Jagluiperdfonds hou 20ste galadinee

12 July 2018 | Omgewing
Die Jagluiperdbewaringsfonds (CCF) gaan vir die 20ste agtereenvolgende jaar die jagluiperd se spoed en elegansie vier.

Dié geleentheid sal môre by hul jaarlikse galadinee by die Windhoek Buite­kluboord plaasvind.

Die gasspreker is dr. Greg Rasmussen, 'n bewaringsbioloog van die Painted Dog-navorsingstrust in ­Zimbabwe.

Rasmussen is die stigtingsdirekteur van Painted Dog, 'n wêreldkenner van Afrika-wildehonde en ook 'n jare lange vennoot en goeie vriend van CCF se stigtingsdirekteur, dr. Laurie Marker. Rasmussen doen sedert 1988 navorsing oor wildehonde.

Hy het sy DPhil-graad aan die Universiteit van Oxford se Wildbewaring-navorsingseenheid (Wildcru) verwerf en het al meer as 30 navorsingsverslae oor wildehondgedrag gepubliseer. Rasmussen is ook deel van beide die nasionale en internasionale komitees vir karnivoorbewaring en is 'n lid van die Groothond-spesia­lisgroepe in die Wêreldbewaringsunie (IUCN), asook die Range Wide-bewaringsprogram vir jagluiperds en wildehonde, wat help om dié spesies vir die toekoms te bewaar.

Met die wildehondbevolking in Afrika wat van 'n halfmiljoen tot minder as 5 000 gedaal het, is hierdie diere deur IUCN as 'n bedreigde spesie gelys.

Volgens 'n CCF-verklaring is die wildehondbevolking in ­Zimbabwe verbind met al vyf buurlande – Namibië, Botswana, Zambië, Suid-Afrika en Mosambiek, en uit dié lande het Zimbabwe die sleutel­bevolking vir hierdie spesie.

Die Painted Dog-navorsingstrust is buite die Victoria-valle gebaseer en werk saam met nasionale parke, private safarimaatskappye en kommunale boere.

“Oorgrensinisiatiewe is 'n fokuspunt van hul bewaringswerk, want wilde­honde ken geen internasionale grense nie,” sê CCF.

Painted Dog se navorsing strek al langs die Zambezirivier deur ­Botswana, Zambië en Namibië, wat hulle in staat stel om hul kennis met dié lande te deel.

“Ek is baie opgewonde daaroor dat Rasmussen by vanjaar se gala die gasspreker is,” het Marker gesê. “CCF werk aktief in die oostelike kommunale gebiede waar daar erge konflik tussen Namibiese veeboere en die land se bedreigde wildehondbevolking is. Ons hoop om uit Greg se ervaring en kundigheid te leer.”

Kaartjies vir die galadinee is steeds beskikbaar en kos N$650 per persoon en N$6 500 vir 'n tafel met sitplek vir 10. Dit sluit in 'n drankie voor ete, 'n driegangmaaltyd, die spreker se aanbieding, die toekenningseremonie, 'n veiling en gratis toegang vir 'n begeleide toer by die CCF-sentrum.

Kontak me. Heike Stackman by 067 304 806 of [email protected] om kaartjies te koop.

Soortgelyk

 

Omstrede onderwyswetsontwerp kry spoed

4 ure gelede | Regering

Denver Kisting - As die loeiende sirenes nie gistermiddag stemgeregtigde lede van die Nasionale Vergadering (NV) teruggelok het na die Huis toe nie, sou 'n...

Kahimise verloor eerste ronde

4 ure gelede | Howe

font face="Verdana" > Denver Kisting – Waarnemende regter Collins Parker het gister om 12:28 in die hoërhof gelas mnr. Robert Kahimise, Windhoek se uitvoerende hoof,...

'Baie sterf, want niemand gee om'

4 ure gelede | Howe

Henriette Lamprecht - “Hoekom is daar so baie nalatigheid by pasiënte in ons hospitale? Baie mense gaan dood omdat niemand vir ons in hospitale omgee...

Skooltjie geverf

4 ure gelede | In beeld

Die Amos Meerkat-skoolprojek (AMP) is een van Namibia Media Holdings (NMH) se uitreik-inisiatiewe waarby 600 kinders baat. Dié skooltjie in Babylon is Saterdagoggend in nuwe...

Alweendo looi opposisie oor Namdia

4 ure gelede | Regering

Denver Kisting - Die minister van myne en energie, mnr. Tom Alweendo, het gistermiddag sommige politici as leuenaars bestempel. Hy het in die Nasionale Vergadering...

Weer vir 20 November

4 ure gelede | Weer

WEERWAAK: Hittegolftoestande sal oor die Noorde voortduur.BINNELAND: Sonnig en baie tot bloe­dig warm in die Suide, andersins gedeeltelik bewolk en baie tot bloedig warm met...

Franse steun vir Keetmans se waternetwerk

4 ure gelede | Plaaslik

Verdana" >Elvira Hattingh - Die Franse regering het ‘n FASEP-skenking van sowat N$12 miljoen bewillig om ‘n indiepteondersoek en diagnose van Keetmanshoop se waterverspreidingstelsel...

Wilde perde: Hoop kwyn

4 ure gelede | Omgewing

font face="Verdana" >Tanja Bause - Die vreugde, hoop en verligting wat Namibiërs en diereliefhebbers oraloor die wêreld ervaar het toe aangekondig is die Namib...

Nuwe bewyse in Erindi-saak

4 ure gelede | Howe

Ellanie Smit - Nuwe bewyse het aan die lig gekom in die hofstryd tussen die Erindi Private Wildreservaat en die regering oor die hangende kooptransaksie...