Jennifer kom kuier weer!

10 May 2019 | Kuns en vermaak
Die gewilde Suid-Afrikaanse sangeres Jennifer Zamudio kom weer Namibië toe vir ‘n paar optredes met haar treffertoer, Meer as liefde.

Sy word bygestaan deur die Namibiese sanger Cee-Jay Jacobs. Saam is hierdie twee kunstenaars ‘n wenkombinasie en gaan vir vermaak uit die boonste rakke sorg.

Kollig het Jennifer ’n paar vinnige vrae gevra:

Jy kuier gereeld in Namibië, hoekom hou jy so baie van die land?

Ek het sedert 2006 probeer om elke jaar in Namibië met my musiek te draai. Afgesien van die ongelooflike natuur het Namibië se mense my hart aangegryp. Dit word met elke besoek weer en weer bevestig Namibiërs is die sout van die aarde. Dit is mense wat hul harte en ore oopmaak en my die geleentheid gee om te doen waarvoor ek so lief is. Dis ‘n voorreg om vir Namibiërs te kan sing, en ek sal altyd terugkeer.

Jy het vanjaar 'n Ghoema-toekenning ontvang. Vertel ons meer hiervan.

Dit was ‘n groot voorreg! Ek is in die kategorie vir beste kontemporêre album deur ‘n vroulike kunstenaar vir my album Goud is my woorde genomineer, en ook in die kategorie vir die publiek se gunsteling- vroulike kunstenaar. Dit was vir laasgenoemde wat ek toe my Ghoema ontvang het. Wat so ongelooflik is, is dat daardie kategorie slegs deur die publiek se stemme bepaal word. Dit is wat dit ekstra spesiaal gemaak het om dit te kon ontvang.



Watter plek in Namibië wil jy nog graag besoek?

Ek sal graag eendag Lüderitz en omgewing wil besoek. Ek sien altyd die mooiste foto’s en hoor die interessantste stories oor dié plek. Ek sal dit graag self wil ervaar.

Hoe is jou 2019 tot dusver?

Ek kan met eerlikheid sê die jaar behandel my tot dusver goed en ek is baie dankbaar daarvoor.



Wat beplan jy vir die res van 2019?

Ek toer vir die res van die jaar met my show Meer as liefde en neem ook my nuutste CD, Goud is my woorde, na die mense toe!

Optreedatums:

10 Mei:

Om 18:30 by die Redline-motorklub in Windhoek. Dis ’n fondsinsameling vir die Dare to Care-droogtehulpfonds.

Kaartjies is N$400 per persoon of N$4 000 per tafel van 10 mense en sluit ‘n ete en wyn in.

Bespreek by Atasha op 081 300 3993 of Lee-Ann op 081 170 4119.

17 Mei:

Om 20:00 by Desert Tavern op Swakopmund

Kaartjies is N$100 per persoon en deure open om 18:30.

Skakel (064) 404 204 vir besprekings.

18 Mei:

Om 19:30 by Atlantis-sportklub op Walvisbaai. Dis ’n fondsinsameling vir Walvisbaai se Dierebeskermingsverenigiing (DBV).

Kaartjies kos N$120 elk en kinders o/12 kry gratis toegang. Stalletjies open om 10:00.

Skakel 081 127 6830 vir besprekings.

23 Mei:

Om 19:00 by Memoirs op Otjiwarongo.

Kaartjies is N$120 elk. ’n Kontantkroeg is beskikbaar en etes teen N$60 per persoon.

Skakel 081 128 3610 of 081 122 7573 vir besprekings.

24 Mei:

Om 20:00 by Omateko Lodge op Gobabis.

Kaartjies kos N$120 per volwassene en N$60 per kind.

Skakel 081 490 3981 of 081 370 1468 vir besprekings.

Soortgelyk

 

Toetsing vir Covid-19 kry hupstoot

27th of May 11:38 | Gesondheid

Bank Windhoek het vandag hul skenking van reagent- en weefselmonstertoetsstelle aan die Namibië Instituut vir Patologie (NIP) aangekondig. Dié handelsbank se uitvoerende beampte, me. Jacquiline...

Bank en depot sal nie sluit nie, sê Peya

34 minute gelede | Regering

Denver Kisting – Die minister van inligting en kommunikasietegnologie, dr. Peya Mushelenga (foto, Nampa), sê mnr. Knowledge Ipinge, raadslid van die Walvisbaai- stedelike kiesafdeling, het...

Namibië het nou 22 bevestigde Covid-19-gevalle

42 minute gelede | Gesondheid

Namibië se jongste bevestigde geval van Covid-19, geval nr. 22, is in 'n kritieke toestand en gekoppel aan 'n ventilator in 'n intensiewesorgeenheid aan die...

B-dag: Maak of breek

11 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

11 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

11 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

11 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

11 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

11 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...