Kabinet neem aksie teen droogte

Die kabinet het goedkeuring gegee vir die oordrag van nog N$7 miljoen na die streeksrade van Oshana en Oshikoto om waterpype aan te lê en tenks vir droogteverligting te installeer. Dit is bykomend tot die sowat N$30,5 miljoen wat alle streeksrade reeds vir boorgatrehabilitasie en waterpunt-installasiewerk gekry het.

Volgens die kabinet is hulle bewus van die toename in behoeftes wat die droogte veroorsaak. Die kantoor van die eerste minister is ook goedkeuring gegee om meer hulpbronne uit die nasionale noodrampfonds vry te stel ten einde erg geraakte gemeenskappe met watervoorsiening te help. Terselfdertyd is die ministerie van landbou, water en bosbou die opdrag gegee om ? sakemodel vir elk van die regering se slagpale en vleisverpakkingsaanlegte te voltooi, met klem op die bemarking van vee uit die kommunale landbougebiede.

Groenskemaprojekte moet voerproduksie verhoog en ? nuwe sakemodel moet binne ? maand vir elke groenskema ontwikkel word. Die ministeries van landbou en finansies moet ook geld beskikbaar stel vir bestaande boereskemas en Agribusdev om nuwe metodes vir voerproduksie, insluitend hidroponika en bos-tot- voermasjiene, te finansier.