Inwoners sê raadslid saboteer Okahandja

Eis sy bedanking

14 January 2019 | Regering
Augetto Graig – Inwoners van Okahandja het Vrydag voor die streeksraad se kantoor op die dorp betoog in aandrang op die bedanking van streeksraadslid Steve Biko Booys.

In 'n klagskrif wat die groep aan president Hage Geingob gerig het, word Booys beskryf as die meesterbrein agter 'n poging om die dorp onstabiel te maak.

Die ongelukkige inwoners, onder die leiding van mnr. Wilfred Goaseb wat in die plaaslike owerheid se 2015-verkiesings meegeding het, sê Booys is partydig.

Hy veroorsaak verdeling in die gemeenskap deur net sekere mense te ondersteun, sê hulle. Verder beskuldig hulle Booys daarvan dat hy die gaping tussen ryk en arm mense op die dorp vergroot, en in die ontwikkeling van die Okahandja-gemeenskap gefaal het. Hulle sê Booys saboteer enige ontwikkelingsprojek wat die dorpsraad inisieer.

Booys het die media Vrydag ingelig dat hy nie die klagskrif gesien het nie, en niks weet van die protes wat buite sy kantoorvenster plaasgevind het nie. Volgens hom is dit 'n klein groepie wat die Okahandja-gemeenskap probeer opsteek en mislei.

Booys sê Okahandja het baie verander in die twee termyne wat hy gedien het.

“Vandag is Okahandja een van die dorpe wat die vinnigste in Namibië groei. Grond op Okahandja word al hoe meer gesog.

“Ek is die hoofargitek wat SAB Miller na die dorp gebring het. Ek is agter die inkopiesentrum, die militêre akademie en die uitbreiding van die nuwerheidsgebied. Dit is danksy my indirekte leierskap en deelname in die voorsiening van die nodige dienste vir die ontwikkeling,” sê hy.

Die betogers is vasbeslote dat Booys as lid van die Nasionale Raad en streeksraad herroep moet word. Hulle sê Okahandja sal “met die onbevoegde leierskap van Steve Biko Booys nêrens heen gaan nie”.

Soortgelyk

 

Mexikaanse sakeman wil Erindi koop

22nd of May 13:20 | Omgewing

Die internasionale entrepreneur, filantroop en president van die konsortium BAL-groep, mnr. Alberto Baillères, 'n gerespekteerde Mexikaanse sakeleier, is besig om die kooptransaksie met Erindi...

Katrina hoor Maandag 8 Julie

47 minute gelede | Howe

Denver Kisting – Regter Christie Liebenberg het vandag gesê hy sal nie later nie as 8 Julie uitspraak lewer in die verhoor van me. Katrina...

Theo Diergaardt voor vir beweerde bedrog

1 uur gelede | Misdaad

Denver Kisting – Die beheeraanklaer van die landdroshof in Windhoek, mnr. Hans Thourob, het bevestig mnr. Theo Diergaardt, oudminister van grondhervorming, is gister inhegtenis geneem.Volgens...

Windhoek se waterverbruik in die rooi

2 ure gelede | Omgewing

Die Windhoekse munisipaliteit sê oor die afgelope week het Windhoekers 7% meer water gebruik as wat huidige teikens vir waterbesparing toelaat. Die weeklikse teiken is...

Dit moes lankal gebeur het, sê Kanime.

3 ure gelede | Plaaslik

Denver Kisting – Oomblikke nadat hy gisteraand heraangestel is, het mnr. Abraham Kanime aan Republikein gesê dit moes lankal gebeur het.Die Windhoekse stadsraad het gisteraand...

Raad sit oor polisiehoof

13 ure gelede | Regering

Denver Kisting – Die Windhoekse stadsraad (CoW) sou gisteraand vir mnr. Abraham Kanime as hoof van die stadspolisie heraangestel het.Kanime is in Maart verlede jaar...

Windhoek droogste in 90 jaar

13 ure gelede | Weer

Ronelle Rademeyer - Die 2018-’19-reënseisoen sal vir die oorgrote deel van die land in die geskiedenisboeke opgeteken staan as van die droogste in menseheugenis.Die statistiek...

Katrina se lot gou bepaal

13 ure gelede | Howe

Denver Kisting – Onder gewone omstandighede is die staat se verantwoordelikheid om skuld bo redelike twyfel te bewys.In die geval van die oudgoewerneur van die...

Regstelling oor Zenobia Kloppers

13 ure gelede | Kuns en vermaak

Republikein het gister verkeerdelik berig Zenobia Kloppers, die bekende Namibiese aktrise en sanger wat die hoofrol in die rolprent Fiela se kind losgeslaan het, is...