Jarelange droogte kós veeboere

Dringende ingryping nodig

29 December 2016 | Landbou
Elvira Hattingh – Sedert die begin van die vyfjaarlange droogte in Januarie 2011, het meer as 180 000 beeste, 30 000 skape en 5 000 bokke landwyd gevrek.

Volgens data wat deur die ministerie van landbou, water en bosbou se afdeling veeartsenydienste bygehou word, het altesaam 40 880 beeste, 13 895 skape, 235 bokke, 18 donkies en 63 perde tussen Oktober 2015 en Mei 2016 as gevolg van die voortdurende droogte gevrek.

Die meeste vrektes het in kommunale gebiede voorgekom.

Volgens ’n opname in Augustus vanjaar deur die Verenigde Nasies (VN) se Voedsel- en Landbou-organisasie (FAO) in spesifiek die Kunene-, Erongo- en Omusatistreek, wat die kwaaiste onder die droogte deurgeloop het, is beeste die vee wat aan die korste end getrek het. Die tweede meeste vrektes het onder skape en dan bokke voorgekom.

Die droogte was die grootste oorsaak van veevrektes, terwyl net 13 962 beeste in dieselfde tydperk aan siektes gevrek het.

Terselfdertyd het die grootste veevrektes in die Kunene- en Omusatistreek voorgekom. Tydens die opname het die vee in bogenoemde streke se kondisie van baie swak tot goed gewissel, met vee in die Erongostreek wat die slegste daaraan toe was.

Die verslag dui aan dat veral beeste in die Erongo- en Kunenestreek tekens van uiterste ondervoeding toon, terwyl boere in die eersgenoemde streek die swakste toegang tot genoegsame water vir hul vee het.

Boere is bevrees dat hul diere nie gaan oorleef tot voldoende reën val nie en het probeer aanpas deur onder meer met hul beeste te trek. Intussen is boere bekommerd dat vee se produksie ernstig afneem, terwyl meer aborsies, lae geboortegewigte, kalfvrektes en langer tussenkalfperiodes al meer voorkom.

Die verslag sê ook dat die bogenoemde streke se veldkondisie uiters sleg is, met bykans slegs kaal grond wat in die Kunene- en Erongostreek oor is.

“Boere is bekommerd dat meerjarige gras nou vinnig deur giftige plante en indringerspesies vervang word, wat nie voordelig vir veeboerderye is nie,” lui die verslag.

Bykans 97% van gemeenskappe in die Omusatistreek is afhanklik van gewasverbouing om te oorleef, terwyl 20% van die bevolking in Kunenestreek hierop staatmaak. Daarteenoor is 96% van Erongo se gemeenskappe afhanklik van veeboerdery, terwyl 72% van die mense in die Kunene hierop staatmaak.

Onder normale omstandighede kry boere in die Omusatistreek 80% van hul stapelvoedsel uit eie produksie, maar tans kan dié stelsel net 10% van hul stapelvoedsel bied. Vir gemeenskappe in die Erongostreek was alle kos voorheen afkomstig van markte, maar tans bied dit stapelvoedsel aan slegs 29% mense, terwyl die res op regeringsbystand vertrou.

Mahangu en mielies word die meeste in bogenoemde streke geplant, maar in die

2015-’16-reënseisoen het 94,7% van die mielie-aanplantings en 72,6% van alle mahangu-gewasse in die droogte gevrek.

Gemeenskappe in die Kunenestreek vra voorts dat boorgate wat van sonkragaangedrewe pompe voorsien is, gesink word. Ander versoeke is dat hul landerye toegespan word sodat wild nie hul gewasse verwoes nie. Omusati-boere vra grotendeels vir landbou-insette, ook vir boorgate en die herstel van damme en kanale.

Gemeenskappe in die Erongo- en Kunenestreek aangedui dat hulle in die kort termyn ’n dingende behoefte aan veevoer en minerale aanvullings het.

Die verslag raai ook aan dat boere gesteun word deur die verskaffing van droogtebestande sade waarvan die gewasse vroeg ryp word, gesubsidieerde ploegdienste, die verskaffing van veevoer en genoegsame water asook markgerigte afsetprogramme vir vee om die druk op weiding te verlig.

Soortgelyk

 

Namibië: Jerusalem hoofstad van Israel én Palestina

17 ure gelede | Internasionaal

Die regering sê in ‘n verklaring hy het om groot kommer kennis geneem van die die VSA se aankondiging dat hy Jerusalem as hoofstad van...

Rynand Mudge herstel ou geboue

1 dag gelede | Omgewing

Augetto Graig Windhoek se geskiedenis het sedert 1910 en 1913 voor die historiese Gathemann- en Erkrath-gebou in die stad se hoofstraat afgespeel. Die geboue, wat...

EU-lys g'n 'swartlys'

1 dag gelede | Internasionaal

Ronelle Rademeyer “Die EU het Namibië nog nooit as 'n belasting­toevlugsoord beskou nie. Dit is 'n totale misverstand.”Só het die Europese Unie se ambassa­deur in...

Raad vir jong ondernemers

1 dag gelede | Onderwys

‘n Gids oor volhoubare ontwikkeling vir jong ondernemers in Namibië verskyn vandag in Namibia Media Holdings (NMH) se dagblaaie en is gister amptelik bekend gestel.Die...

Kalender 8 Desember

1 dag gelede | Kuns en vermaak

Nou aan die gang» Wees deel van die eerste weergawe StArt Art Salon vandag by die Macadam-mark. StArt Salon Volume 1 is ’n “salon-styl”-utstalling wat...

Weer vir 7 Desember

1 dag gelede | Weer

BINNELAND: Gedeeltelik bewolk en bloedig warm in die verre oostelike gedeeltes, andersins gedeeltelik bewolk en baie warm met 'n paar tot geïsoleerde donderbuie maar verspreide...

Crimson House en Andra deel verhoog by kus

1 dag gelede | Kuns en vermaak

Die Suid-Afrikaanse groep Crimson House bring hul Gypsy Jungle-vertoning oor die feestyd na Swakopmund. Crimson house sal saam met sangsensasie Andra van 19 tot 22...

Een stem, ’n kitaar en baie Stone-emosie

1 dag gelede | Kuns en vermaak

Die Warehouse-teater is dié plek vir kultuur, vermaaklikheid, yskoue bier en pizza in Windhoek. Hierdie gewilde landmerk het onlangs sy 5de verjaardag gevier sedert dit...

Bekendstelling van StArt Salon uitstalling by Macadam-mark

1 dag gelede | Kuns en vermaak

Wees deel van die bekendstelling van die eerste volume van StArt Salon vanaand by die Macadam-mark. StArt Salon Volume 1 is ’n “salon-styl”-utstalling wat die...