Inentings: Namibiërs wag en kyk

Voorkeur vir sekere entstowwe

30 March 2021 | Gesondheid
Henriette Lamprecht – ’n Wag-en-kyk-benadering en voorkeur vir spesifieke entstowwe is van die redes vir die trae reaksie tot die ministerie van gesondheid en maatskaplike dienste se immuniseringsveldtog teen Covid-19.
Die uitvoerende direkteur in die ministerie en hoof van die taakspan vir die uitrol van die entstowwe, me. Petronella Masabana, het dit ook toegeskryf aan ’n “info-pandemie”, ’n ooraanbod van inligting, aangevuur deur akkurate en fopnuus in die sosiale media.
Teen Vrydag was nog net 881 mense ingeënt; 729 in Khomas en 152 in Erongo. Klaarblyklik word geen inentings op Saterdae en Sondae gedoen nie.
Die nasionale ontplooiings- en immuniseringsplan het in drie distrikte in Windhoek in die Khomasstreek en Swakopmund en Walvisbaai in Erongo afgeskop en duur tot 16 April, terwyl ’n nasionale en landswye uitrolprogram vanaf 19 April beplan word.
Namibië het 100 000 dosisse van die CoronaVac-entstof, wat deur die Chinese farmaseutiese vervaardiger Sinopharm ontwikkel is, asook 30 000 dosisse Covishield van die Serum Instituut van Indië ontvang.
As deel van Covax sal Namibië volgens ’n tussentydse verslag 127 200 dosisse ontvang wat volgens die jongste inligting moontlik vanaf April tot Mei in die land verwag word.
Sou die stadige pas vir inentings voortduur, sê Masabane, gaan die ministerie teikengroepe in die volgende fases van die program spoedig insluit.
Tans geniet gesondheidswerkers by hospitale en klinieke, gesondheidswerkers in gemeenskappe, mense tussen die ouderdom van 18 en 59 jaar, mense in nabye werksomstandighede, dié betrokke by oorgrensvervoer, personeel by grensposte, polisiebeamptes, joernaliste, lede van die diplomatieke korps, werkers in die vis- en mynbedryf, geestelike en tradisionele leiers, gestremdes en vlugtelinge.
“Sinopharm is vir persone tussen die ouderdomme van 18 tot 59 jaar met geen onderliggende mediese toestande nie,” sê Masabane.
Persone vir wie Sinopharm nie geskik is nie, sluit onder meer in swanger vroue of vroue wat borsvoed of ’n swangerskap binne die volgende ses weke beplan, enige persoon met ’n geskiedenis van enige tipe ernstige allergie wat noodsorg vereis het, sowel as mense met toestande wat die immuunstelsel onderdruk bv. MIV/vigs, wat op steroïede-medikasie is of chemoterapie ontvang.

COVISHIELD-ENTSTOF
Volgens Masabane sal die Covishield-entstof wat in voorraad is, hoofsaaklik gebruik word vir persone ouer as 60 jaar met onderliggende mediese toestande en ook individue wat uitgesluit is van die toediening van Sinopharm.
Tans gaan individue wat in die eerste fase in aanmerking vir Sinopharm kom na die vier immuniseringspunte by Rhino Park en die Lady Pohamba private hospitale, sowel as die Windhoek Sentrale Hospitaal en Katutura staatshospitaal in Windhoek en by die kus by die staatshospitale in Swakopmund en Walvisbaai, asook die Welwitschia en Cottage private hospitale.
Volgens Masabane werk die ministerie egter aan ’n “lys- of afspraakstelsel.
“Namibia Media Holdings (NMH) sal byvoorbeeld aan die ministerie ’n lys met werknemers verskaf wat ingeënt wil word. Ons sal dit gevolglik skeduleer om te verhoed dat daar te veel mense op dieselfde tyd opdaag,” het Masabane verduidelik.
Sy het beklemtoon deel van die immuniseringsproses is ’n spesiale punt waar bepaal word of die persoon vir die enstof in aanmerking kom.
[email protected]

Soortgelyk

 

Skoolhoof van Swakop sterf aan Covid-19

9 ure gelede | Mense

Ronelle Rademeyer – Huldeblyke het gister uit onderwys- en ander kringe ingestroom nadat die skoolhoof van Pro-Ed Akademie se hoër­skool op Swakopmund, mnr. Henry McCarthy,...

ReconAfrica voor hof gedaag

9 ure gelede | Howe

Ronelle Rademeyer – Reconnaissance Energy Africa (ReconAfrica) het sonder konsultasie of vooraf kennisgewing die natuurlike woud en landerye wat wettiglik deur 'n familie by Mbambi...

Weer vir 10 Mei 2021

9 ure gelede | Weer

BINNELAND: Sonnig en warm tot baie warm in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en warm...

Nog NBC-werkers keer terug

9 ure gelede | Arbeid

Hoewel die NBC-staking landswyd voortduur, het 74 werknemers intussen teruggekeer werk toe en is die Engelse radiodiens, National FM, weer terug op die lug. Die...

Noodkreet teen misdaadvlaag

9 ure gelede | Misdaad

Tunohole Mungoba op Oshakati – Die Oshakati-stadsraad het Donderdag 'n openbare vergade­ring in Okandjengeni-Suid op dié dorp gehou waar verskeie veiligheidskwessies geopper en klagtes teen...

Dwelms van amper N$2 miljoen gekonfiskeer

9 ure gelede | Misdaad

Volgens die Namibiese polisie is in April meer mense in besit van dwelms in hegtenis geneem as gedurende Maart. In Maart is 106 mense in...

Nuwe lewe in onooglike kraghuis geblaas

9 ure gelede | Kuns en vermaak

Claudia Reiter – Die kunstenaars Kat en Lens het die mure van 'n transformator-substasie in Conrad Ruststraat in Klein Windhoek geverf en verfraai. “Ons ry...

Geen partytjie vir Nujoma

9 ure gelede | Gemeenskap

Die kantoor van die stigterspresident Sam Nujoma het aangekondig hy gaan nie op 12 Mei sy 92ste verjaardag met 'n openbare byeenkoms vier nie. Dié...

Betaaldag hier vir Air Namibia se personeel

9 ure gelede | Vervoer

Ogone Tlhage – Die minister van openbare ondernemings (SOE's), mnr. Leon Jooste, het bevestig die regering het 'n gedeelte betaal van die N$278 miljoen wat...