Hou goedkoop vakansie in Suidoos-Asië

Duurste bestemmings in Europa, Amerika

14 January 2019 | Internasionaal
William Horne - Johannesburg en Kaapstad is vanjaar in die goedkoopste helfte van die voorste 100 internasionale vakansiebestemmings.

Die Britse maatskappy Hoppa stel jaarliks ’n verslag op waarin die wêreld se duurste en goedkoopste vakansiebestemmings vergelyk word in pondwaarde op grond van die koste van verblyf, vervoer, kos, drank en vermaak per persoon.

New York is vir die tweede agtereenvolgende jaar heel boaan die lys met ’n gemiddelde koste van R6 681 per persoon per dag. Dit is sowat R522 meer as die vorige jaar.

Teen net sowat R1 300 per dag is Manila in die Filippyne steeds ’n wenbestemming vergeleke met die meeste ander vakansiebestemmings. Maar ook dié plek se koste is sowat R173 per dag duurder as die vorige jaar.

Die vorige jaar was Kiëf in die Oekraïne die goedkoopste vakansiebestemming.

JOHANNESBURG EN KAAPSTAD

In Suid-Afrika het Johannesburg die 76de plek verwerf op die lys (sowat R2 000 per dag), terwyl Kaapstad heelwat duurder ingedeel is op posisie 54 (sowat R2 600 per dag).

Kaapstad het wel op agt na die goedkoopste koppies koffie, bottels wyn en skemerkelkies uit die 100 lande op die lys.

Die goedkoopste bestemmings is hoofsaaklik gesentreer in Suidoos-Asië waar ’n mens vir ’n appel en ’n ei ’n weelderige vakansies kan hou. Wat verblyf betref, is nege uit die tien heel goedkoopste stede almal in dié streek, met net Turkye se Antalya wat ook dié ranglys betree in die tiende plek.

Die duurste bestemmings is almal in Europa en Amerika en jy sal gemiddeld sowat R5 247 per dag moet opdok vir elke persoon wat saam gaan.

RESTAURANTPRYSE

SA se gemiddelde restaurantpryse teenoor dié van die duurste bestemmings

Bottels wyn:

· Kaapstad (9de goedkoopste) – R84

· Dubai (duurste) – R472

Koppies koffie:

· Kaapstad (9de goedkoopste) – R26

· Abu Dhabi (duurste) – R92

Skemerkelkies:

· Johannesburg (6de goedkoopste) – R62

Ibiza (duurste) – R273

– Netwerk24

Soortgelyk

 

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

1 dag gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

1 dag gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...

Minister gee Nida nuwe raad

2 dae gelede | Plaaslik

Ogone Tlhage – Die raad van die nuwe agentskap vir nywerheidsontwikkeling in Namibië (Nida) sal gereeld moet vergader om homself as semi-staatsinstelling te vestig. So...