Interns se salarisse aangepas
Weens nuwe aanpassings is dit nie meer ’n gegewe dat ’n intern of vakleerling ná voltooiing van ’n internskap deur die staat aangestel sal word nie.
Henriette Lamprecht – Die regering gaan miljoene spaar met die aanpassing van salarisskale vir interns en vakleerlinge om dit meer met dié van die private sektor te laat strook.
Volgens ’n ingeligte bron wat nou by die aanpassings betrokke is, het veral leerlingdokters voorheen salarisse verdien wat vergelykbaar met dié van geregistreerde mediese beamptes is.
Met die nuwe aanpassings is dit nou ook nie meer ’n gegewe dat die betrokke intern of vakleerling ná afloop van die internskap steeds ’n pos by die staat sal hê nie.
Van 1 Junie af sal vakleerlinge en interns van voor af vir ’n pos by die staat moet aansoek doen.
Die nuwe salarisskale wissel van N$27 345 vir ’n interntandarts en –mediese beampte onderskeidelik tot N$22 432 vir ’n assistentargitek en N$18 402 vir ’n assistentrekenmeester.
Volgens die nuwe beleidsraamwerk vir internskappe is ’n studente-intern iemand wie se studieprogram ’n verpligte internskap as deel van die leerplan vereis. Professionele interns (mediese beamptes, ingenieurs, veeartse, sielkundiges ensovoorts) word op kontrak vir ’n voorafbetaalde tydperk aangestel, tot hulle vir die vereistes vir registrasie vir hul betrokke professionele rade kwalifiseer.
Volgens die raamwerk word interns en vakleerlinge tydelik op ’n vastetermynkontrak aangestel en kwalifiseer nie vir ‘n “salaris of ander voordele buiten ’n vaste toelaag” soos bepaal nie.
Die raamwerk maan as algemene voorwaarde ook dat die “fasilitering van ’n internskapprogram nie enige verwagtinge van oorgang tot enige tipe werk in die staatsdiens” moet skep nie.
By voltooiing van die internskap moet die intern vir “werksgeleenthede in die arbeidsmark soek”.
Met verwysing na betaling geld ’n baiese vaste toelaag soos bepaal deur die eerste minister op aanbeveling van die staatsdienskommissie. Die toelaag sal van tyd tot tyd geherevalueer word.
Professionele interns en vakleerlinge is geregtig op registrasie en voorgeskrewe voordele van die maatskaplike voorsorgwet, asook die voorgeskrewe voordele waarvoor die vergoedingswet vir werknemers voorsiening maak.
Volgens die nuwe raamwerk is vakleerlinge en interns geregtig op twee verlofdae en drie siekdae vir elke voltooide diensmaand.
’n Belofte van geheimhouding moet voorts onderteken word met die voorneme om nie tydens hul tyd as vakleerling of intern op welke manier ook al “geklassifiseerde of sensitiewe inligting” verwant aan die staatsdiens aan die media of algemene publiek te verklap nie.
Onderhewig aan die wette, regulasies en voorskrifte sal enige regeringskuld wat moontlik uit die internskap of opleidingsperiode voortspruit, volgens die nuwe raamwerk van die intern of vakleerling verhaal word.
Volgens ’n ingeligte bron wat nou by die aanpassings betrokke is, het veral leerlingdokters voorheen salarisse verdien wat vergelykbaar met dié van geregistreerde mediese beamptes is.
Met die nuwe aanpassings is dit nou ook nie meer ’n gegewe dat die betrokke intern of vakleerling ná afloop van die internskap steeds ’n pos by die staat sal hê nie.
Van 1 Junie af sal vakleerlinge en interns van voor af vir ’n pos by die staat moet aansoek doen.
Die nuwe salarisskale wissel van N$27 345 vir ’n interntandarts en –mediese beampte onderskeidelik tot N$22 432 vir ’n assistentargitek en N$18 402 vir ’n assistentrekenmeester.
Volgens die nuwe beleidsraamwerk vir internskappe is ’n studente-intern iemand wie se studieprogram ’n verpligte internskap as deel van die leerplan vereis. Professionele interns (mediese beamptes, ingenieurs, veeartse, sielkundiges ensovoorts) word op kontrak vir ’n voorafbetaalde tydperk aangestel, tot hulle vir die vereistes vir registrasie vir hul betrokke professionele rade kwalifiseer.
Volgens die raamwerk word interns en vakleerlinge tydelik op ’n vastetermynkontrak aangestel en kwalifiseer nie vir ‘n “salaris of ander voordele buiten ’n vaste toelaag” soos bepaal nie.
Die raamwerk maan as algemene voorwaarde ook dat die “fasilitering van ’n internskapprogram nie enige verwagtinge van oorgang tot enige tipe werk in die staatsdiens” moet skep nie.
By voltooiing van die internskap moet die intern vir “werksgeleenthede in die arbeidsmark soek”.
Met verwysing na betaling geld ’n baiese vaste toelaag soos bepaal deur die eerste minister op aanbeveling van die staatsdienskommissie. Die toelaag sal van tyd tot tyd geherevalueer word.
Professionele interns en vakleerlinge is geregtig op registrasie en voorgeskrewe voordele van die maatskaplike voorsorgwet, asook die voorgeskrewe voordele waarvoor die vergoedingswet vir werknemers voorsiening maak.
Volgens die nuwe raamwerk is vakleerlinge en interns geregtig op twee verlofdae en drie siekdae vir elke voltooide diensmaand.
’n Belofte van geheimhouding moet voorts onderteken word met die voorneme om nie tydens hul tyd as vakleerling of intern op welke manier ook al “geklassifiseerde of sensitiewe inligting” verwant aan die staatsdiens aan die media of algemene publiek te verklap nie.
Onderhewig aan die wette, regulasies en voorskrifte sal enige regeringskuld wat moontlik uit die internskap of opleidingsperiode voortspruit, volgens die nuwe raamwerk van die intern of vakleerling verhaal word.
Kommentaar
Republikein
Geen kommentaar is op hierdie artikel gelaat nie