Jong Burger ryg ses rekords in

29 September 2016 | Sport
’n Opwindende atmosfeer het bygedra tot die sukses van laas naweek se nasionale kortbadkampioenskap van die Namibiese Amateur Swemunie waar verskeie nuwe inskrywings in die rekordboeke gemaak is.

Swakopmund se moderne binnenshuise swembad van 25 meter was die ideale venue vir die driedaagse geleentheid waar die beste swemmers van dwarsoor die land hul talent uitgestal het.

Vyf klubs met ’n totaal van 150 swemmers het meegeding. Die Aqua swemklub het 14 swemmers in die veld gestoot; Dolphin 91 swemmers; die Namib Swimming Academy 17; die Oranjemund Sand Sharks 12 en Swakopmund swemklub 16 swemmers.

Altesame 23 Namibiese ouderdomsrekords het in die slag gebly, terwyl bykans 700 persoonlike beste tye opgestel is.

Die volgende swemmers het nasionale ouderdomsrekords verbeter:

• Mikah Burger oortref ’n verstommende ses rekords in die seuns 11-12 ouderdomsgroep. Sy nuwe rekords is in die 50 vryslag, 100 vryslag, 50 rugslag, 50 borsslag, 100 vlinderslag en 100 individuele wisselslag opgestel in tye van 28.54; 1:02.27; 33.16; 34.28; 1:06.04 en 1:10.11 onderskeidelik. Die vorige rekords was onderskeidelik 28.70; 1:04.57; 33.20; 36.50; 1:09.52 en 1:10.35.

• Tiana Esslinger het drie nuwe rekords vir meisies 11-12 jaar verbeter, naamlik in die 100 vryslag, 50 rugslag en 100 rugslag in tye van 1:03.74; 33.07 en 1:10.22 onderskeidelik. Die vorige rekords was 1:04.26; 33.09 en 1:11.18.

• Zanré Oberholzer oortref die meisiesgroep 17-18 se 50 rugslag en 100 rugslagrekords met tye van 29.90 en 1:04.64 onderskeidelik. Die vorige rekords was 31.04 en 1:06.72.

• Molina Smalley stel in die meisies 17-18 ouderdomsgroep se 50 vlinderslag en 100 vlinderslag nuwe rekords van onderskeidelik 30.09 en 1:06.58 op. Die vorige rekords was 30.18 en 1:06.64.

• René Viljoen (vier rekords) verbeter die seuns 13-14 jaar se 50 vryslag, 50 borsslag, 100 borsslag en 100 individuele wisselslag met tye van 25.73; 32.21; 1:12.13; en 1:03.64 onderskeidelik. Die vorige rekords was 25.90; 33.00; 1:12.94 en 1:04.49.

• Corné le Roux (drie rekords) is die nuwe rekordhouer in die seuns 13-14 jaar se 100 vryslag, 50 vlinderslag en 100 vlinderslag met tye van 56.44; 27.17 en 1:00.46 onderskeidelik. Die vorige rekords was 57.51; 28.19 en 1:01.23.

Die swemmer wat die hoogste FINA-puntetotaal in ’n enkele item behaal het, was Alexander Skinner met 708 punte in die seuns 17 en ouer se 100 meter vryslag.

Alexander Skinner was ook die senior victor ludorum met Molina Smalley as die senior victrix ludorum, Tiana Esslinger die junior victrix ludorum en Mikah Burger as die junior victor ludorum.

Die klubs wat medaljes ingepalm het, was soos volg:

Dolphins Swemklub: 73 goud, 72 silwer, 78 brons, 223 totaal.

Namib Swim Academy: 25 goud, 20 silwer, 15 brons, 60 totaal.

Swakopmund Swemklub: 2 goud, 7 silwer, 7 brons, 16 totaal.

Oranjemund Sand Sharks: 1 silwer, 1 brons, 2 totaal.

Die kampioenskap is opnuut deur Old Mutual geborg. Die versekeringsmaatskappy het ’n verdere borgskap van N$28 000 aan die Swakopmund swemklub .

• Die volgende hoogtepunt op die plaaslike swemkalender is die Namibiese nasionale langbadkampioenskap. Dit is geskeduleer vir 5 November by Tsumeb se swembad wat 50 meter lank is.

Soortgelyk

 

Regering staan bakhand vir 2% van Namibiërs se jáárlikse...

11 ure gelede | Regering

Denver Kisting – Die verwarring oor of die regering Namibiërs vra om 2% van een maand of een jaar se basiese salaris te skenk, is...

Making employees feel at home at Plastic Packaging

23 ure gelede | Mense

JONELL MALAN Human resource management is a function in organisations designed to maximise employee performance in the service of an employer’s strategic objectives. One empowers...

Duisende registreer vir e-taks

23 ure gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

23 ure gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

23 ure gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

23 ure gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

23 ure gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Just a click away

23 ure gelede | Gesondheid

Michelline Nawatises Organic Box is an online grocery shop specialising in selling organic vegetables, meat and dairy products, farm produce, and speciality homemade products.It was...

Rundu surveys new extensions

23 ure gelede | Plaaslik

The Rundu town council plans to survey two new extensions in the Tuhingireni informal settlement for N$ 1 million, according to the head of town...