ITB: ‘Alles nie verlore’

04 March 2020 | Gebeure
Henriette Lamprecht – Namibiese toeroperateurs wat aan die pasafgestelde internasionale handelskou ITB Berlin 2020 sou deelneem, “red wat te redde is”.

Die skou is weens die potensiële gesondheidsrisiko afgestel wat die vinnige verspreiding van die coronavirus (covid-19) vir die sowat 150 000 besoekers en uitstallers sou inhou. Dit sou van 4 tot 8 Maart plaasvind.

Volgens die Gasvryheidsvereniging van Namibië (HAN) se uitvoerende hoof, me. Gitta Paetzold, is van die operateurs reeds in Duitsland en gaan hulle die tyd aanwend om ander agentskappe te sien.

“Alles is darem nie verlore nie en hulle maak die beste van ’n slegte saak. Hulle red wat te redde is,” het Paetzold gesê.

Sy het erken daar is wel toeroperateurs wat die koste van onder meer gekanselleerde vlugte sal moet dra.

Die uitvoerende hoof van die Namibiese Toerismeraad (NTB), mnr. Digu //Naobeb, het vroeër gesê Namibië sou vir die 29ste agtereenvolgende jaar aan die handelskou deelneem.

Vanjaar sou die skou ook met die grootste aantal Namibiese uitstallers, naamlik 40 spog wat geregistreer het, wat 122 verblyfsgeriewe, 24 reisoperateurs en vyf motorverhuringsmaatskappye insluit.

Drie opkomende klein- en mediumgrootte ondernemings was ook deel van die Namibiese afvaardiging.

Intussen het verskeie lugrederye in Afrika hul vlugte na China opgeskort.

Madagaskar het sy enigste vlugte na die Chinese vasteland opgeskort, terwyl die land ook alle reisigers wat onlangs Iran, Italië of Suid-Korea besoek het, verbied om die land binne te kom.

Ook Egipte het alle vlugte na en van die Chinese vasteland opgeskort. Teen druktyd was daar net vyf covid 19-gevalle op die vasteland met sy minstens 1,3 miljard mense, terwyl 86 000 mense wêreldwyd reeds die virus opgedoen het.

Meer as 3 000 mense het reeds weens die virus gesterf.

[email protected]

Soortgelyk

 

Iran: Kernkragontploffing veroorsaak beduidende skade

5 ure gelede | Internasionaal

’n Kernkragontploffing Donderdag in ’n pakhuis by die Ntanz-aanleg in sentrale Iran het beduidende skade aangerig en kan die produksie van sentrifuges vertraag wat uraan...

Egipte arresteer dokters om kritici stil te maak

5 ure gelede | Internasionaal

Ongeveer tien dokters en ses joernaliste is vanaf Februarie in Egipte in hegtenis geneem omdat hulle die regering van pres. Abdel Fattah el-Sissi kritiseer oor...

Covid-19 knou Media24

8 ure gelede | Afrika

Media24 oorweeg dit om vyf tydskrifte en twee koerante te sluit, sy oorblywende maandelikse tydskrifte uit te kontrakteer en hul frekwensie te verminder, twee koerante...

Kenia heropen grense na 4 maande

8 ure gelede | Afrika

Mnr. Uhuru Kenyatta, die president van Kenia, het Maandag die heropening van dié land se grense “in fases” aangekondig.Internasionale vlugte sal vanaf 1 Augustus...

55 nuwe Covid-19-gevalle bring totaal op 593

9 ure gelede | Gesondheid

Die minister van gesondheid en maatskaplike dienste (MoHSS) dr. Kalumbi Shangula sê 55 nuwe gevalle van Covid-19 is die afgelope 24 uur in die land...

Twee vas oor olifanttande

19 ure gelede | Misdaad

Volgens die weeklikse wildmisdaadverslag vanaf 29 Junie tot 6 Julie is twee nuwe wildmisdaadsake aanhangig gemaak en vier verdagtes in hegtenis geneem. Mnre. Alfred...

Kleintjies terug skool toe

19 ure gelede | In beeld

Leerlinge vanaf graad 0 tot 3 het gister weer vir aangesig tot aangesig onderrig teruggekeer met leerlinge en ­onderwysers wat opgewonde was om weer by...

Tuiskwarantyn aan kus ’n opsie

19 ure gelede | Gesondheid

Henriette Lamprecht – Die ministerie van gesondheid en maatskaplike dienste (MoHSS) gaan meer buigsaam wees in die kwarantyn van kontakte van bevestigde Covid-19-gevalle in die...

Psemas: ‘Tender sluit almal behalwe Methealth uit’

19 ure gelede | Gesondheid

Henriette Lamprecht - Dit wil voorkom asof die bepalings van ’n tender om die staat se mediese fonds (Psemas) te bestuur, op so ’n manier...