‘Jack Sparrow’ probeer ontsnap
Leandrea Louw op Walvisbaai - ‘n Saak van poging tot moord en die nalatige hantering van 'n vuurwapen is teen 'n polisiebeampte aanhangig gemaak ná hy per ongeluk 'n omstander geskiet het terwyl hy besig was om 'n gevangene te jaag.
Mnr. Lenard “Jack Sparrow” Pilley, ‘n Suid-Afrikaanse burger, het Dinsdagmiddag uit polisieaanhouding probeer ontsnap terwyl hy deur 'n hofbeampte in die omgewing van die Walvisbaai-landdroshof na 'n kitsbank (OTM) vergesel is.
Volgens inspekteur Illeni Shapumba, die bevelvoerder van Nampol se gemeenskapsake-afdeling, het die gevangene na bewering 'n hofbeampte gevra om hom na die bank te vergesel sodat hy kan geld trek vir persoonlike items wat hy benodig.
“Toe hulle by die NedBank-kitsbank kom, het hy sy sandale uitgeskop en begin weghardloop. Na bewering het die polisiebeampte die gevangene agternagesit en geroep dat hy moet stop, maar die gevangene het nie geluister nie. In die proses het die beampte sy dienspistool afgevuur en 'n vrou (19) in die linkerarm getref. Die slagoffer is na die hospitaal geneem vir mediese behandeling en sy is in ‘n stabiele toestand.”
Volgens Shapumba is die verdagte intussen weer in hegtenis geneem. “Ons kan die publiek verseker dat vrye- en deursigtige polisie-ondersoeke in albei sake van stapel gestuur is, hoewel dit nog in 'n vroeë stadium is. Tot dusver is 'n saak van poging tot moord en roekelose- of nalatige hantering van 'n vuurwapen teen die polisielid, 'n manlike konstabel wat in die Walvisbaai-polisiekantoor gestasioneer is, aanhangig gemaak. Die polisie ondersoek ook die gebeure wat tot die gevangene se ontsnapping gelei het.”
Daarbenewens sal Pilley nou op ‘n derde klag, ontsnapping uit polisie-aanhouding, teregstaan.
Voor die skietvoorval het hy in die hof verskyn op aanklag van poging tot moord nadat hy in April 2021 by 'n messteekvoorval betrokke was.
“Jack Sparrow” is in April 2021 in hegtenis geneem ná hy op die vlug geslaan het saam met ‘n vrou was destyds as vermis aangemeld is. Hy is aanvanklik aangekla van huisbraak met die doel om 'n misdaad te pleeg, asook aanranding met die doel om ernstig te beseer. Pilley en die vrou is enkele dae nadat sy as vermis aangemeld is, in Oshikango vasgetrek.
Pilley was sedert sy eerste verskyning in die hof, in verband met die huisbraakvoorval, in polisie-aanhouding.
[email protected]
Mnr. Lenard “Jack Sparrow” Pilley, ‘n Suid-Afrikaanse burger, het Dinsdagmiddag uit polisieaanhouding probeer ontsnap terwyl hy deur 'n hofbeampte in die omgewing van die Walvisbaai-landdroshof na 'n kitsbank (OTM) vergesel is.
Volgens inspekteur Illeni Shapumba, die bevelvoerder van Nampol se gemeenskapsake-afdeling, het die gevangene na bewering 'n hofbeampte gevra om hom na die bank te vergesel sodat hy kan geld trek vir persoonlike items wat hy benodig.
“Toe hulle by die NedBank-kitsbank kom, het hy sy sandale uitgeskop en begin weghardloop. Na bewering het die polisiebeampte die gevangene agternagesit en geroep dat hy moet stop, maar die gevangene het nie geluister nie. In die proses het die beampte sy dienspistool afgevuur en 'n vrou (19) in die linkerarm getref. Die slagoffer is na die hospitaal geneem vir mediese behandeling en sy is in ‘n stabiele toestand.”
Volgens Shapumba is die verdagte intussen weer in hegtenis geneem. “Ons kan die publiek verseker dat vrye- en deursigtige polisie-ondersoeke in albei sake van stapel gestuur is, hoewel dit nog in 'n vroeë stadium is. Tot dusver is 'n saak van poging tot moord en roekelose- of nalatige hantering van 'n vuurwapen teen die polisielid, 'n manlike konstabel wat in die Walvisbaai-polisiekantoor gestasioneer is, aanhangig gemaak. Die polisie ondersoek ook die gebeure wat tot die gevangene se ontsnapping gelei het.”
Daarbenewens sal Pilley nou op ‘n derde klag, ontsnapping uit polisie-aanhouding, teregstaan.
Voor die skietvoorval het hy in die hof verskyn op aanklag van poging tot moord nadat hy in April 2021 by 'n messteekvoorval betrokke was.
“Jack Sparrow” is in April 2021 in hegtenis geneem ná hy op die vlug geslaan het saam met ‘n vrou was destyds as vermis aangemeld is. Hy is aanvanklik aangekla van huisbraak met die doel om 'n misdaad te pleeg, asook aanranding met die doel om ernstig te beseer. Pilley en die vrou is enkele dae nadat sy as vermis aangemeld is, in Oshikango vasgetrek.
Pilley was sedert sy eerste verskyning in die hof, in verband met die huisbraakvoorval, in polisie-aanhouding.
[email protected]
Kommentaar
Republikein
Geen kommentaar is op hierdie artikel gelaat nie