Huiseienaar skiet vermeende rower dood

Kêrel verkrag glo meisie

16 February 2021 | Misdaad
Volgens die Namibiese polisie se misdaadverslag is ’n vermeende inbreker Vrydag omstreeks 05:30 in Omulungastraat in Wanaheda in Windhoek deur die huiseienaar (51) doodgeskiet. Na bewering het mnr. Skrywer Christan (23) en nog ’n verdagte probeer om by die huis in te breek.

Tussen Vrydagaand en Saterdagoggend is mnr. Ananias Amutenya (21) in die hospitaal aan sy kopbeserings dood. Na bewering het hy dié beserings opgedoen terwyl hy met ’n ander man baklei het. Die voorval het in die Okahandja Park- informele nedersetting by Windhoek plaasgevind. Die verdagte het homself aan die polisie oorgegee.

Die ontbinde oorskot van mnr. Martin Haingura (25) is Saterdag omstreeks 10:00 deur die plaaseienaar op die plaas Goub onder ’n boom gevind. Die polisieondersoek duur voort.

VERKRAGTING

Vrydag omstreeks 18:45 is ’n 20-jarige vrou in Block D op Rehoboth verkrag. Die verkragter is na bewering die vrou se kêrel en hy het haar by haar huis in Block G opgelaai en na sy huis geneem waar die insident gebeur het. Die verdagte is nog nie in hegtenis geneem nie en die polisieondersoek duur voort.

ONGELUKKE

Vrydag omstreeks 20:00 is die 36-jarige mnr. Pär Loots dood toe die trekker waarop hy ’n passasier was, omgeval het. Hy is deur die trekker vasgepen en is op die toneel dood. Die ongeluk het sowat 5 km buite Otavi gebeur. Die trekker was glo op pad na die plaas Otavifontein

’n Onbekende man is Sondag omstreeks 00:02 op die Brakwater-pad naby Jan Japan Motors doodgery. Hy is glo deur ’n Toyota Hilux-bakkie gestamp. Die polisieondersoek duur voort.

Me. Caroline Brits (37) is op slag dood toe die voertuig waarin sy ’n passasier was in ’n ongeluk met twee ander voertuie betrokke was. Die ongeluk het Sondag omstreeks 00:00 op die B1-hoofpad naby Hoërskool Dr. Lemmer in Block D op Rehoboth plaasgevind.

DIEFSTAL

Die polisie het Saterdag omstreeks 01:00 vier mans van onderskeidelik 30, 36, 43 en 48 by die Ncaute-nedersetting in hegtenis geneem. Die mans was glo in besig van gesteelde houtplanke. Hulle het die planke sonder wettige permitte vervoer en het op die vlug geslaan. Hulle het ook die aandklokreël verontagsaam.

Tussen Vrydag en Saterdagnag het onbekende verdagtes ’n venster by die Zula Fashion Shop op Mariental gebreek en toegang tot die winkel verkry. Hulle het klere ter waarde van N$5 450 gesteel. Niemand is tot dusver in hegtenis geneem nie.

DWELMS

Donderdag omstreeks 23:30 is ’n 24-jarige verdagte in die DRC- informele nedersetting op Swakopmund in hegtenis geneem nadat hy met 190 gram dagga ter waarde van N$9 500 gevang is.

’n Drie-en-twintig-jarige vrou is Vrydag omstreeks 12:00 in Hoachanas in hegtenis geneem nadat sy in die besit van 28 bankies dagga ter waarde van N$1 400 betrap is.

Saterdag omstreeks 02:15 is ’n 23-jarige man in Kalaharistraat in Narraville in hegtenis geneem nadat hy 4 bankies dagga ter waarde van N$10 500 by hom gehad het.


FOTO’S
Die trekker waaronder mnr. Pär Loots gesterf het. Foto verskaf
Mnr. Pär Loots is Vrydag in ’n fratsongeluk dood.

Soortgelyk

 

Vrou woon in haar motor by hospitaal

8 ure gelede | Mense

Henriette Lamprecht – 'n Bejaarde vrou van die kus woon die afgelope week in haar motor in die parkeerterrein van 'n staatshospitaal in Windhoek om...

Toekoms van 77 Air Nam-vlieëniers onseker

8 ure gelede | Vervoer

Francoise Steynberg – Altesaam 77 vlieëniers van Air Namibia se toekoms is onseker. Boonop het bykans 75% van die redery se vlieëniers se lisensies verval...

Ses damme voller as 100%

8 ure gelede | Weer

Elvira Hattingh – Terwyl altesaam sowat ses Namibiese damme tans 100% of meer water bevat, oorstroom die Zambezirivier sy walle, met water wat in die...

Weer vir 24 Februarie

8 ure gelede | Weer

WEERWAAK: Wydverspreide donderbuie word in Ohangwena, Oshikoto, Otjozondjupa en Omaheke verwag. BINNELAND: Sonnig en warm in die Suide en Weste, andersins gedeeltelik bewolk en baie...

'Swak bestuur rede vir Meatco se krisis'

8 ure gelede | Byvoegsels

Ellanie Smit - Volgens ’n verslag wat aan die ministerie van staatsondernemings (SOE's) voorgelê is, staar Meatco likwidasie in die gesig indien hy nie kostes...

Hof kry Heritage Health voor stok

8 ure gelede | Gesondheid

Henriette Lamprecht – Die mediese fonds Heritage Health het 'n bloutjie in die hoërhof geloop nadat hy sy jaarlikse premies wou verhoog, maar dié stap...

'IEB in nuwe formaat is hier om te bly'

8 ure gelede | Onderwys

Henriette Lamprecht – Die nuwe leerplan vir skole in Namibië wat die Onafhanklike Eksamenraad (IEB)-stelsel volg, is vergelykbaar met die Namibiese Senior Sekondêre Sertifikaat (SSS)...

#Indigiwalk Namibia in die pyplyn

8 ure gelede |

Augetto Graig – Die pad na 'n beter wêreld is eensaam en lank en mnr. Craig (Q7) Beckett, 'n Suid-Afrikaanse Khoisan-jagter, geneser en menseregte-aktivis, sal...

‘Geen personeel betrokke by stropery’

8 ure gelede | Ministeries

Francoise Steynberg Die ministerie van die omgewing, bosbou en toerisme het bevestig dat geen van sy personeel by wildstropery betrokke was nie en stropery het...