Imalwa verduidelik Heinaste-transaksie
Dit blyk nog beslagleggingsaansoeke kan uit die Fishrot-ondersoek spruit.
Ronelle Rademeyer - Die nagenoeg N$280 miljoen wat Tunacor Fisheries betaal het om die gekonfiskeerde maasbanker-fabrieksboot MFV Heinaste by die Namibiese aandeelhouers van die Yslandse groep, Samherji Group, te koop, is nou deel van die bates waaroor kurators ingevolge ’n hofbevel waak.
Die polisie het die boot verlede jaar gekonfiskeer kort nadat die bom oor Fishrot gebars en Samherji se beweerde betrokkenheid by dié omvangryke maasbankerkwota-skandaal aan die lig gekom het.
Samherji het Woensdag in ’n verklaring gesê die verkoopstransaksie met Tunacor is voltrek, en die vaartuig is na die Tutungeni herdoop.
“Die afgelope maande is pogings aangewend om die bedrywighede van Samherji-geaffilieerde maatskappye in Namibië te beëindig. Dit is in oorleg met die Namibiese owerhede gedoen,” sê Samherji en voeg by deel van die taak was om die lot van die Heinaste te bepaal.
Die maatskappy sê verder die beslaglegging van die Heinaste is opgehef nadat die aanklaer-generaal van Namibië, me. Martha Imalwa, Dinsdag ’n brief in dié verband onderteken het.
“Ander onbeduidende bates in Namibië word steeds deur die beslaglegging geraak, maar kwessies wat daarmee verband hou sal in die komende maande in noue oorleg met die owerhede opgelos word,” lui die verklaring.
Imalwa het gister by navraag verduidelik sy het nie die beslaglegging gelig nie, maar die polisie het.
Sy sê hoewel sy ingevolge die Wet op die Voorkoming van Georganiseerde Misdaad (Poca), nr. 29 van 2004, by die hoërhof in Windhoek aansoek gedoen het dat beslag gelê word op die bates van die Fishrot-6 en die maatskappye en beslote korporasies wat aan hulle behoort of waarmee hulle sake gedoen het, was die Heinaste in bewaring van die polisie.
Dié ses is die voormalige minister van visserye en mariene hulpbronne, mnr. Bernhard Esau, sy skoonseun, mnr. Tamson (Fitty) Hatuikulipi, die voormalige minister van justisie, mnr. Sacky Shanghala en sy vriend en sakevennoot, mnr. James Hatuikulipi (’n neef van Fitty) asook mnr. Pius Mwatelulo.
Verder sê sy, moet Namibiërs besef hoewel die vaartuig verkoop is, kan Samherji nie sy hande op die geld lê nie.
“Die rekening waarin die geld oorbetaal is, maak deel uit van die beslaglegging ingevolge die tussentydse Poca-bevel,” sê Imalwa.
Samherji se Namibiese beleggingsmaatskappy Tidle Wave Investments Ninety Two het in 2013 ’n lening by die Sipriaanse maatskappy Heinaste Investment bekom om die vaartuig te koop.
Verskeie maatskappye het aandele in die vaartuig gehad, met dié van Tidle Wave Investments Eighty Seven (Esja Fishing) wat die grootste was, blyk dit uit die aandeelhouersooreenkoms van dié beleggingsmaatskappy.
Imalwa verduidelik die Heinaste was sedert die beslaglegging in die Walvisbaaise hawe op anker.
“Die ingenieurs aan boord wat na die enjins moes omsien, moes steeds betaal word.”
Sy verduidelik daarom was dit beter om van die vaartuig afstand te doen en op die geld wat daarvoor betaal is, beslag te lê.
Imalwa sê dit is die taak van kurators wat deur die hof aangestel is om die groot hoeveelheid vaste en roerende bates in bewaring te hou tot die strafregtelike verhoor eendag afgehandig is, om dit in die beste belang van die partye te bestuur. Die kurators is die bate-administrateurs, mnre. Ian McLaren en David Bruni.
Die partye is die staat, aan wie die bates verbeurd verklaar sal word indien hulle skuldig bevind word, maar ook die beskuldigdes en die betrokke maatskappye en beslote korporasies wat hulle besit, sê Imalwa.
Sy wys daarop hierdie bates het net betrekking op klagte wat spruit uit die beweerde korrupsie in die toekenning van maasbankerkwotas aan die maatskappy Namgomar Pesca Namibia.
Imalwa sê dit is net een been van die staat se saak. Die ander hou verband met die toekenning van kwotas deur die staat se vismaatskappy, die National Fishing Corporation of Namibia (Fishcor).
