Kabinet red RCC

'Padwerkers se toekoms verseker'

13 September 2017 | Ministeries
Augetto Graig - Werknemers van die Paaiekontrakteursmaatskappy (RCC) sug van verligting ná die minister van werke en vervoer, mnr. Alpheus !Naruseb, Maandag aangekondig het hul toekoms is verseker.

“Noudat die kabinetskomitee besluit het op die redding en voortgang van die RCC, behoort die werkers verseker van hul toekoms te wees. Die werkers moet nou fokus daarop om produktief wees sodat hulle kan voortgaan om vir hul families te sorg,” het hy gesê.

Die RCC gaan al 'n geruime tyd gebuk onder onsekerheid oor sy voortbestaan. Die maatskappy se versuim om salarisse te betaal het werknemers die strate laat invaar. Die minister het terugvoering gegee ná die kabinetskomitee se besluit om die RCC onder geregtelike bestuur te plaas.

!Naruseb sê: “Dié besluit is geneem ter ondersteuning van die voortbestaan en normalisering van die besigheidsbedrywighede van die RCC, en nie die likwidasie van die RCC nie.”

Volgens die minister sal geregtelike bestuur die RCC die geleentheid gun om sy balansstaat onder toesig te herstruktureer. !Naruseb sê die direksie en alle belanghebbers moet dringend die RCC betrek om 'n sukses van die maatskappy te maak.

Dié vyfjaarplan is volgens hom ­ekonomies uitvoerbaar weens die land se winsgewende boubedryf en weens Namibië se behoefte aan infrastruktuur, behuising, paaie, spoordienste en ander ontwikkelings­dienste.

Volgens hom sit die voorgestelde Vyfde Nasionale Ontwikkelingsplan (NDP5) N$163 miljard opsy vir nasionale ontwikkeling binne die volgende vyf jaar.

“Die huidige finansiële krisis is nie deur die huidige direksie veroorsaak nie. Dit is 'n verergering van die situasie in die verlede,” sê !Naruseb.

Om die situasie by RCC te herstel sal tyd neem, sê hy. Hy verwag dié proses sal tussen drie en vyf jaar neem.

“Hoe vroeër dit kan gebeur, hoe beter,” sê hy.

Soortgelyk

 

Theo Mujoro is nuwe hoof van verkiesings

8 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

9 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

10 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

10 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

10 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

22 ure gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

22 ure gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

22 ure gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

22 ure gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...