“Jou inligting is nie reg nie”

Joubert gelooi

12 October 2018 | Howe
Erwin Leuschner – Ná vier dae in die streekhof op Swakopmund het die ongelukskenner mnr. Johan Joubert se kruisondervraging in die moodverhoor van mnr. Jandré Dippenaar gister voortgegaan.

Joubert het twee dae lank getuig, terwyl adv. Louis Botes hom oor die kleinste besonderhede gepeper het.

In sy verslag oor die ongeluk wat op 29 Desember 2014 plaasgevind het en ses mense se lewens geëis het, beweer Joubert Dippenaar het dit veroorsaak.

Volgens Joubert was die spoed van die Toyota FJ Cruiser waarvan Dippenaar die bestuurder was, 147,6 km/h.

Die Ford Ranger se spoed is deur ’n ingeboude GPS-toestel as 85 km/h aangegee.

Gister is Joubert se berekeninge onder kruisverhoor bevraagteken.

Hy het gesê daar is verskeie formules om spoed te bereken en hy het een gebruik wat op dié betrokke voorval van toepassing is, omdat die spoed van een van die voertuie reeds beskikbaar was.

Botes het ’n ander formule aan Joubert voorgelê.

Volgens dié formule sou die Ford Ranger se spoed ’n minuswaarde toon, wat nie moontlik is nie.

“Ek wil hiermee wys die berekeninge is nie reg nie,” het Botes gesê.

Volgens Joubert het hy die regte formule gebruik.

Botes het hom ook oor die “beweerde heuwel” uitgevra.

Joubert het voorheen getuig Dippenaar het op ’n heuwel verbygesteek en kon dus nie die voertuig van voor af sien aankom nie.

Deur middel van foto’s en berekeninge het Botes aangevoer daar was geen heuwel by die ongelukstoneel nie, derhalwe het beide bestuurders mekaar lank voor die ongeluk raakgesien en dus nié minder as een sekonde gehad om te reageer, soos Joubert beweer nie.

Nóg ’n aspek wat Botes bevraagteken het, was die sowat agt meter lange skuurmerk langs die pad reg voor die ongelukstoneel.

In sy ongelukverslag kom Joubert tot die gevolgtrekking dié merk is veroorsaak toe Dippenaar drie voertuie op ’n heuwel verbygesteek het en beheer oor sy voertuig verloor het.

Dippenaar het volgens Joubert met sy regterwiel gedeeltelik van die pad af gery.

Onder kruisverhoor het Joubert toegegee die merk kon ook die gevolg van ’n padskraper wees.

Gistermiddag het Botes vrae oor die rotasie van die voertuie ná die impak gevra.

Joubert is oortuig beide wrakke het kloksgewys gedraai, maar Botes het hom probeer oortuig die teenoorgestelde is die geval.

“Ek stem nie met jou saam nie,” het Joubert gesê.

Soortgelyk

 

Staat vra hof om minister skuldig te bevind

1 uur gelede | Howe

Adjunk-aanklaer-generaal Ed Marondedze het vroeër vandag vir regter Christie Liebenberg gevra om vir me. Katrina Hanse-Himarwa skuldig te bevind aan korrupsie.Dít kom nadat die staat...

Brian Finch privaat gegroet

4 ure gelede | Kuns en vermaak

Die musieklegende Brian Finch, wat vroeër vandeesweek sy stryd teen kanker verloor het, gaan tydens ’n private seremonie ter ruste gelê word. Volgens ’n plaaslike...

NSFAF beperk finansiering

5 ure gelede | Onderwys

Die Finansiële Hulpfonds vir Namibiese Studente (NSFAF) sal eerskomende Vrydag ’n lys van 2 925 nuwe begunstigdes beskikbaar stel. Die byna 3 000 gelukkiges word...

Eis van miljoene ná miskraam

16 ure gelede | Howe

Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by...

Kuns tussen die wingerde

16 ure gelede | Byvoegsels

Ronelle Rademeyer - “Ek glo ’n goeie skildery ontstaan wanneer ’n bietjie talent en ’n groot klomp passie op die skilderdoek ontmoet.”Dit is hoe die...

Twee Namibiërs in SA hof oor diamante

16 ure gelede | Howe

Francoise Steynberg - Twee Namibiese mans het gister in die Bellville-landdroshof in Kaapstad in verband met die onwettige besit van 27 ongeslypte diamante verskyn. Mnr....

Namibiër vertolk hoofrol in Fiela se kind

16 ure gelede | In beeld

Die Namibiese aktrise Zenobia Kloppers het die hoofrol in die fliek Fiela se kind losgeslaan. Zenobia, wat Fiela Komoetie sal speel, is ’n bekende aktrise...

Live for the moments, not the milestones

16 ure gelede | Mense

Mariselle StofbergCarla van Zyl is the top medical student from the class of 2018 at the University of Namibia (Unam). This motivated, driven and passionate...

Musieklegende se stem stil

16 ure gelede | Kuns en vermaak

Lloyd Zandberg - Die geliefde Suid-Afrikaanse musikant, Brian Finch (72), het Sondag sy maande lange stryd teen kanker verloor.Finch en sy vrou, Marion, woon al...