Hout-oeste ‘bevoordeel net enkeles’

‘Oesvlakke was onvolhoubaar’

04 October 2019 | Ministeries
Francoise Steynberg - Die minister van die omgewing en toerisme sê sy ministerie pak tans die oes van stadiggroeiende hardehoutbome vir oorsese uitvoere.

“Hierdie aktiwiteite bevoordeel slegs enkele individue hier en in die buiteland ten koste van die breër ekonomie en die omgewing,” het mnr. Pohamba Shifeta Woensdag by die konferensie oor volhoubare hulpbronnebestuur en die ontsluiting van die land se bioëkonomiese potensiaal in Namibië gesê.

Die Hanns Seidel-stigting het die konferensie in die hoofstad aangebied.



“Namibië is nie soos ander tropiese reënwoudlande waar kommersiële hout op groot skaal geoes kan word nie. Die oesvlakke wat ons die afgelope paar jaar gesien het, was inherent onvolhoubaar. Daarom moet ons sorg dat hierdie aktiwiteite noukeurig beheer en gereguleer word,” het Shifeta gesê.

“Dit is veral belangrik dat ons nie ons natuurlike hulpbronne vir korttermynwinste misbruik, die toekoms ignoreer en sodoende die toekoms vir volgende geslagte opoffer nie. Ons toekomsgeslagte sal ons nie vergewe nie, want ons boshabitatte sal verdwyn,” sê die minister.

Shifeta sê ekostelsels bevorder Namibië se ekonomie en inwoners se welstand.

Sowat 70% van die bevolking is direk hiervan afhanklik vir hul lewensbestaan.

Hy sê volgens onlangse studies put Namibiërs ekonomiese voordeel uit biodiversiteit.

“Na raming is sowat N$13 miljard se inkomste jaarliks van biodiversiteit afkomstig, waarvan 40% toerisme behels.”

Shifeta het benadruk sy ministerie word deur die Grondwet en ander wette gereguleer.

“En ons volg dit sonder vrees, voorkeur of vooroordeel.”



KWOTAS, PERMITTE

Die minister doen ’n beroep op elke landsburger om maatreëls te gehoorsaam en te respekteer om die volhoubare gebruik van natuurlike hulpbronne soos wildlewe, seelewe en hout te verseker.

“Laat ons voldoen aan die maatreëls soos kwotas en permitte en verantwoordbaar wees. Die omgewing behoort aan ons almal; almal moet voordeel daaruit trek; almal moet dit beskerm en die belangrikste – dit aan ons toekomstige geslagte nalaat.”

Shifeta het verduidelik die regering het benaderings ontwikkel om regte en verantwoordelikhede van gemeenskappe uit te stip wat die bewaring en volhoubare gebruik van natuurlike hulpbronne betref.

Dít is in die Gemeenskapsgebaseerde Natuurlike Hulpbronnebestuursprogram (CBNRM) vervat.

Hy meen die CBNRM-program voorsien ’n wetsraamwerk om gemeenskappe in wildbewaring en die gebruik van wouldhulpbronne te bemagtig en dien ook as aansporing vir volhoubare ontwikkeling en om met fauna en flaura saam te leef.

“Gemeenskapswoude het van die belangrikste ekostelseldienste geword, veral in die noordooste van die land. Dit is veral van belang vir gemeenskappe in landelike gebiede waar hulle min of geen grond, energie of inkomste het en daagliks met armoede worstel,” het Shifeta gesê.

Volgens hom is daar ’n natuurlike skakel tussen woude en die landelike bevolking, want woudhulpbronne kan boumateriaal, energie, handvlytmateriaal en werksgeleenthede skep.

“Dié hulpbronne is herwinbaar sodra dit volhoubaar gebruik word.”

[email protected]

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

2 ure gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

18 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

18 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

18 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

18 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

18 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...