Internasionale kenners bied lewensafrigting by Vroueberaad

10 August 2018 | Gebeure
Die 12de Namibiese Vroueberaad waarvan die oogmerk is om vroue te bemagtig en te bemoedig, het gister in Windhoek begin. Nie minder nie as vyf internasionale sprekers woon dit by.

Die beraad is gisteraand amptelik deur die presidentsvrou, me. Monica Geingos, geopen. Dit duur nog tot môre.

Die tema vanjaar is “Elke lewe het ‘n silwer randjie”, vertel die president en organiseerder, me. Anne Thandeka Gebhardt. Sy sê met die beraad word beoog om lewensafrigting aan vroue te verskaf en hulle met kennis en vaardighede toe te rus wat hulle sal help om hul lewe en ook hul besighede beter te bestuur.

Gister is drie slypskole aangebied waar vroue onder meer kon leer hoe om ‘n onderneming met weinig kapitaal te begin. Dit is deur twee stigterslede van die Pop-Up Business School in Brittanje, Alan Donogan en Simon Paine, aangebied.

Die tweede slypskool het gefokus op hoe vroue hul passie en doel in die lewe kan uitleef en boonop geld maak. Die aanbieder was Tabea Boye van Lighthouse Lifestyle Wellness Consulting.

Dr. Janet Palmer, stigter van Dr. Janet Palmer International in Amerika, het vroue in die derde slypskool leiding gegee oor hoe om die “silwer randjie” in hul lewens weer raak te sien, beter te voel oor hulself en hul prestasie te verbeter. Daarmee saam het Felizitas Peters, stigter van Palmato Publishing en 'n internasionale bekende entrepreneur en skrywer, vroue gewys hoe hulle nuwe perspektief kan kry deur hul lewensverhaal neer te skryf.

Verskeie vrouesprekers met bemoedigende en verrykende boodskappe sal die vroue vandag en môre toespreek.

Soortgelyk

 

Geingob en Lubowski kap mekaar

2 ure gelede | Plaaslik

Denver Kisting – Pres. Hage Geingob sê openbare beweringe deur die weduwee van mnr. Anton Lubowski is lasterlik.In ’n ope brief deur me. Gabrielle Lubowski...

Namibië het ‘olieveld’ van N$370 miljard

2 ure gelede | Plaaslik

Geen geld vir Kalahariwoestyn-slagoffer

2 ure gelede | Polisie

Denver Kisting – ’n Vriend van wyle mnr. Fambauone Black (22), die Kalahariwoestyn-slagoffer, sê daar’s geen geld om sy oorskot na Zimbabwe terug te neem...

Vroue, vrede en veiligheid

2 ure gelede | Ministeries

Augetto Graig - Die nasionale plan van aksie vir 2019 tot 2024 vir vroue, vrede en veiligheid is gister amptelik in Windhoek van stapel gestuur....

Weer vir 20 Junie

2 ure gelede | Weer

BINNELAND: Mooi weer en matig tot warm, maar dit sal warm oor die Namib en die verre Noorde wees. Winderige toestand sal oor die binneland...

Polisiebaas besing Operasie Kalahari se lof

2 ure gelede | Misdaad

Denver Kisting – Dis jammer ’n lid van die publiek het tydens die operasie gesterf, maar die veldtog duur voort.Só het die nasionale polisiebaas, lt.genl....

Desert Express loop weer einde Julie

2 ure gelede | Plaaslik

Francoise Steynberg - Toeriste kan weer uitsien na 'n opwindende treinrit op die gewilde, luukse Desert Express wat weer einde Julie tussen Winkdhoek en Swakopmund...

Geen politieke vergaderings by skole

2 ure gelede | Ministeries

Geen skool mag onder enige omstandighede vir politieke vergaderings en veldtogte of fondsinsamelings vir politieke gewin gebruik word nie. Ook mag leerlinge nie op skoolgronde...

Skoleveiligheidsveldtog

2 ure gelede | In beeld

TrenTyre Namibia, met die ondersteuning van Goodyear SA, het ’n skoleveiligheidsveldtog van stapel gestuur. Volgens mnr. Henrico Du Plessis, TrenTyre Namibia se uitvoerende hoof, is...