Jong man sterf in gru-botsing

Tanja Bause - Die 20-jarige mnr. Aydan Devan Zealand is Dinsdag om 23:50 in ''n botsing tussen ''n vragmotor en ''n sedanvoertuig oorlede. Volgens ''n woordvoerder van die Namibiese polisie, hoofinsp. Kauna Shikwambi, het die bestuurder van die vragmotor in die verkeerde baan gery toe die ongeluk sowat 25 kilometer buite Rehoboth plaasgevind het. Die vragmotor was van Rehoboth onderweg, terwyl Zealand vanuit Windhoek se rigting gekom het.

Volgens die polisie was die vragmotorbestuurder onder die invloed van drank en is hy in hegtenis geneem. Hy word van dronkbestuur en strafbare manslag aangekla en verskyn vandag in die landdroshof op Rehoboth.­