Op ’n vraag op nog Poca-aansoeke vir batebeslaglegging kan volg, het sy gesê sy wil nie die saak voortuit loop nie. - [email protected]
Die polisie het die boot verlede jaar gekonfiskeer kort nadat die bom oor Fishrot gebars en Samherji se beweerde betrokkenheid by dié omvangryke maasbankerkwota-skandaal aan die lig gekom het.
Samherji het Woensdag in ’n verklaring gesê die verkoopstransaksie met Tunacor is voltrek, en die vaartuig is na die Tutungeni herdoop.
“Die afgelope maande is pogings aangewend om die bedrywighede van Samherji-geaffilieerde maatskappye in Namibië te beëindig. Dit is in oorleg met die Namibiese owerhede gedoen,” sê Samherji en voeg by deel van die taak was om die lot van die Heinaste te bepaal.
Die maatskappy sê verder die beslaglegging van die Heinaste is opgehef nadat die aanklaer-generaal van Namibië, me. Martha Imalwa, Dinsdag ’n brief in dié verband onderteken het.
“Ander onbeduidende bates in Namibië word steeds deur die beslaglegging geraak, maar kwessies wat daarmee verband hou sal in die komende maande in noue oorleg met die owerhede opgelos word,” lui die verklaring.
Imalwa het gister by navraag verduidelik sy het nie die beslaglegging gelig nie, maar die polisie het.
Sy sê hoewel sy ingevolge die Wet op die Voorkoming van Georganiseerde Misdaad (Poca), nr. 29 van 2004, by die hoërhof in Windhoek aansoek gedoen het dat beslag gelê word op die bates van die Fishrot-6 en die maatskappye en beslote korporasies wat aan hulle behoort of waarmee hulle sake gedoen het, was die Heinaste in bewaring van die polisie.
Dié ses is die voormalige minister van visserye en mariene hulpbronne, mnr. Bernhard Esau, sy skoonseun, mnr. Tamson (Fitty) Hatuikulipi, die voormalige minister van justisie, mnr. Sacky Shanghala en sy vriend en sakevennoot, mnr. James Hatuikulipi (’n neef van Fitty) asook mnr. Pius Mwatelulo.
Verder sê sy, moet Namibiërs besef hoewel die vaartuig verkoop is, kan Samherji nie sy hande op die geld lê nie.
“Die rekening waarin die geld oorbetaal is, maak deel uit van die beslaglegging ingevolge die tussentydse Poca-bevel,” sê Imalwa.
Samherji se Namibiese beleggingsmaatskappy Tidle Wave Investments Ninety Two het in 2013 ’n lening by die Sipriaanse maatskappy Heinaste Investment bekom om die vaartuig te koop.
Verskeie maatskappye het aandele in die vaartuig gehad, met dié van Tidle Wave Investments Eighty Seven (Esja Fishing) wat die grootste was, blyk dit uit die aandeelhouersooreenkoms van dié beleggingsmaatskappy.
Imalwa verduidelik die Heinaste was sedert die beslaglegging in die Walvisbaaise hawe op anker.
“Die ingenieurs aan boord wat na die enjins moes omsien, moes steeds betaal word.”
Sy verduidelik daarom was dit beter om van die vaartuig afstand te doen en op die geld wat daarvoor betaal is, beslag te lê.
Imalwa sê dit is die taak van kurators wat deur die hof aangestel is om die groot hoeveelheid vaste en roerende bates in bewaring te hou tot die strafregtelike verhoor eendag afgehandig is, om dit in die beste belang van die partye te bestuur. Die kurators is die bate-administrateurs, mnre. Ian McLaren en David Bruni.
Die partye is die staat, aan wie die bates verbeurd verklaar sal word indien hulle skuldig bevind word, maar ook die beskuldigdes en die betrokke maatskappye en beslote korporasies wat hulle besit, sê Imalwa.
Sy wys daarop hierdie bates het net betrekking op klagte wat spruit uit die beweerde korrupsie in die toekenning van maasbankerkwotas aan die maatskappy Namgomar Pesca Namibia.
Imalwa sê dit is net een been van die staat se saak. Die ander hou verband met die toekenning van kwotas deur die staat se vismaatskappy, die National Fishing Corporation of Namibia (Fishcor).
Op ’n vraag op nog Poca-aansoeke vir batebeslaglegging kan volg, het sy gesê sy wil nie die saak voortuit loop nie. - [email protected]
Kommentaar
Republikein
Geen kommentaar is op hierdie artikel gelaat nie