Inwoners kla oor Hardap-water
Vrae word gevra oor of water nie liewer uit die Nautedam vrygelaat moet word vir die konstruksie van die Neckartaldam nie.
Water wat uit die Hardapdam gelaat word vir die voortgesette konstruksie van die Neckartaldam, is 'n vermorsing, sê beswaarde inwoners van die streek.
Sowat 2 000 kubieke meter water is Maandag weer deur NamWater uit die Hardapdam gelaat. Dit volg ná onderhandelinge met die ministerie van landbou, water en bosbou en die Hardap-streeksraad.
Volgens NamWater is die Hardapdam tans minder as 60% vol en is dit voldoende om met die konstruksie van die Neckartaldam te help sonder om 'n verlies aan besproeiingswater vir huidige kliënte te veroorsaak.
Volgens mnr. Sidney Windstaan, 'n inwoner van Mariental, is dit egter 'n vermorsing.
“Dit is baie warm in die Suide, wat groter verdamping veroorsaak," het Windstaan gesê.
Volgens hom het die water wat Maandag uit die Hardapdam gelaat is, nie eers Gibeon bereik nie. Gibeon is sowat 93 km suid van Mariental geleë, terwyl die Neckartaldam nog sowat 272 km van Gibeon af geleë is.
Nog ’n inwoner, wat verkies om anoniem te bly, sê dit sal die Hardapdam se volume net verminder.
“Hoekom kan die water van die Nautedam, wat nader aan die Neckartaldam geleë is, nie gebruik word nie? Kan die water nie met tenkwaens aangery word nie?”
Volgens me. Esmé Sophia Isaak, goewerneur van die Hardapstreek, is dit die derde keer wat water uit die dam gelaat word. Die eerste keer was vroeg in Augustus en toe weer verlede maand.
“Hierdie goed word nie net oornag gedoen nie. Ons volg die regte prosedures,” het sy gesê.
Volgens Isaak is daar nie 'n waterpyplyn van die Nautedam af na die Neckartaldam nie. Om water uit die Hardapdam te laat, is dus as 'n goedkoper opsie beskou.
“Die opsie om water uit die Nautedam met tenkwaens na die Neckartaldam te vervoer, is wel genoem. Dit is egter te duur en sal die regering N$50 miljoen per maand kos,” het Isaak gesê.
Volgens haar het die relevante owerhede ingestem dat 50 miljoen kubieke meter water kan uitgelaat word.
Mnr. Johannes Shigweda, woordvoerder van NamWater, sê slegs 3% van die totale inhoud van die dam word uitgelaat. Volgens hom is die dam tans 59,8% vol.
“Ons laat die water in sarsies uit. Sodra die water wat ons Maandag uitgelaat het die Neckartaldam binne sowat 14 dae bereik, sal ons weer water uitlaat,” het hy gesê.
Die Neckartaldam word gebou om besproeiing aan 5 000 hektaar se plase te kan lewer. Dit sal na verwagting in Maart 2018 voltooi wees.
Sowat 2 000 kubieke meter water is Maandag weer deur NamWater uit die Hardapdam gelaat. Dit volg ná onderhandelinge met die ministerie van landbou, water en bosbou en die Hardap-streeksraad.
Volgens NamWater is die Hardapdam tans minder as 60% vol en is dit voldoende om met die konstruksie van die Neckartaldam te help sonder om 'n verlies aan besproeiingswater vir huidige kliënte te veroorsaak.
Volgens mnr. Sidney Windstaan, 'n inwoner van Mariental, is dit egter 'n vermorsing.
“Dit is baie warm in die Suide, wat groter verdamping veroorsaak," het Windstaan gesê.
Volgens hom het die water wat Maandag uit die Hardapdam gelaat is, nie eers Gibeon bereik nie. Gibeon is sowat 93 km suid van Mariental geleë, terwyl die Neckartaldam nog sowat 272 km van Gibeon af geleë is.
Nog ’n inwoner, wat verkies om anoniem te bly, sê dit sal die Hardapdam se volume net verminder.
“Hoekom kan die water van die Nautedam, wat nader aan die Neckartaldam geleë is, nie gebruik word nie? Kan die water nie met tenkwaens aangery word nie?”
Volgens me. Esmé Sophia Isaak, goewerneur van die Hardapstreek, is dit die derde keer wat water uit die dam gelaat word. Die eerste keer was vroeg in Augustus en toe weer verlede maand.
“Hierdie goed word nie net oornag gedoen nie. Ons volg die regte prosedures,” het sy gesê.
Volgens Isaak is daar nie 'n waterpyplyn van die Nautedam af na die Neckartaldam nie. Om water uit die Hardapdam te laat, is dus as 'n goedkoper opsie beskou.
“Die opsie om water uit die Nautedam met tenkwaens na die Neckartaldam te vervoer, is wel genoem. Dit is egter te duur en sal die regering N$50 miljoen per maand kos,” het Isaak gesê.
Volgens haar het die relevante owerhede ingestem dat 50 miljoen kubieke meter water kan uitgelaat word.
Mnr. Johannes Shigweda, woordvoerder van NamWater, sê slegs 3% van die totale inhoud van die dam word uitgelaat. Volgens hom is die dam tans 59,8% vol.
“Ons laat die water in sarsies uit. Sodra die water wat ons Maandag uitgelaat het die Neckartaldam binne sowat 14 dae bereik, sal ons weer water uitlaat,” het hy gesê.
Die Neckartaldam word gebou om besproeiing aan 5 000 hektaar se plase te kan lewer. Dit sal na verwagting in Maart 2018 voltooi wees.
Kommentaar
Republikein
Geen kommentaar is op hierdie artikel gelaat nie