Die Internet en sy trolle
Dit is raar, maar tog waar. Hulle sê mos waar ‘n rokie trek, moet ‘n vuurtjie wees.
Ons, die sosialemediagebruikers, moet elke dag demokraties en vrywillig verplig sosiale media vir een of ander duistere en sinistere rede inspan. Dit op sigself is geen maklike taak nie, want ‘n ander tipe rower sit en wag deesdae in die veiligheid van sy skuiling vir die regte oomblik om al sluipend uit die duister van die web met mag en mening op sy onskuldige slagoffer toe te slaan.
‘n Sekere rare spesie het sedert die internet se ontstaan stelselmatig sy verskyning gemaak. Dié spesie doop ek sommer ‘n e-trol. Dié helde en heldinne van die kuberruim is die moderne struikrowers van ons tyd wat soos magtige lords hul pionne behendig rondskuif, terwyl die koningin al tripplend sukkel om haar piepie vir ‘n belangrike vonkpos te knyp.
Die witjasse in die laboratoriums kan moontlik die spesie as die Giant Trollosboid (monophyletic e-Vampierrella) in hul wetenskapboeke identifiseer, maar dié gevaarlike spesie kan moontlik ook as Mastiga-trolla Balamuthi (vrylewend op die internet) geklassifiseer word.
Ja-ja, ek weet. Daar is diegene wat nie die kwaad of verkeerd daarin sal sien dat ‘n wildvreemde siel ‘n ander onbekende gebruiker op ‘n sosialemediaplatform verbaal aanval nie. Wel, as so ‘n mens nie fout met dié probleem kan sien nie, is hy of sy beslis deel van die probleem.
Die komediant Schalk Bezuidenhout bekla nou die dag sy lot op die kassie oorlat mense op sosiale media ander gebruikers vloek en die allervreeslikste dinge toevoeg sonder dat die ontvanger daarvoor gevra het.
(Kan ‘n mens nog van ‘n kassie praat? Die ding is deesdae platter as ‘n joernalis se beursie op die 15de van elke maand.)
Dit sluit glo Facebook, ander sosialemediaplatforms asook Netwerk24 in, waar ‘n gebelgde e-trol-terroris binne sekondes ‘n gewelddadige aanval op sy “kompie” se sleutelbord kan loods. Wat ook al jy verkeerd mog gesê het, is nie ter sprake nie, wel dat die Giant Trollosboid (Reusetrol) genoeg rede het om sy weerlose slagoffer verbaal met vele spelfoute en onbeholpe sinsbou sonder kommas en ander leestekens te mag kasty.
In my verbeelding sien ek so ‘n briesende e-trol in aksie. Die paar bloedbelope oë staar hatig na die kompie se skerm, terwyl bultende slagare plek-plek dreig om oop te bars. Die asem jaag hortend oor skuimerige lippe en die intense druk van die koronêre stelsel is hoog genoeg is om ‘n trekker-tyre kliphard te pomp, terwyl die Monophyletic e-Vampierrella se hart met ‘n geweldige tempo besig is om in die rigting van ‘n reuse- miokardiale infarksie te versnel.
Die salpeter sit reeds wit gedroog teen die voorkop en slape, terwyl vingers met wit geklemde kneukels woedend die toetsbord soos ‘n saldo uit ‘n outomatiese aanvalswapen tref. Behalwe dat ‘n hartaanval besig is om soos ‘n dief in die nag nader te sluip, is die situasie besig om vinnig in ‘n koronêr te verander, wat sy cholestrerollading kilogram vir kilogram uit sy aorta skeur om onverhoeds ‘n trombus te vorm.
Ek raak glads benoud vir die aanvaller en familie se part om te dink sy hart se elektronika kan beskadig word, wat sy hartritme gaan versteur.
“Wie wil nou met ‘n fibrillerende hart sit terwyl ‘n spasma in 'n aar ontstaan waar kilogramme vet soos ‘n klomp skape voor ‘n toe kraalhek gaan saambondel,” en ek dink onwillekeurig aan iets soos ’n 911-nommer om te bel.
Na die afloop van die e-trol se woedende aanval op sy weerlose ontvanger, waar die teiken nie soos die wafferse Blitsbokheld Rosko Specman ‘n behendige systap kon uitoefen om sy aanvaller se ongure venyn te fnuik nie, sien ek hoe ‘n uitgeputte en natgeswete e-trol behaaglik in sy stoel soos ‘n vrou terugsak wat pas die lewe aan ‘n wonderwerk geskenk het.
Boys, wees versigtig, dié eensellige diertjies (Giant Trollosboid) kry jy oral.
