Invalshoek - 'Uitrospeksie'

26 February 2018 | Rubrieke
Rudi Koekemoer - Daar is tye wanneer 'n mens stil word om introspeksie te doen met die doel om die “eie ek”, persoonlike besluite en doelwitte te ondersoek.

Ek sit vandag terug op my kantoorstoel en kom tot die besef dat dit net so belangrik is om by tye “uitrospeksie” te doen. Ek is nie seker daar bestaan so ‘n term in ons mooi taal nie, maar dan moet dit maar gesien word as ‘n nuutskepping.

Ek sien “uitrospeksie” as die noodsaaklikheid om gereeld die eksterne wêreld waarin ons leef, te ondersoek met die doel om te rasionaliseer en betrokke te raak by moontlike oplossings vir die probleme wat ons land in die gesig staar. Daar is baie mense wat apaties staan teenoor besluite en gebeure wat buite hul persoonlike lewens plaasvind, maar nie besef dit het uiteindelik ‘n direkte impak op hulle persoonlike lewens nie. Juis omdat ons soms apaties staan teenoor belangrike gebeure in die politieke en sosio-ekonomiese landskap word stadige vordering gemaak met oplossings vir menige, kritieke, nasionale vraagstukke.

Ek is werklik bevoorreg om in Swakopmund te woon met ‘n kantoor wat uitkyk oor die Atlantiese Oseaan. Dis onmoontlik om nie in totale verwondering te staan wanneer ons na die Skepper se handewerk rondom ons kyk nie.

Hierdie pragland, saam met die vrede wat ons ervaar, kan ons maklik in ‘n gemaksone plaas waarin ons hoop politieke leiers sal die regte besluite neem om ons probleme op te los. Ja, ons land is pragtig, en, ja, ons ervaar tans vrede, maar is dit volhoubaar onder die huidige werklikhede? My onmiddellike antwoord is nee.

Uitrospeksie is gebaseer op persepsies, gevorm deur ‘n holistiese evaluering van die kernbrandpunte in die land. Die brandpunte wat my bekommerd maak, is ‘n werkloosheidsyfer van 34%, 18% van Namibiërs wat in totale armoede leef; die land se skuldlas wat tans 47% van die Bruto Binnelandse Produk (BBP) is en teen 2020 tot 53% kan styg; die groeiende, onproduktiewe staatsdiens van bykans 110 000 amptenare (indien nie meer nie) wat druk op belastingbetalers plaas; miljarde wat verlore geraak het weens korrupsie en 36,4% van ons land se bevolking wat jonger as 15 is en kwaliteit onderwys moet ontvang.

Dan is daar mediese en gesondheidsdienste; energie- en watersekuriteit; die toenemende regulering van alle fasette van die samelewing - wat ekonomiese groei strem; wetgewing wat sommige groepe bo ander bevoordeel; "kinders" uit die bevrydingstryd wat aandring op verskeie onverdiende regte en wanbestuur by staatsinstellings wat ‘n finansiële las geword het.

Nasionale leiers hou gereeld konferensies, slypskole en dinkskrums om beplanning oor hierdie brandpunte te doen, maar weinig van die planne word geïmplementeer weens ‘n tekort aan geld en innoverende denke.

Kom ek stop eers, want ek vermoed die leser kan dalk dink ek is negatief. Nee. Inteendeel, ek is geweldig lief vir ons land, maar dit is tyd dat ons die erns van die saak moet besef.

Ek weet Namibië is een van die beter lande in Afrika, maar is dit die regte maatstaf om te gebruik?

Ek wil ‘n beroep op die leiers van ons land doen om kundige mense, ongeag van politieke affiliasie, van elke sektor te betrek om onmiddellike oplossings te vind vir elkeen van hierdie probleme - en dit te implementeer. Dit gaan nie help om dieselfde mense van die regerende party te betrek by dinkskrums en konferensies nie.

Daar is krag in diversiteit!

Dit het tyd geword dat ons as Namibiërs, ongeag al die dinge wat ons verskillend maak van mekaar, saam innoverende oplossings moet vind om onmiddellik die situasie om te keer. Ek wil ook kundige mense in elke sektor aanmoedig om self na vore te tree en patrioties hulle kundigheid en idees aan te bied indien die regering hulle nie nader nie. Ek is seker daar is spesialiste op elke gebied is wat goeie, lewensvatbare idees op die tafel kan plaas.

Kom ons wees aktief betrokke by die soeke na oplossings sodat ons pragland ook deur ons nageslagte bewonder kan word soos wat ons tot dusver kon doen.

Soortgelyk

 

Mense uit 33 lande onder 157 rampslagoffers

8 ure gelede | Ongelukke

Ronelle Rademeyer - Sover bekend was daar nie enige Namibiërs op rampvlug ET302 van Ethiopian Airlines nie.Familielede wat passasiers van die Ethiopiese lugdiens se vlug...

Ethiopiese vliegtuig met 157 aan boord stort neer

10 ure gelede | Ongelukke

‘n Boeing 737 van Ethiopian Airlines het vanoggend onderwegvanaf Addis Ababa na Nairobi in Kenia neergestort.Die Ethiopiese eerste minister, Abiy Ahmed, het in ‘n verklaring...

braai en wen groot met . . .

1 dag gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Geingob: Gelukkig Vrouedag, vroue

2 dae gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...