Huis Maerua se hart borrel

07 December 2018 | Kuns en vermaak
Op 29 November 2018 het Huis Maerua-kinderhuis ‘n glans- fondsinsamelingsgeleentheid by die Lemon Tree-restaurant aangebied.

“Daar was nie een dull moment nie!” het Liana Etsebeth, ’n administratiewe assistent by Huis Maerua, oor dié spesiale aand, wat die bekende kunstenaar Soli Philander ook by gewoon het, gesê.

“Ek en Soli het lekker gesweet op die verhoog, maar ek is seker daarvan dit het Soli net meer energie gegee. Die vier dae wat ek saam met hom kon spandeer, het ek soveel van hom as mens geleer. Om saam met hom op die lug te kon wees by Kanaal 7, Kosmos 94.1 en 99FM, wat ons sommer vir ’n tweede keer laat teruggaan het op aanvraag, was voorwaar ‘n ondervinding wat my die res van my lewe sal bybly,” het Liana gesê.

Huis Maerua het onlangs vir hul inwoners ‘n Kerspartytjie gehou.

Soli se taak was om geskenke uit te deel.

Die kinders het sy teenwoordigheid geweldig geniet, en die geleentheid is beslis ‘n hoogtepunt vir 2018.

“Vanjaar het die kinders die geleentheid gehad om ‘n wenslysie vir Kersfees op te stel. Die plaaslike gemeenskap, besighede en verskeie individue se ondersteuning was wonderlik.”

Liana het vertel sy en Soli moes die trane oor die blydskap op die kinders se gesigte wegpink.

“Soli se liefde vir kinders is diep. Hy het werklik ‘n klein hartjie met baie plek vir kinders!”

Tydens die verrigtinge het die kinders ‘n teddiebeer aan Soli oorhandig.

“Ek dink hy was amper meer opgewonde oor die teddie as die kinders oor húlle geskenke! Die teddie is ook sommer dadelik ‘Rua’ gedoop.”

Soli self was beïndruk met Namibiërs.

“Die geleentheid was baie goed georganiseer. Dit was ‘n fantastiese ervaring. Die manier waarop die Namibiese gemeenskap minderbevoorregte kinders ondersteun, het my verras. Ek het bewondering vir Namibiërs en die media hier,” het hy gesê.

Liana het almal bedank wat die funksie moontlik gemaak het.

“Ons borge is te veel om te noem, maar weet net, dit maak nie saak hoe klein of groot jou bydrae was nie, dit was deel van ’n groot sukses. Sowat N$36 000 is vir die kinders se 2019-skooljaar ingesamel en ons is dankbaar hiervoor.”

Soortgelyk

 

Padgebruik al duurder

5 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Padgebruik al duurder

5 ure gelede | Vervoer

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Gesondheid: Advertensie vals

6 ure gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

16 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

16 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

16 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

16 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

16 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

16 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...