Kaapstad-lughawe teen R7 miljard uitgebrei

08 February 2019 | Sakenuus
James de Villiers – Teen 2023 gaan die Kaapstadse Internasionale Lughawe spog met R7 miljard se opgraderings, wat ’n nuwe aanloopbaan en ontspanningsareas insluit.

Die konstruksiewerk begin vroeg in 2020 en sal vier jaar duur.

Die Lughawensmaatskappy van Suid-Afrika (Acsa) het die planne in ’n voorlegging uiteengesit en verduidelik dat die nuwe projek noodsaaklik is weens die toenemende aanvraag vir die lughawe se dienste.

In die afgelope drie jaar het die aantal passasiers wat by dié lughawe aandoen met 9% gestyg tot 2,4 miljoen, ten spyte van die erge droogte wat die plaaslike toerismebedryf erg geraak het.

Acsa sê dat die nuwe aanloopbaan van 3 500 meter nie parallel met die huidige een sal loop nie, en groot genoeg sal wees om die wêreld se grootste passasiersvliegtuig, die Airbus A380, te kan akkommodeer.

Dié deel van die projek gaan sowat R3,9 miljard kos, maar sal ook die lughawe se terminusse in staat stel om in die toekoms te kan uitbrei in die rigting van die aanloopbane, wat meer vliegtuie by die lughawe sal kan akkommodeer.

Volgens Acsa is die hoogtepunt van die projek wel die R688 miljoen wat aan die uitbreiding van die binnelandse aankomssaal bestee sal word.

Die bagasie-saal sal beduidend uitgebrei word om bykomende bagasievervoerbande te akkommodeer, en die ontmoeting-en-groete-area sal hersaamgestel word.

Met die groei wat die lughawe beleef het, sê Acsa dat ook die internasionale terminaal binnekort sy volle kapasiteit sal bereik. ’n Tweede terminaal sal dus teen ’n koste van R2,8 miljard gebou word.

Deidre Davids, woordvoerder van Acsa, sê maatreëls sal in plek gestel word om te verseker dat passasiers nie verontrief word tydens die konstruksieprojek nie en dat vliegtuie ongehinderd sal kan land en opstyg soos gewoonlik.

“Terwyl ons ons bes doen om die ontwrigting en impak op passasiers te beperk, vra ons byvoorbaat dat die lughawe-gebruikers asseblief geduldig sal wees – enige ongemak wat ervaar word, sal uiteindelik die moeite werd wees,” sê sy.

In 2018 is daar met die Wes-Kaapse regering se Air Access-projek, in samewerking met die Kaapstad-metro en Acsa, drie nuwe lugdienste gevoeg tot die lughawe se dienste, en toegesien dat die bestaande lugdienste hul dienste kon uitbrei. Daar is nou vier nuwe bestemmings wat vanaf die lughawe bereik kan word.

Beverley Schäfer, Wes-Kaapse LUR vir ekonomiese geleenthede, sê dat hierdie lugdiens-uitbreiding nog R620 miljoen se toerismebesteding sal voeg tot die provinsiale toerismebedryf – ’n bedryf wat reeds 300 000 werksgeleenthede ondersteun. – Business Insider SA – Netwerk24

Soortgelyk

 

Houtskoolbedryf sien enorme groei

15 ure gelede | Landbou

Elvira Hattingh op Otjiwarongo - Die Namibiese houtskoolbedryf het 'n "ontploffing in houtskoolproduksie" die afgelope jaar ervaar en 'n groei van 33% in een jaar...

Lodge, besigheid beroof – sewe vas

1 dag gelede | Misdaad

Henriette Lamprecht – Sewe verdagtes was gister reeds agter tralies nadat hulle by twee verskillende inbrake in die Omahekestreek betrokke was. Een van die inbrake...

Tolpaaie dalk op pad

1 dag gelede | Vervoer

font face="Verdana" >Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.Dít as ’n moontlike bykomende bron...

Grondwet praat jou taal

1 dag gelede | Howe

Denver Kisting – Dit is belangrik dat die oppergesag van die land, die Grondwet, toeganklik is vir Jan en San Alleman.Alle wette in Namibië is...

Agterstallige pos glo nie NamPost se skuld

1 dag gelede | Ministeries

Catherine Sasman – Volgens NamPost is die agterstand in die aflewering van pos en pakkies nie sy skuld nie, maar wel die Suid-Afrikaanse Internasionale possentrum...

Weer vir 9 Augustus

1 dag gelede | Weer

BINNELAND: Gedeeltelik bewolk en warm in die Suide, maar baie tot bloedig warm in die Noorde.KUS: Gedeeltelik bewolk en matig tot warm met miskolle in...

Nou aan die gang

1 dag gelede | Kuns en vermaak

» Vanaand is die immergewilde Windhoek City Market weer in die hoofstad. Geniet ’n onbeperkte vonkelwynproe van verskeie wynkelders uit Suid-Afrika se produkte. Dié mark...

Klei en keramiek by negende biënnale

1 dag gelede | Kuns en vermaak

Die Pottebakkersvereniging van Namibië (PAN) se 9de Keramiek Biënnale word eersdaags by die Nasionale Kunsgalery van Namibië (NAGN) aangebied sal word. Die geleentheid is die...

N$150 miljoen vir landskapbestuur

1 dag gelede | Ministeries

Die ministerie van die omgewing en toerisme en die Nasionale Beplanningskommissie van Namibië het Woensdag ’n ooreenkoms met die Verenigde Nasies se Ontwikkelingsprogram (UNDP) onderteken,...