Hou op arms vou, sê Sioka

Roudrag vir Avihe

13 September 2018 | Ministeries
Denver Kisting – Die regering én die publiek moet ophou arms vou en iets daadwerkliks aan die lot van vroue en kinders in die land begin doen.

Die geweld waarmee klein Avihe Cheryl Ujaha (9) vermoor is, bring ongekende vlakke van pyn mee.

As gevolg hiervan is die beskerming van kinders ’n belangrike maar gedeelde verantwoordelikheid.

Só het me. Doreen Sioka, die minister van geslagsgelykheid en kinderwelsyn, die afgelope week in die Nasionale Vergadering (NV) gesê.

Sy sê sy sukkel om die moord op ’n onskuldige kind, van wie sommige liggaamsdele steeds vermis word, te verstaan.

Volgens Sioka wonder ’n mens of mensehandel of ’n rituele moord hier ter sprake is.

“Ek wens ek het ’n antwoord gehad. Om dood te maak vir liggaamsdele is ’n ernstige kwessie, wat nie verdien om onder die mat ingevee te word nie. As die regering en mense in die algemeen aanhou ontspan en hul arms vou, gaan dié sindikaat versterk. Daarom moet almal van ons onmiddellik optree.”

Sou die moordenaar ore hê, vra sy hulle om hulself aan die polisie oor te gee, het sy Dinsdagmiddag gepleit toe die NV ná sy twee maande lange reses hervat het.

“Wees dapper genoeg; die nasie wag,” het sy gesê.

Vroue-LP’s het swart gedra om hul steun toe te sê aan pogings om geslagsgegronde geweld in die land te bekamp.

Sioka het voorts benadruk álmal, insluitend kinders, moet uiters waaksaam wees en verdagte optrede aanmeld.

Ouers moet te alle tye weet waar hul kinders is sodat hul veiligheid gewaarborg kan wees, sê sy.

Volgens Sioka is die geweldenaars onder wie kinders deurloop dikwels iemand wat hulle ken. “Die mense wat dié misdade pleeg, woon onder ons; hulle is ons kinders, neefs en niggies, ooms en tannies en pa’s en ma’s, maar ons bly stil terwyl ons hul dade moet veroordeel.”

Prof. Peter Katjavivi, speaker van die NV, het gesê die land steier steeds onder die skok van Avihe se grumoord.

Hoofinsp. Kauna Shikwambi, ’n polisiewoordvoerder, het gister gesê die soektog na Avihe se moordenaar(s) duur voort.

Die verhoogde beloning van N$100 000 kon nog geen noemenswaardige leidrade oplewer nie.

Enigiemand met inligting wat tot die inhegtenisneming en uiteindelike vervolging van die moordenaar(s) sal lei, word steeds versoek om met adj.komm. Abner Agas, die koördineerder van misdaadondersoeke in die Khomasstreek, by 081 124 2649 in verbinding te tree.

Soortgelyk

 

NSFAF sluit ooreenkoms met Bank Windhoek

1 dag gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

1 dag gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

1 dag gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

2 dae gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

2 dae gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

2 dae gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

2 dae gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

2 dae gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

2 dae gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...