Hupstoot vir atlete voor Tokio 2021

30 April 2021 | Sport
Die kantoor van die adjunkpresident in samewerking met Telecom Namibia het 'n borg­skap van N$36 000 aangekondig vir die land se atlete wat vir deelname aan die 2021 Olimpiese Spele deurgedring het.

Elkeen van die 12 atlete wat sover ­gekwalifiseer het, sal na ­verwagting N$3 000 ontvang. Die bedrag is bestem om vir die atlete skoene met die oog op die Spele aan te skaf. Die skenking van Telecom Namibia word deur die Namibiese Nasionale Olimpiese Komitee (NNOK) hanteer, nadat die telekommunikasiemaatskappy die inisiatief op versoek van adjunk­president Nangolo Mbumba ondersteun het.

By die oorhandiging Woensdag het Mbumba gesê hy het besluit om geld te help insamel vir die naellopers ­Beatrice Masilingi en Christine Mboma, asook die marathon-kwalifiseerders Helalia Johannes en Tomas Rainhold in die opbou na die Olimpiese Spele wat vanaf 23 Julie tot 8 Augustus in Tokio, Japan, geskeduleer is.

Mbumba het gesê dit is belangrik dat die gemeenskap erkenning gee aan die uitstaande atlete se prestasie – vandaar sy besluit om die atlete en hul afrigters te ontmoet as aanmoediging dat hulle moet aanhou om hul drome na te jaag.

Afgesien van Atletiek Namibië se verteenwoordigers, tel die padfietsryers Dan Craven en Vera Adrian, bergfietsryers Alex Miller en Michelle Vorster, asook die roeier Maike Diekmann onder diegene wat reeds gekwalifiseer het. Moontlikhede bestaan ook nog vir Namibiese gimnaste, karateka, stoeiers en swemmers om hul name by die lys te voeg. “Ons het besluit om hierdie atlete te help deur Telecom Namibië te benader en hulle het ingestem om aan boord te kom met geld waarmee die atlete hardloopskoene kon aankoop.”
– Nampa

FOTO
By die oorhandiging staan (voor) die minister van sport, jeug en nasionale diens, me. Agnes Tjongarero; adjunkpresident Nangolo Mbumba en adjunkminister me. Emma Kantema-Gaomas. Die middelry is Tomas Rainhold, Helalia Johannes, Beatrice Masilingi en Christine Mboma. Agter staan mnre. Audrin Mathe (uitvoerende direkteur van die ministerie), die afrigters Henk Botha en Robert Kaxuxuena en Freddy Mwiya van die Sportkommissie. Foto Nampa

Soortgelyk

 

Skoolhoof van Swakop sterf aan Covid-19

9 ure gelede | Mense

Ronelle Rademeyer – Huldeblyke het gister uit onderwys- en ander kringe ingestroom nadat die skoolhoof van Pro-Ed Akademie se hoër­skool op Swakopmund, mnr. Henry McCarthy,...

ReconAfrica voor hof gedaag

9 ure gelede | Howe

Ronelle Rademeyer – Reconnaissance Energy Africa (ReconAfrica) het sonder konsultasie of vooraf kennisgewing die natuurlike woud en landerye wat wettiglik deur 'n familie by Mbambi...

Weer vir 10 Mei 2021

9 ure gelede | Weer

BINNELAND: Sonnig en warm tot baie warm in die Suide. Elders sal dit gedeeltelik bewolk en warm tot baie warm wees.KUS: Gedeeltelik bewolk en warm...

Nog NBC-werkers keer terug

9 ure gelede | Arbeid

Hoewel die NBC-staking landswyd voortduur, het 74 werknemers intussen teruggekeer werk toe en is die Engelse radiodiens, National FM, weer terug op die lug. Die...

Noodkreet teen misdaadvlaag

9 ure gelede | Misdaad

Tunohole Mungoba op Oshakati – Die Oshakati-stadsraad het Donderdag 'n openbare vergade­ring in Okandjengeni-Suid op dié dorp gehou waar verskeie veiligheidskwessies geopper en klagtes teen...

Dwelms van amper N$2 miljoen gekonfiskeer

9 ure gelede | Misdaad

Volgens die Namibiese polisie is in April meer mense in besit van dwelms in hegtenis geneem as gedurende Maart. In Maart is 106 mense in...

Nuwe lewe in onooglike kraghuis geblaas

9 ure gelede | Kuns en vermaak

Claudia Reiter – Die kunstenaars Kat en Lens het die mure van 'n transformator-substasie in Conrad Ruststraat in Klein Windhoek geverf en verfraai. “Ons ry...

Geen partytjie vir Nujoma

9 ure gelede | Gemeenskap

Die kantoor van die stigterspresident Sam Nujoma het aangekondig hy gaan nie op 12 Mei sy 92ste verjaardag met 'n openbare byeenkoms vier nie. Dié...

Betaaldag hier vir Air Namibia se personeel

9 ure gelede | Vervoer

Ogone Tlhage – Die minister van openbare ondernemings (SOE's), mnr. Leon Jooste, het bevestig die regering het 'n gedeelte betaal van die N$278 miljoen wat...