Houe val op Meidag
'n Kwaadwillige gebrek aan ondersteuning ondermyn volgens visepresident Nangolo Mbumba die Geingob-regering se beleid om voorspoed vir almal te verseker.
Hoofredaksie
Nasionale Werkersdagvieringe was gister op Khorixas 'n dag van houe uitdeel.
Swapo se verdeelde vakbondbeweging het saam met ander ondermyners van die regeringsagenda verbygekom oor hul gebrek aan ondersteuning vir regeringsbeleid.
Hierdie stilte van die arbeidsbeweging, kerke, tradisionele leiers en groepe wat die jeug, ou mense en vroue verteenwoordig, is volgens visepresident Nangolo Mbumba veelseggend.
Sy toespraak is deur die minister van landbou, bosbou en water, mnr. Alpheus !Naruseb, voorgelees.
Mbumba het 'n striemende aanval op politieke opportuniste gemaak wat onder die dekmantel van vryheid van spraak met “sekere” mediahuise heul en sosiale media gebruik maak om pres. Hage Geingob “chronies” in “baie donker kleure” te verf. Só word aandag volgens die visepresident van die ekonomiese vryheidstryd afgelei.
Daagliks en weekliks word die karakter en integriteit van Geingob, die regering en Swapo volgens Mbumba bespot en belaster. Dit geskied deur ou koeie uit die sloot te grawe en vals nuus te versprei om haat en ontevredenheid onder Namibiërs te saai.
Dié storielyn kan nie geïgnoreer, verdra of onderskat word nie en moet volgens Mbumba trompop aangedurf word. Dit kan slegs stopgesit word as almal herenig om die Namibiese Huis se kernwaardes van eenheid, vrede, stabiliteit en inklusiwiteit te verdedig.
Volgens Mbumba is mense vir 106 jaar onderdruk, maar die stryd vir ekonomiese bevryding is nog net 28 jaar oud. “Verskanste armoede, ongelykheid, verstandelike slawerny, oningeligtheid, stam- en rassegebonde indoktrinasie en al die gepaardgaande sosioëkonomiese euwels” voer volgens die visepresident steeds hoogty.
Misdaad en korrupsie is volgens Mbumba nie die antwoord nie.
“Maar,” het hy aangevoer, “post-onafhanklikheidskorrupsie is simptomaties van mense wie se ekonomiese geboortereg ontken is deur die pre-onafhanklikheidskorrupsie wat die koloniale, grootskaalse diefstal van die grond, vee en minerale van ons mense behels het, en die daaropvolgende wettige vryspreking van skuld wat aan die gesteelde goedere die status van private eiendom gegee het.”
Hierdie geskiedkundige korrupsie is volgens Mbumba die oorsaak van voortgesette, diepgewortelde armoede en die skaarste aan behuising, klaskamers, hospitale, nywerhede, en vaardighede, asook grondloosheid en ander euwels. Die “huidige, vrugtelose diskoers” om al die skuld vir wat nog nie vermag is nie op die regering te hoop, ontken volgens die adjunkpresident die verlede.
Emosie, randvraagstukke, verdelende houdings, “kleingeestige” voorkeure en vyandigheid tussen stamme en rasse, die voortgesette verskuiwing van blaam en beskuldigings sal volgens Mbumba nie ekonomiese bevryding teweeg bring nie.
Hy het voorgestel kundiges moet nuwe vorm aan die stryd vir ekonomiese bevryding gee en dit met 'n eg Namibiese of Afrika-naam bevorder.
Nasionale Werkersdagvieringe was gister op Khorixas 'n dag van houe uitdeel.
Swapo se verdeelde vakbondbeweging het saam met ander ondermyners van die regeringsagenda verbygekom oor hul gebrek aan ondersteuning vir regeringsbeleid.
Hierdie stilte van die arbeidsbeweging, kerke, tradisionele leiers en groepe wat die jeug, ou mense en vroue verteenwoordig, is volgens visepresident Nangolo Mbumba veelseggend.
Sy toespraak is deur die minister van landbou, bosbou en water, mnr. Alpheus !Naruseb, voorgelees.
Mbumba het 'n striemende aanval op politieke opportuniste gemaak wat onder die dekmantel van vryheid van spraak met “sekere” mediahuise heul en sosiale media gebruik maak om pres. Hage Geingob “chronies” in “baie donker kleure” te verf. Só word aandag volgens die visepresident van die ekonomiese vryheidstryd afgelei.
Daagliks en weekliks word die karakter en integriteit van Geingob, die regering en Swapo volgens Mbumba bespot en belaster. Dit geskied deur ou koeie uit die sloot te grawe en vals nuus te versprei om haat en ontevredenheid onder Namibiërs te saai.
Dié storielyn kan nie geïgnoreer, verdra of onderskat word nie en moet volgens Mbumba trompop aangedurf word. Dit kan slegs stopgesit word as almal herenig om die Namibiese Huis se kernwaardes van eenheid, vrede, stabiliteit en inklusiwiteit te verdedig.
Volgens Mbumba is mense vir 106 jaar onderdruk, maar die stryd vir ekonomiese bevryding is nog net 28 jaar oud. “Verskanste armoede, ongelykheid, verstandelike slawerny, oningeligtheid, stam- en rassegebonde indoktrinasie en al die gepaardgaande sosioëkonomiese euwels” voer volgens die visepresident steeds hoogty.
Misdaad en korrupsie is volgens Mbumba nie die antwoord nie.
“Maar,” het hy aangevoer, “post-onafhanklikheidskorrupsie is simptomaties van mense wie se ekonomiese geboortereg ontken is deur die pre-onafhanklikheidskorrupsie wat die koloniale, grootskaalse diefstal van die grond, vee en minerale van ons mense behels het, en die daaropvolgende wettige vryspreking van skuld wat aan die gesteelde goedere die status van private eiendom gegee het.”
Hierdie geskiedkundige korrupsie is volgens Mbumba die oorsaak van voortgesette, diepgewortelde armoede en die skaarste aan behuising, klaskamers, hospitale, nywerhede, en vaardighede, asook grondloosheid en ander euwels. Die “huidige, vrugtelose diskoers” om al die skuld vir wat nog nie vermag is nie op die regering te hoop, ontken volgens die adjunkpresident die verlede.
Emosie, randvraagstukke, verdelende houdings, “kleingeestige” voorkeure en vyandigheid tussen stamme en rasse, die voortgesette verskuiwing van blaam en beskuldigings sal volgens Mbumba nie ekonomiese bevryding teweeg bring nie.
Hy het voorgestel kundiges moet nuwe vorm aan die stryd vir ekonomiese bevryding gee en dit met 'n eg Namibiese of Afrika-naam bevorder.
Kommentaar
Republikein
Geen kommentaar is op hierdie artikel gelaat nie