Ons, die sosialemediagebruikers, moet elke dag demokraties en vrywillig verplig sosiale media vir een of ander duistere en sinistere rede inspan. Dit op sigself is geen maklike taak nie, want ‘n ander tipe rower sit en wag deesdae in die veiligheid van sy skuiling vir die regte oomblik om al sluipend uit die duister van die web met mag en mening op sy onskuldige slagoffer toe te slaan.
‘n Sekere rare spesie het sedert die internet se ontstaan stelselmatig sy verskyning gemaak. Dié spesie doop ek sommer ‘n e-trol. Dié helde en heldinne van die kuberruim is die moderne struikrowers van ons tyd wat soos magtige lords hul pionne behendig rondskuif, terwyl die koningin al tripplend sukkel om haar piepie vir ‘n belangrike vonkpos te knyp.
Die witjasse in die laboratoriums kan moontlik die spesie as die Giant Trollosboid (monophyletic e-Vampierrella) in hul wetenskapboeke identifiseer, maar dié gevaarlike spesie kan moontlik ook as Mastiga-trolla Balamuthi (vrylewend op die internet) geklassifiseer word.
Ja-ja, ek weet. Daar is diegene wat nie die kwaad of verkeerd daarin sal sien dat ‘n wildvreemde siel ‘n ander onbekende gebruiker op ‘n sosialemediaplatform verbaal aanval nie. Wel, as so ‘n mens nie fout met dié probleem kan sien nie, is hy of sy beslis deel van die probleem.
Die komediant Schalk Bezuidenhout bekla nou die dag sy lot op die kassie oorlat mense op sosiale media ander gebruikers vloek en die allervreeslikste dinge toevoeg sonder dat die ontvanger daarvoor gevra het.
(Kan ‘n mens nog van ‘n kassie praat? Die ding is deesdae platter as ‘n joernalis se beursie op die 15de van elke maand.)
Dit sluit glo Facebook, ander sosialemediaplatforms asook Netwerk24 in, waar ‘n gebelgde e-trol-terroris binne sekondes ‘n gewelddadige aanval op sy “kompie” se sleutelbord kan loods. Wat ook al jy verkeerd mog gesê het, is nie ter sprake nie, wel dat die Giant Trollosboid (Reusetrol) genoeg rede het om sy weerlose slagoffer verbaal met vele spelfoute en onbeholpe sinsbou sonder kommas en ander leestekens te mag kasty.
In my verbeelding sien ek so ‘n briesende e-trol in aksie. Die paar bloedbelope oë staar hatig na die kompie se skerm, terwyl bultende slagare plek-plek dreig om oop te bars. Die asem jaag hortend oor skuimerige lippe en die intense druk van die koronêre stelsel is hoog genoeg is om ‘n trekker-tyre kliphard te pomp, terwyl die Monophyletic e-Vampierrella se hart met ‘n geweldige tempo besig is om in die rigting van ‘n reuse- miokardiale infarksie te versnel.
Die salpeter sit reeds wit gedroog teen die voorkop en slape, terwyl vingers met wit geklemde kneukels woedend die toetsbord soos ‘n saldo uit ‘n outomatiese aanvalswapen tref. Behalwe dat ‘n hartaanval besig is om soos ‘n dief in die nag nader te sluip, is die situasie besig om vinnig in ‘n koronêr te verander, wat sy cholestrerollading kilogram vir kilogram uit sy aorta skeur om onverhoeds ‘n trombus te vorm.
Ek raak glads benoud vir die aanvaller en familie se part om te dink sy hart se elektronika kan beskadig word, wat sy hartritme gaan versteur.
“Wie wil nou met ‘n fibrillerende hart sit terwyl ‘n spasma in 'n aar ontstaan waar kilogramme vet soos ‘n klomp skape voor ‘n toe kraalhek gaan saambondel,” en ek dink onwillekeurig aan iets soos ’n 911-nommer om te bel.
Na die afloop van die e-trol se woedende aanval op sy weerlose ontvanger, waar die teiken nie soos die wafferse Blitsbokheld Rosko Specman ‘n behendige systap kon uitoefen om sy aanvaller se ongure venyn te fnuik nie, sien ek hoe ‘n uitgeputte en natgeswete e-trol behaaglik in sy stoel soos ‘n vrou terugsak wat pas die lewe aan ‘n wonderwerk geskenk het.
Boys, wees versigtig, dié eensellige diertjies (Giant Trollosboid) kry jy oral.
Kommentaar
Republikein
Geen kommentaar is op hierdie artikel gelaat nie