Japan se Wagyu maak debuut in Namibië

Die kaviaar van beesvleis

08 March 2018 | Landbou
Ronelle Rademeyer - Beesvleis van die Japanse Wagyu-ras bied ’n smaaksensasie wat internasionaal hoog in aanvraag is en deur verbruikers as statussimbool beskou word.

Dit word nie verniet die kaviaar van beesvleis genoem nie. Die rede vir die smelt-in-die-mond ervaring is die binnespierse vetverspreiding, of marmering.

Die vet is boonop onversadig en dus van die gesonde soort wat nie hartvatsiektes veroorsaak nie.

Dié wonderras is Dinsdag tydens ’n inligtingsdag aan Namibiese vleisprodusente bekend gestel. Dit is deur mnr. Johan Orffer, voorsitter van die nuutgestigde Namibiese Wagyu-vereniging, gereël en deur meer as 100 belangstellendes bygewoon.

Dr. Fanie Steyn, voorsitter van die Wagyu-vereniging van Suid-Afrika en een van die sprekers, sê die grootste uitdaging wat produsente in die buurland het, is om in die vraag na hierdie gesogte produk te kan voorsien.

“Dit is ’n lang waardeketting wat gevestig moet word. Verder moet produsente besef dit is ’n langtermynbelegging. Die genetika waarin jy vandag belê, sal eers oor drie jaar ’n uitkoms hê,” sê hy.

In Suid-Afrika sal dit die eerste ras wees met volle naspeurbaarheid. Die bedryf gaan dit ook ’n stappie verder neem en met DNS-toetse op die karkas kan bewys dit bevat ten minste 50% Wagyu.

’n Nuwe graderingstelsel is ook vir hierdie vleis nodig wat die gehalte van die marmering evalueer.

Die bekende dr. Michael Bradfield, stigter van Breedplan SA, is onlangs as dié vereniging se uitvoerende hoof aangestel om strategiese beplanning en ontwikkeling te stuur.

Hy sê die visie is om die Suid-Afrikaanse beesvleisbedryf uit sy “armoede-ingesteldheid” te lei en in ’n hoogs winsgewende bedryf te omskep.

Volgens hom is nagenoeg 20 000 beeste in die buurland verlede jaar met saad van Wagyu-bulle geïnsemineer. Dit is nadat 5 000 semen-strooitjies en 3 000 embrio’s na Suid-Afrika ingevoer is.

Mnr. Brian Angus, wat sedert 1999 by Arlington in die Vrystaat met Wagyu’s boer, sê net sowat 250 Wagyu-beeste het Japan in die 1990’s verlaat voordat dié land se regering ’n verbod op die uitvoer van hierdie diere of hul genetika geplaas het.

Die genetika wat tans buite Japan beskikbaar is, is van hierdie nagenoeg 250 diere afkomstig.

Die grootste Wagyu-produsent buite Japan is ‘n Australiese teler wie se kudde uit 6 000 opreggeteelde diere bestaan.

Hy kry tot 300 Australiese dollar per kilogram vir vleis met ’n marmering van 9+, wat die hoogste gradering is. Dit is ongeveer N$3 000 per kilogram.

Soortgelyk

 

Behati en Adam wys foto van nuwe baba

18 ure gelede | Kuns en vermaak

Elvira HattinghDie Namibiese model Behati Prinsloo en haar man, Adam Levine, het gister vir die eerste keer 'n foto van hul jongste babadogtertjie, wat in...

Resessie verslap sy greep op Namibië

18 ure gelede | Ministeries

Jo-Maré DuddyHoewel die Namibiese ekonomie sedert die tweede kwartaal van 2016 geen of negatiewe groei toon, het die resessie se houvas op die land verminder....

Ek­samens: 'Skole het genoeg tyd'

18 ure gelede | Onderwys

Henriette Lamprecht – Staatskole is deeglik bewus van die datums waarop streekeksamens afgelê word. Dié datums behoort ook op elke skool se kalender van aktiwiteite...

Weer, Woensdag 19 Junie 2018

18 ure gelede | Weer

BINNELAND: Aanvanklik koud oor die binne­land. Gedeeltelik bewolk en matig tot warm in die ||Kharasstreek. Elders sal dit sonnig en warm wees, maar baie warm...

Reeksverkragter sal vir 60 jaar moet boet

18 ure gelede | Howe

Denver KistingJan Rooinasie, wat onlangs emosieloos na sy skuldigbevinding op 16 klagte geluister het, het vandeesweek gehoor hy verdien om uit die samelewing verwyder te...

Duitse vrou vas oor wapens, ammunisie, bigamie en bedrog...

18 ure gelede | Misdaad

Francoise Steynberg - 'n Duitse vrou is steeds in aanhouding ná sy Vrydag in die landdroshof op Okahandja in verband met klagte van die besit...

Aranos-moord: Breinondersoek gevra

18 ure gelede | Howe

Fred Goeieman - 'n Kliniese sielkundige wat Willem Visagie Barnard, wat sy vrou vermoor het, geëvalueer het, het bevind hy het 'n mate van organiese...

April-reën bring uitkoms vir sommige

18 ure gelede | Landbou

Elvira Hattingh - Die 2017-’18-reënseisoen het op ‘n hoë noot afgesluit toe die meeste Noorde-streke en gebiede rondom Windhoek, plaas Monica in die Omahekestreek, Gibeon...

Ouma Sofia is 105!

18 ure gelede | Mense

ont face="Verdana" >Henriette Lamprecht - Sy was al die jare “heeltemal gesond”, maar het skielik blind geword en mettertyd agteruitgegaan. So vertel me. Maria Claassen...