Inligtingstaak na streeksrade afgewentel

Plaaslike inhoud nou self vervaardig

05 January 2017 | Regering
Augetto Graig - Die ministerie van inligting en kommunikasietegnologie (ICT) het in Desember die funksies vir die ontwikkeling en samestelling van televisie-, radio- en gedrukte inhoud na streeksrade en plaaslike owerhede afgewentel.

Volgens minister Tjekero Tweya beteken dit dat die produksie van oudiovisuele materiaal, die voorsiening van luidsprekerstelsels, die ontwikkeling van draaiboeke vir plaaslike inhoud, en die ontwikkeling en publikasie van gedrukte materiaal oor regeringsbeleide en -programme, nou op streeksvlak gedoen sal word.

Hy sê: “Deur die ontvangs van hierdie funksies sal streeksrade nou verantwoordelik wees en die gesag hê vir die beplanning, implementering en bestuur van dienslewering op plaaslike vlak.

"As 'n ministerie sal ons voortgaan om deurlopend 'n formele kapasiteit te bou en opleiding te verskaf in noodsaaklike velde ten einde streke in staat te stel om dienslewering aan ons mense te verbeter.”

Die minister het verder gesê die oorhandiging van hierdie funksies aan plaaslike rade beteken dat personeel, bates en geld oorgedra moet word vanaf die sentrale regering.

"Dit vereis diepgaande veranderinge aan die manier waarop die regering georganiseer word - vanaf sentrale tot plaaslike bestuursvlakke.”

By dieselfde geleentheid het die permanente sekretaris van die ministerie van stedelike en landelike ontwikkeling, mnr. Daniel Nghidinua, gesê die regering van Namibië erken die belangrikheid van demokrasie en mensgerigte ontwikkeling.

“Dit is die rede waarom desentralisasie 'n grondwetlike vereiste is. Streeksrade en plaaslike owerhede is die geïnstitusionaliseerde manifestasies van die regering se verbintenis tot die integrasie van die belange van die bevolking en die deelname van ons mense in bestuur en besluitneming,” het Nghidinua gesê.

Volgens hom word die sukses van desentralisasie nie gemeet in terme van die aantal funksies nie, maar in terme van die tasbare voordele wat daaruit spruit.

"Desentralisasie moet manifesteer in die bemagtiging van mense op plaaslike vlak, verbeterde administratiewe doeltreffendheid, inklusiwiteit en hoë gehalte diens.”

Nghidinua sê die belangrikheid van die funksies wat die ministerie aan die streke oorhandig het, kan nie genoeg beklemtoon word nie.

“Oudiovisuele en gedrukte materiaal en gereedskap speel 'n kritieke rol om te verseker dat ons mense op voetsoolvlak ingelig is oor die verskillende regeringsprogramme en hoe sulke programme geïmplementeer word,” sê hy.

Dit baat ook die regering om terugvoering te kry oor die behoeftes en impak van dienste wat gelewer word.

Die streekrade, sê Nghidinua, is versoek om die gedesentraliseerde funksies te verwelkom, personeel te integreer en die kapasiteit te gebruik om meer professionele en beter dienste aan onderskeie streke te lewer.

Dié funksies word nou deur die streekrade van die Hardap-, //Karas-, Khomas-, Ohangwena-, Omaheke-, Omusati-, Erongo-, Kunene-, Kavango-Oos-, Kavango-Wes-, Oshikoto-, Oshana-, Otjozondjupa- en Zambezistreek verrig.

Soortgelyk

 

Trump laat Amerika bloos oor 'Nambia"

13 ure gelede | Internasionaal

Pres. Donald Trump van Amerika het gister tydens ‘n vergadering met Afrikaleiers in New York na Namibië as “Nambia” verwys.Tydens die ontmoeting het Trump gesê:...

Ysterertsmyn dalk op Windhoek se voorstoep

23 ure gelede | Plaaslik

Ronelle Rademeyer - Gemeenskapsvergaderings word vandag by Neudamm en in Windhoek gehou vir insette oor die impak wat die beplande ysterertsmyn 50 km oos van...

Droogtenood in Suide al groter

23 ure gelede | Omgewing

Ronelle Rademeyer 'n Projek, onder aanvoering van die Keetmanshoop Streekslandbou-unie (SLU), is tans werksaam om dringend voer vir vee op meer as 50 plase in...

wenfoto by Hakos gekiek

23 ure gelede | Omgewing

Die wenner van die Insight Sterrekunde Fotograaf van die Jaar-kompetisie het sy foto in Namibië geneem. Die Rus Artem Mironov is vanjaar se algehele wenner­...

Nuwe stelsel veroorsaak chaos by lughawe

23 ure gelede | Plaaslik

Catherine Sasman Die ministerie van binnelandse sake en immigrasie sê dit het 'n korttermyn­oplossing gevind om die chaotiese­ vertragings by die Internasio­nale Lughawe Hosea Kutako...

Weer vir 21 September

23 ure gelede | Weer

BINNELAND: Gedeeltelik bewolk en baie tot bloedig warm. Winderige toestande word in die Noorde en oor die sentrale hoëgrond verwag. KUS: Gedeeltelik bewolk en matig...

'Noord-Amerikaners wil Namibië besoek'

23 ure gelede | Toerisme

Namibië is 'n toeristebestemming wat Noord-Amerikaners graag wil besoek.Só sê die besturende direkteur van Namibia Wildlife Resorts (NWR), me. Zelna Hengari, wat saam met die...

Tienermeisie steek baba glo in tas weg

23 ure gelede | Misdaad

Twee vroue, van wie een 'n skoolmeisie is, is Dinsdag in verband met die verberging van 'n geboorte in hegtenis geneem.OMUTELEVolgens die Namibiese polisie se...

Goeie nuus vir sekuriteitswagte

23 ure gelede | Arbeid

Augetto Graig - Die ministerie van arbeid, nywerheidsbetrekkinge en werkskepping het aangekondig sekuriteitswagte in Namibië moet van verlede Vrydag (15 September) af ten minste N$8,75...