Invalshoek - Tyd is geld . . . of is dit?

04 February 2019 | Rubrieke
Rudi Koekemoer - In die huidige ekonomiese klimaat is dit belangrik vir enige sakeonderneming om seker te maak dat noukeurig aantekeninge gemaak word van alle werk wat vir kliënte gedoen word sodat fakture op die regte tyd uitgestuur kan word.

Daar moet seker gemaak word dat professionele ure gewerk, akkuraat op die faktuur aangedui word, want tyd is geld, en elke sent dra by tot broodnodige kontantvloei.

Groter ondernemings, wat oor ‘n groot werksmag beskik, kan maklik nalaat om vir kleiner dienste ‘n rekening aan te slaan weens gebrekkige interne kommunikasie, maar dit kan die onderneming duur te staan kom.

Om hierdie rede het ek die gewoonte aangeleer om na elke "werkie", maak nie saak hoe klein dit was nie, ‘n faktuur op te stel en na die bepaalde kliënt te stuur. Die normale krediteure opvolgproses volg daarna om seker te maak die rekening word binne dertig dae betaal. Ek kan dus elke maand, soos die meeste effektiewe ondernemings, my uitsette presies kwantifiseer.

Die afgelope twee maande het dit maar broekskeur gegaan om die maandelikse begroting te laat klop, maar ons kon die knoop deurhaak, met genade van Bo.

Ek het verlede week die goeie nuus aan Lientjie oorgedra, waarna ons met dankbaarheid in stilte verder ontbyt geëet het. Nadat ek my tweede koppie koffie geskink het, het ek selfvoldaan vertel van die hoeveelheid ure wat ek die afgelope maand gewerk het en die impak wat dit op die begroting gehad het.

Sy het na ‘n tydjie stip na my gekyk en ek het sommer geweet: hier kom ‘n ding.

Haar betoog het my met baie stof tot nadenke gelaat.

“Jy weet, nie alle insette is altyd kwantifiseerbaar nie. Mans kom saans tuis, skop hulle skoene uit, skink ‘n koppie boeretroos en gaan sit tevrede op ‘n gemakstoel, want hulle het vandag geld verdien. Maar wat van vrouens wat deur die dag na die kinders en huishoudelike dinge omsien? Daar word kos ingekoop, na die wasgoed omgesien, die kinders moet skool toe en daarna na verskeie aktiwiteite in die middag geneem word, dan moet daar gekook word om die monde te voed . . .

"Ons kry nie ‘n sent vir al hierdie daaglikse ‘professionele dienste’ nie en meestal kry ons nie eens ‘n ‘dankie’ hiervoor nie. Dit is maklik om tevrede tuis te kom, want jy kan presies bepaal wat die waarde van jou werk vandag was, maar dit is nie noodwendig dieselfde vir alle roepings nie.”

Daarna het ‘n interessante gesprek gevolg oor mense wat uit passie vir ‘n bepaalde doel, vrywillig gratis professionele dienste lewer, soos Doctors Without Borders, Habitat for Humanity of sendelinge, om maar ‘n paar voorbeelde te noem. Daar is ook verskeie professionele mense wat hulle tyd afstaan in diens van nie-winsgewende organisasies. Die waarde van hulle passie, energie en uitsette kan nie in finansiële terme gemeet word nie.

Om kos op die tafel te sit, is wel belangrik en dit is inderdaad minstens een van die lewensmaats se plig. Maar ons moet besef nie alle harde en goeie werk kan in harde kontant gemeet word nie. In baie gevalle word dit gemeet in terme van liefde en of ek iemand se lewe vandag verbeter het. Al is dit net deur vir iemand ‘n klip uit die pad te rol.

Dit is belangrik om na die kontantvloei om te sien, maar dit is ewe belangrik om kwaliteit diens met passie te lewer sonder om elke oomblik te probeer kwantifiseer en om mekaar die erkenning te gee vir al die harde werk wat die ratte in die samelewing laat draai - sonder finansiële vergoeding.

Kom ons sê vandag vir ons ouers, lewensmaats en vriende dankie vir alles wat hulle vir ons doen, want sonder hulle beteken geld maar weinig. Somtyds is tyd nie geld nie, maar liefde.

Soortgelyk

 

NSFAF sluit ooreenkoms met Bank Windhoek

8 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

8 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

9 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

20 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

20 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

20 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

20 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

20 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

20 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...