Inbrekers looi Windhoekers

09 January 2017 | Misdaad
Tanja Bause - Met die feesseisoen op 'n end, het die stadspolisie in 'n mediaverklaring gesê daar was 'n toename in huisbrake in Windhoek.

Veral huise wat in die vakansie sonder toesig was, is geteiken.

In Katutura is daar 23 sake van huisbraak en in Khomasdal 12 sake aangemeld.

Yskaste, oonde, skootrekenaars, selfone, klere, geld en televisiestelle is van die items wat meestal uit huise gesteel is.

“Ons het ook opgemerk dat huise wat naby aan 'n bouperseel geleë is, die meeste deur die diewe geteiken is,” het konst. Fabian Amukwelele, woordvoerder van die stadspolisie, gesê.

Soos vroeër berig, is die lyk van me. Brenda Mouton-Smith Sondag 1 Januarie onder 'n brug in Khomasdal gevind. Sy en haar kêrel het onder die brug gebly en hy is intussen deur die polisie in hegtenis geneem.

Verder is 'n man by die Engen-diensstasie in Academia deur vyf petroljoggies met stokke aangerand nadat hy glo versuim het om vir 'n tenk petrol te betaal. Die voorval het op 30 Desember plaasgevind en die man het 'n saak van aanranding teen die vyf mans aanhangig gemaak.

'n Vrou (28) is glo deur haar kêrel op 1 Januarie verkrag terwyl hy haar met 'n mes gedreig het. Die voorval het naby 7de Laan in Otjomuise in 'n rivierloop plaasgevind. 'n Inwoners het haar hoor gil en tot haar redding gekom. Die man is nog op vrye voet en word deur die polisie gesoek.

Woensdag is 'n 19-jarige vrou glo deur drie mans in 'n rivierloop in Etetewe­straat verkrag. Hulle het haar glo daarna na 'n huis toe gesleep en wéér verkrag. Een van die verdagtes is in hegtenis geneem terwyl twee nog deur die polisie gesoek word.

Die stadspolisie versoek die publiek om verdagte mense of optrede aan te meld deur 061 302 302 te skakel, 'n SMS na 4444 te stuur of dit by die naaste polisiekantoor aan te meld.

Soortgelyk

 

Noorde in greep van erge waterkrisis

2 ure gelede | Omgewing

Ronelle Rademeyer - Skade weens verspoelings aan die kanaal wat water vanaf Calueque tot by Oshakati en omliggende dorpe in die sentrale Noorde, ...

Karibib skud!

3 ure gelede | Omgewing

‘n Aardbewing wat 3,4 op die Richeterskaal geregistreer het, het knap voor middernag suid van Karibib plaasgevind.Volgens ‘n mediaverklaring van die ministerie van myne en...

Twee mans sterf op Hochfeldpad

16 ure gelede | Ongelukke

Twee mans het gistermiddag in ‘n motorongeluk op die pad tussen Okahandja en Hochfeld gesterf.Die sedanvoertuig waarin hulle gereis het, het ‘n slaggat getref en...

Shaningua 'het uit vrees geskiet'

16 ure gelede | Howe

Jacqueline Louw – Mnr. Rodney Shaningua (47) wat van die moord op ’n Finse burger twee jaar gelede beskuldig is, het gister aan ’n hoërhofregter...

Premier gee oorsig oor staatsdiens

16 ure gelede | Regering

Estelle de Bruyn - Met die uitsondering van die uniformmagte en politieke ampsdraers, is daar 67 835 staatsamptenare in Namibië van wie 534 buitelanders is.Dit...

Weer vir 28 April 2017

16 ure gelede | Weer

BINNELAND: Gedeeltelik bewolk en warm tot baie warm met enkele buie oor die Zambezistreek. Dit sal winderig oor die binneland wees, behalwe oor die verre...

Reg op repliek: Safari Hotels

16 ure gelede | Plaaslik

Op 10 Maart 2017 het Republi­kein 'n onderhoud geplaas wat gevoer is met mnr. Johnnie Hamman, voormalige besturende direkteur van Safari Hotels (Edms. Bpk.), onder...

Sentrale Aankoperaad in hoërhof ingehuldig

16 ure gelede | Howe

Die nuwe Sentrale Aankoperaad is gister amptelik deur regterpresident Petrus Damaseb in die hoërhof ingehuldig. Die voorsitter van die nuwe raad, mnr. Patrick Swartz, het...

Man sterf 'n maand ná sy troudag

16 ure gelede | Ongelukke

Tanja Bause - Presies 'n maand nadat mnr. Kaonge Kaura (26) in die huwelik getree het, is hy in die Lady Pohamba-hospitaal oorlede nadat hy...