Hondeienaar moontlik vervolg

Wag op kerkperseel doodgebyt

04 September 2018 | Misdaad
Denver Kisting - 'n Minderjarige kind was eerste op die toneel waar 'n Amerikaanse­ vegbulterriër 'n man op 'n kerkperseel doodgebyt het.

Dié reun, Scoobie, is intussen deur die stadspolisie van kant gemaak, het konstabel Fabian Amukwelele, 'n woordvoerder, gistermiddag gesê.

Republikein verneem 'n klag van strafbare manslag is teen die eienaar van die hond by die Otjomuise-­polisiekantoor aanhangig gemaak.

Dié man, mnr. Moses Nyjamba, het gister by navraag die voorval bevestig.

Toe die koerant gistermiddag die perseel van die Shalom Centre besoek, het 'n somber atmosfeer oor die werf gehang.

Personeellede was steeds in skok en wou nie veel oor die voorval sê nie.

Amukwelele het gister beweer die hond was ondervoed terwyl 'n werknemer gesê het die hond was dikwels moeilik en het glo vantevore ander honde doodgebyt.

Die heining rondom Nyjamba se huis lê plat op die grond.

Volgens Amukwele voer Nyjamba aan dié skade is deur 'n voertuig ­aangerig. Hy het beplan om die heining te herstel, het Nyjamba glo gesê.

Die kind het vroeg verlede Donderdag op die lyk van die veiligheidswag op die perseel van die sentrum, waar kerkkampe dikwels gehou word, aan die buitewyke van Windhoek afgekom.

Die kind was deel van 'n skoolgroep wat vir 'n week op die perseel gekampeer het.

Volgens die polisie was die oor­ledene, mnr. Thomas Mwndjendavi, tussen 40 en 50 jaar oud. Sy lyk is omstreeks 06:00 ontdek.

Volgens inspekteur Pendukeni Haikali van die Namibiese polisie se skakel­afdeling het die tou waaraan die hond vasgemaak was, glo op 'n onverklaar­bare manier gebreek.

Volgens die woordvoerder is twee ander gemeentelede ook deur die hond gebyt. Een van dié twee mense is na verneem word ernstig beseer.

Nyjamba het gister ontken dat hy nalatig was. Volgens hom het hy die oggend van die voorval besef die hond het tou en al losgebreek van die draad waaraan hy vas was. “Ek is tans baie emosioneel oor die storie.”

Intussen sê Amukwelele twee ander mense is Saterdag in Grysblok in Windhoek ook deur 'n Amerikaanse veghond gebyt.

Dié hond is teen gister nog nie van kant gemaak nie, het hy gesê.

Siviele gevolge

Dr. Tapiwa Warikandwa, 'n senior regsdosent verbonde aan die Universiteit van Namibië (Unam), het gister gesê 'n siviele eis is ook nie uitgesluit nie.

Ingevolge deliktereg is dit 'n siviele oortreding wanneer iemand, nalatig of bewustelik, nie 'n plig nakom om skade of beserings te verhoed nie, sê hy.

In gevalle waar diere betrokke is, is eie­naars aanspreeklik vir die skade wat hulle diere veroorsaak, sê Warikandwa. “Dus het 'n persoon, wat in beheer is van 'n moontlik gevaarlike voorwerp of dier, die plig om te verhoed dat iemand anders skade ly. Daarom sal 'n hondeienaar aanspreeklik wees as die hond iemand beseer omdat sodanige eienaar nie redelike stappe gedoen het om die dier te beheer nie. Die eienaar kan regtens verantwoordelik gehou word vir die besering of die gevolglike dood wat spruit uit die skade wat die hond aanrig.”

Volgens Warikandwa moet die beseerde persoon onder meer bewys dat die eienaar 'n verantwoordelikheid gehad het om redelike stappe te doen om die hond se gedrag te beheer en nalatig was wat daardie plig betref.

Hiernaas moet die beseerde persoon ook bewys dat die beserings die gevolg van die eienaar se nalatigheid was.

Soortgelyk

 

Hepatitis E woed landswyd voort

1 dag gelede | Ministeries

Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4...

Nuwe plan teen misdaad onthul

1 dag gelede | Misdaad

Denver KistingRooftogte, veral gewapende rooftogte, het in die afgelope ses jaar met 44% die hoogte in geskiet.Dié syfer is vervat in misdaadstatistieke van die afgelope...

Hittegolf rý Namibië

1 dag gelede | Weer

Ondangwa is vandag die heel warmste plek met ‘n verwagte maksimum temperatuur van 41°C. Boonop word geen verligting van snikhete temperature hierdie naweek verwag nie....

SOE’s: Direksies moet vir mislukkings pa staan

1 dag gelede | Ministeries

Ronelle Rademeyer - Voor staatsondernemings (SOE’s) nie prestasiegedrewe volgens goeie korporatiewe beginsels bestuur word nie, sal die ekonomie nie beter vaar nie.Daarom sal die vergoeding...

Weer, Vrydag 16 November 2018

1 dag gelede | Weer

BINNELAND: Sonnig en bloedig warm in die Suide. Elders sal dit gedeeltelik bewolk en bloedig wees. Enkele donerbuie word in Otjozondjupa, Khomas en Omaheke verwag.KUS:...

Kalender 16 November

1 dag gelede | Kuns en vermaak

Nou aan die gang» Die Nasionale Kunsgalery van Namibië (NAGN) bied met trots die 2018 Unam Visuele Kunste-uitstalling aan, wat tans in die hoofgalery van...

Die misterie van poësie

1 dag gelede | Kuns en vermaak

Lloyd Zandberg Terwyl die meerderheid van die mensdom soggens teen die wekker stoei, kinders vir skool aantrek, die hewige verkeer aandurf en uiteindelik laat vir...

Ons is nie teen gays, sê Sioka

1 dag gelede | Ministeries

Denver Kisting – Die minister van geslagsgelykheid en kinderwelsyn, me. Doreen Sioka, sê die regering het niks teen gay mense nie.Sý veral diskrimineer nie teen...

Mense oor miltsiekte gewaarsku ná 2 uitbrekings

1 dag gelede | Gesondheid

Ronelle Rademeyer - ’n Bewegingsverbod vir diere is by Sesfontein en die Bwabwata Nasionale Park ingestel nadat uitbrekings van miltsiekte op 1 November in dié...