Hou kop, let op

28 February 2018 | Rubrieke
Augetto Graig - In 'n tyd van groot verandering op die wêreldtoneel is dit van kardinale belang om kop te hou en nie sommer van koers te verander nie.

Ten spyte van nuwe leierskap in verskeie openbare poste, poer-poer die wêreld steeds voort, en waarskynlik in baie dieselfde rigting as vantevore.

Ek sien nie hoop vir die mensdom in die leiers wat tans posisies beklee nie, terwyl die vertroue in als wat mens eens as waarheid sou beskryf, dag na dag al minder word.

Die wêreld se dinge was nog altyd, en beslis tans, effe misleidend.

Mens moet eerder baie nader aan jouself kyk om te sien wat eintlik aangaan.

Oplossings lê wel in die onmiddellike omgewing, wat maklik misgekyk word.

Ek sê nie mens moenie meer byhou by als wat in die wêreld aangaan nie, maar ek dink die beste kans wat ons het om die wêreld se dinge te verander, is om by ons onmiddellike omgewing te begin.

'n Bekende sanger het gesê “kyk in die spieël en maak daar 'n verandering”.

Die verantwoordelikheid wat elke mens vir hul eie omstandighede moet neem, is 'n swaar las.

Gepaard daarmee gaan die besef dat jy self verkeerde dinge in die samelewing toelaat.

Daar is meer as genoeg ongeregtigheid om ons om die gewig van so 'n insig ondraaglik te laat voel.

Maar dit is tóg moontlik en, om die waarheid te sê, is die alternatief nog erger weens die verlies aan die vermoë om die lewe se pragtige oomblikke raak te sien.

Daar is so baie wat mooi is in die lewe, en daarvoor is jy persoonlik ook net so verantwoordelik.

Die lewe wat jy lei is jou eie, en niemand anders is so belangrik soos jy in die bepaling van wat jou werklikheid is nie.

Daar word ook gesê saam met groot mag kom groot verantwoordelikheid.

Dit is hierdie verantwoordelikheid waaraan ek almal wil herinner. Onthou ook die wêreld om jou is nie beperk tot jou eie kamer nie, ook nie tot jou huis of jou woonbuurt, jou dorp of jou land nie.

Waar jy ook al gaan, is daardie plek deel van jou wêreld. Enige plek wat jy sien, enige plek waarvan jy weet, is deel van jou eie ervaring. Jy is daarvoor ook verantwoordelik.

Waarom mens naby moet kyk, is omdat die onmiddellike omgewing baie makliker is om te beïnvloed.

Die gevolge van enige aksie is vinniger waarneembaar.

Mens sien gouer die impak wat ons op ons wêreld het.

Byvoorbeeld: Jy stap by jou hek uit en sien 'n plastieksak vol vullis op die sypaadjie lê.

Jy buk af en tel die sak op, stap na die drom en gooi dit daarin.

Soos jy omdraai en terugkyk, is daar 'n onmiddellike verandering aan die voorkoms van die straat voor jou huis. Dit lyk mooier, skoner en beter as tevore.

Daar is ook minder sigbare gevolge van jou daad.

Hoe die straat se voorkoms ander mense raak, kan jy nie voorspel nie. Hoe dit hul gedrag in jou straat beïnvloed, is nie seker nie.

Nogtans kan enigiemand getuig van die gevoel wat mens kry as jy by 'n skoon en netjiese plek instap. Waar daar aandag geskenk is aan die omgewing, word ook vrede geskep.

Gee aandag aan die mense om jou. Luister wanneer hulle praat en hoor wat hulle sê. Dink eers en doen dan.

Jy kan, jy moet kophou en aandag skenk.

Soortgelyk

 

Elfjarige byna ontvoer

1 dag gelede | Misdaad

Henriette Lamprecht – ‘n Elfjarige laerskoolmeisie is Woensdag helder oordag voor haar huis byna deur ‘n groep mense in ‘n motor gedwing en ontvoer. ‘n...

Tendertafel net vir buitelanders gedek

1 dag gelede | Infrastruktuur

Ronelle Rademeyer - Die voorwaardes waaraan kontrakteurs moet voldoen om in aanmerking te kom vir twee reuse-konstruksietenders van byna N$4 miljard, is van só ’n...

Storm los by Unam-eksamen

1 dag gelede | Onderwys

Denver Kisting - Die Universiteit van Namibië (Unam) het teen gistermiddag steeds skouers opgetrek oor ’n eksamen wat eergisteraand skeefgeloop het.Nagraadse regstudente verbonde aan die...

Kalender 21 September

1 dag gelede | Kuns en vermaak

Nou aan die gang» Erfenisweek 2018 is goed op dreef by die Franko-Namibiese Kultuursentrum (FNCC) . Namibië se belangrikste erfenisinstellings het saamgespan om dié...

’n Mannekoor en wyn vir die pyn

1 dag gelede | Kuns en vermaak

Die Windhoeker Männerchor (WMC) en ‘n uitgesoekte groep musikante nooi die publiek na die Wynfees/Winzerfest uit. Dít vind op 6 Oktober by die SKW...

Vanjaar reeds 29 renosters in Namibië gestroop

1 dag gelede | Omgewing

Francoise SteynbergAltesaam 21 swart- en agt witrenosters is al vanjaar in Namibië vir hul horings afgemaai.Uit dié 21 swartrenosters is 13 in die Etosha Nasionale...

Gif in waterkrip dalk stropers se werk

1 dag gelede | Misdaad

Henriette Lamprecht Watermonsters van 'n krip in 'n munisipale kamp wes van Omaruru is vir ontleding na 'n private laboratorium gestuur om te bepaal...

Breek die mure af

1 dag gelede | Kuns en vermaak

Yolanda Nel – Indien die klank van kabaret, Evita of die Rocky Horror Picture Show jou aandag trek, moet jy môre geen planne maak nie.Shades...

Die Kontrak is hier!

1 dag gelede | Kuns en vermaak

Die groot oomblik is uiteindelik hier: VIA (DStv, kanaal 147) en Coleske Artists se splinternuwe TV-reeks, Die Kontrak, waarin die volgende groot Afrikaanse kunstenaar gekroon...