoestyn eis glo nog ’n slagoffer

06 September 2019 | Misdaad
Tanja Bause - ’n Man is gister dood ná hy in Katutura naby die ou enkelkwartiere deur lede van die teenmisdaadveldtog Operasie Kalahariwoestyn geskiet is.

Die voorval het om 10:45 op die hoek van Market- en Mungundastraat plaasgevind.

Die man, wat as Benisius Kalola (32) uitgeken is, is na die Katutura-staatshospitaal geneem waar hy omstreeks 13:30 aan sy wonde beswyk het.

Adj.komm. Abner Agas, koördineerder van misdaadondersoeke in die Khomasstreek, het dit bevestig. Later gistermiddag het die polisie se amptelike woordvoerder, hoofinsp. Kauna Shikwambi, gesê sy naasbestaandes is van sy dood in kennis gestel.

"Ondersoekbeamptes is steeds besig om die rede vir die skietery te ondersoek. Niemand is nog in hegtenis geneem nie," het haar e-pos aan joernaliste gelui.

Op ’n stemgreep wat Republikein ontvang het, beweer ’n man die oorledene was besig om ’n video te neem.

“Hy het ’n video geneem, toe word hy gejaag, en toe hy nie wou stilstaan nie, word hy geskiet. Dit oor hy ’n video geneem het,” sê die man op die stemgreep.

Op ’n video wat die rondes in die sosiale media doen, kan gesien word die man lê in die straat terwyl omstanders op die randsteen oorkant die pad saamdrom.

’n Vroulike Namibiese weermag-(NDF)lid stap na waar die man lê.

Twee gewapende NDF-lede staan by die man.

Een neem die man aan die arm en draai hom op sy sy.

Eerste slagoffer

Vroeër vanjaar is ’n man tydens ’n Operasie Kalahariwoestyn-padblokkade in Katutura doodgeskiet.

Op 13 Junie het kpl. Gerson Nakale (38) van die NDF mnr. Fambauone Black, ’n Zimbabwiese taxibestuurder, na bewering tydens die padblokkade doodgeskiet.

Black het glo voor die padblokkade omgedraai en weggejaag.

Die blokkade is deur Nakale en ’n polisiebeampte beman toe die soldaat glo ’n skoot afgevuur het wat Black in die kop getref het.

[email protected]

Soortgelyk

 

Teko-trio vrygespreek

1 uur gelede | Howe

Ronelle Rademeyer - Die sakevrou, me. Teckla Lameck, en haar twee vennote, mnre. Yang Fan en Jeroboam (Kongo) Mokaxwa, is vanoggend in die hoërhof in...

Dokters wis nie van voorskrifte

11 ure gelede | Ministeries

Henriette Lamprecht Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende...

Regering kry skuld vir SOE-gemors

11 ure gelede | Regering

Denver Kisting Die regering is 'n swak aandeelhouer.Só het die adjunk- uitvoerende direkteur van staatsdiensondernemings, me. Louise Shixwameni, gister op die ontbytprogram Good Morning Namibia...

Teenstropery: 280 polisielede veg saam

11 ure gelede | Misdaad

Francoise Steynberg Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale...

Meer as N$350 000 se goedere kry voete

11 ure gelede | Misdaad

Volgens die Namibiese polisie se misdaadverslag het skelms Woensdag om 14:00 die venster van 'n voertuig in Windhoek se noordelike nywerheidsgebied stukkend geslaan. Die insittende...

Weer vir 18 September

11 ure gelede | Weer

WEERWAAK: Baie warm toestande sal oor die binneland voortduur.BINNELAND: Gedeeltelik bewolk en bloedig warm in die Suide, andersins sonnig en baie tot bloedig warm.KUS: Bewolk...

Konferensie fokus op gehalte-onderrig

11 ure gelede | Onderwys

Die Nasionale Raad vir Hoër Onderrig het, in vennootskap met die Namibiese Kwalifikasie-owerheid en die Universiteit van Namibië (Unam), die Universiteit van Wetenskap en Tegnologie...

'n Kolwyntjie vir Nadine

11 ure gelede | Plaaslik

Tanja Bause'n Elfjarige meisie van Windhoek het verlede jaar tydens die Internasionale Dansfees in Suid-Afrika stof in ander deelnemers sê oë geskop, en is hard...

Invaluable experience for Alonso at Lichtenburg

11 ure gelede | Motors

Fernando Alonso and Marc Coma completed an eventful but invaluable learning experience at the Lichtenburg 400 in South Africa on Friday and Saturday with Toyota...