Jeuggeweld ruk Outjo

Drie inwoners op beweerde moordtog

08 March 2019 | Misdaad
Denver Kisting



Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek het.

Die drietal is eergisteroggend aanvanklik op borgtog van N$2 000 elk vrygelaat, maar die hof het later die dag dié bevel gekanselleer nadat die ondersoekspan tussenbeide getree het.

Een van die beskuldigdes is 'n 17-jarige tiener.

Twee van hulle word met ander geweldsmisdade verbind.

Mnr. Willem Haodom (24) staan op Outjo tereg op 'n onverwante saak van aanranding met die doel om ernstig te beseer, terwyl die ander vermeende makker, mnr. Brendon Haradoeb (19), op Otjiwarongo teregstaan op aanklag van verkragting.

Inspekteur Maureen Mbeha, 'n polisiewoordvoerder in die Otjozondjupastreek, sê die drietal het glo in die vroeë oggendure van 2 Februarie die moorde gepleeg.

Omstreeks 02:00 is mnr. Seth Sidney /Gawiseb (27) vyf keer met 'n mes gesteek. Hy het op die toneel aan sy wonde beswyk.

Die tienerverdagte en die twee volwassenes het glo omstreeks 02:43 die 26-jarige mnr. Brendon Alfredo nege keer gesteek.

Hy is ook op die toneel dood.

Mbeha sê die drie verdagtes is op dieselfde dag in hegtenis geneem.

Hulle het op Maandag 4 Februarie hul eerste verskyning op aanklag van moord in die Outjo-landdroshof gemaak. Hulle is borgtog geweier.

Die jongelinge moet weer op 24 April in die hof verskyn ná hul tweede verskyning Woensdag.

Mbeha sê die polisie is besorg oor die aantal mesverwante geweldvoorvalle op Outjo, veral aan die hand van jongelinge.

“Daar is kommer oor mesaanvalle onder die jeug op Outjo. Dit kom gereeld voor,” het sy gesê.

Soortgelyk

 

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

1 dag gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

1 dag gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

1 dag gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

1 dag gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

1 dag gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

1 dag gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

1 dag gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...

Minister gee Nida nuwe raad

1 dag gelede | Plaaslik

Ogone Tlhage – Die raad van die nuwe agentskap vir nywerheidsontwikkeling in Namibië (Nida) sal gereeld moet vergader om homself as semi-staatsinstelling te vestig. So...