Internasionale prestasie vir 'Hairareb'

19 October 2021 | Kuns en vermaak
Die veelbekroonde Namibiese rolprent Hairareb waarin die ontslape veteraanakteur David Ndjavera 'n hoofrol vertolk het, word eersdaags by nóg twee internasionale filmfeeste vertoon.

Ndapunikwa Investments, die produksiemaatskappy agter dié rolprent, het opgewonde aangekondig dat dit by die openingseremonie van die Festival International du Film Pan­Africain de Cannes vertoon sal word. Die film maak ook deel uit van vanjaar se amptelike seleksie vir dié rolprentfees, wat beteken dit kom in aanmerking vir 'n Dikalo-toekenning.

Die fliek sal in die volgende toekenningskategorieë oorweeg word:

1. Beste fiksierolprent

2. Beste akteur

3. Beste aktrise

4. Spesiale erkenning vir speelfiksie

van die seleksiepaneel

5. Die Nord Sud Development Association se Dikalo Peace Award

Alhoewel die organiseerders lede van die produksiemaatskappy genooi het om Hairareb by die rolprentfees te verteenwoordig, moes dié uitnodiging ongelukkig van die hand gewys word weens voortdurende onsekerheid oor die Covid-19-regulasies vir buitelanders wat Frankryk besoek.

Benewens hierdie opwindende nuus, is Hairareb ook genooi om deel te neem aan die 29ste jaarlikse New York African Diaspora International Film Festival (ADIFF) wat van 26 November tot 12 Desember aanlyn op die Eventive-platform sal plaasvind. Die filmmakers sal aanlyn aan ADIFF deelneem aangesien meeste vertonings virtueel sal wees.

Hairareb het reeds verskeie toekennings ingepalm, waaronder die beste narratiewe rolprent, beste regisseur en die toekenning vir beste akteur vir wyle David Ndjavera by die jaarlikse Namibiese Teater- en Filmtoekennings. Die fliek het internasionale lof ontvang ná dit by talle gesogte internasionale rolprentfeeste as deel van die amptelike seleksie vertoon is – waaronder by die Europese filmfees en die Durbanse Internasionale Rolprentfees.

Hairareb is gebaseer op 'n boek deur August C. Bikeur, en deur Aina Ligola Kwedhi in 'n draaiboek omskep. Dantagos Jimmy-Melani is die uitvoerende vervaardiger, met Ellen Ernst as vervaardiger, en die bekroonde Oshoveli Shipoh in die regisseurstoel. Die verhaal is glo 'n huldeblyk aan Namibiese kinematografie en storievertelling, en word vertel vanuit die perspektief van een van Namibië se oudste en mees diepgewortelde stamme – wat liefde in 'n tyd van droogte vasvang, en dus 'n gepaste voorstelling van die Namibiese kinematografie vir beide plaaslike en internasionale gehore is. - [email protected]

Soortgelyk

 

Uitstel van eksamens: Integriteit van eksamen, kwalifikasie moet beskerm...

12 ure gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

18 ure gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

1 dag gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

1 dag gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

1 dag gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

1 dag gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

1 dag gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

1 dag gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...

A love for engineering and airplanes

1 dag gelede | Vervoer

Wetumwene Shikage Describing her journey at Fly Namibia, Gabriela Kamaahene says the experience has been surreal. She says the company continuously grows and she...