Joernaliste ontstel dat president vergadering kanselleer

Joernaliste, growwe onwaarhede en ’n verlore geleentheid

09 October 2020 | Regering
Die kantoor van die president het ’n vergadering met joernaliste, geskeduleer vir Woensdag 7 Oktober, deur ’n aankondiging die vorige aand op die agtuurnuus van die nasionale uitsaaier NBC gekanselleer.

Volgens president Hage Geingob se woordvoerder, dr. Alfredo Hengari, het net tien uit 56 betrokke joernaliste hul deelname aan die vergadering bevestig en is dit weens ’n gebrek aan belangstelling afgestel.

Hengari het president Geingob se toewyding tot mediavryheid benadruk en het die voorbereide toespraak waarmee Geingob die joernaliste sou gegroet het ook in die aankondiging gedeel.

“Die president het belangrike verpligtinge in sy druk skedule verskuif om na griewe te luister en oplossings te vind vir kwessies wat geopper is. Vanweë die swak belangstelling in die vergadering, kan die presidentskap ongelukkig nie anders as om die vergadering te kanselleer nie,” het Hengari gesê.

Intussen het die groep joernaliste gister hul eie nuusvrystelling uitgereik waarin hulle Hengari se weergawe van gebeure betwis. Volgens die joernaliste was dit prakties onmoontlik vir die 56 wat ’n vorige klagskrif in verband met mediakommunikasie met die kantoor van die president onderteken het, om almal die vergadering by te woon. Hulle het dus ’n groep van tien afgevaardig om hul besware met die president te deel en dié benadering is met Staatshuis gekommunikeer.

Volgens die mediawerkers is dit jammer dat die geleentheid daarmee heen is om kwessies te bespreek wat hul verhouding met Staatshuisbronne beïnvloed.

“Dit moet rooi ligte laat afgaan wanneer die hoogste kantoor in die land onwaarhede gebruik,” skryf die joernaliste. “Dit is kommerwekkend dat dieselfde dr. Hengari teen wie ons griewe gerig het, die persoon is wat die bepalings van die vergadering reël en dikteer.

“Die waarheid is: Die kommer wat in ons vorige brief aan die president geopper is, duur tot vandag toe voort. Die ware punt van die vergadering was om vir eens en altyd enige kwessies af te handel en ’n pad vorentoe uit te merk, want hoe langer hierdie dooiepunt voortduur, hoe meer word die land se reg om ingelig te wees, benadeel,” volgens die groep.

Soortgelyk

 

Geingob onder skoot oor ‘wit’ opmerkings

10 ure gelede | Politiek

Denver Kisting – Die leier van die amptelike opposisie, mnr. McHenry Venaani, sê wat pres. Hage Geingob die afgelope naweek oor wit mense kwytgeraak het,...

Verskeie daaglikse vlugte binnekort na SA

10 ure gelede | Vervoer

Ronelle Rademeyer – FlyWestair en Airlink, die private Namibiese en Suid-Afrikaanse rederye, het tot reisigers se redding gekom en gaan die leemte aan direkte, geskeduleerde...

Skone Lira bemark Namibië

10 ure gelede | Toerisme

Die Suid-Afrikaanse sangeres Lira, wat die inperking in Namibië deurgebring en uitgebreide verkenningsreise in die land onderneem het, is deur die Federasie van Namibiese Toerismeverenigings...

Weer vir 19 Oktober

10 ure gelede | Weer

BINNELAND: Gedeeltelik bewolk en bloedig warm in die Ooste. Elders sal die sonnig wees en baie warm tot bloedig wees. KUS: Gedeeltelik bewolk en koel...

Verdagte panga-rowers in hegtenis

10 ure gelede | Misdaad

Kristien KrugerVolgens ’n Namibiese polisieverslag is sewe mans in hegtenis geneem in verband met ’n aantal gewapende rooftogte in Windhoek.Die mans het hulself glo die...

Massavrekte van robwelpies ondersoek

10 ure gelede | Omgewing

Elvira Hattingh – ’n Ondersoekspan het begin om ongewone vrektes onder Kaapse pelsrobbe te ondersoek nadat klaarblyklik duisende wyfies vanjaar hul welpies teen die Namibiese...

Vier ton vis by Swakoppoort gekonfiskeer

10 ure gelede | Misdaad

Ronelle Rademeyer en Kristien Kruger – Sowat vier ton gedroogte vis en groot hoeveelhede visnettte en vislyn, asook die vlotte wat gebruik is om dit...

Stigma rondom Covid-19 neem af

10 ure gelede | Gesondheid

Jana-Mari Smith – Die normalisering van Covid-19 die afgelope jaar het veroorsaak dat stigmatisering weens die coronavirus besig is om af te neem, maar kenners...

Duitsland steun nasionale parke

10 ure gelede | Omgewing

Francoise SteynbergNóg 'n mylpaal is vir omgewingsbewaring behaal met die Duitse regering deur KfW wat sedert 2006 sowat N$1,4 miljard (75,5 euro) in Namibiese nasionale...