Honda-ryers wys pas wie's baas

13 September 2017 | Gebeure
Ronelle Rademeyer - Die 22 motorfietsryers wat aan die 2017 Honda Quest-avontuurren in die noordweste van die land deelneem, het al die uitdagings tot dusver sonder teëspoed en ongevalle aangepak.

Hulle het op dag ses die moordende Van Zylspas baasgeraak en Maandag (dag sewe) die dik sand in die droë loop van die Khumibrivier met temperature van hoog in die 30 grade Celsius oorleef.

Die 12 dae lange avontuurren strek oor 2 500 km.

Ná sewe dae in die saal span die groep ryers nou vir twee dae by Puros in Kaokoland uit waar hulle wasgoed kan was en noodsaaklike instandhoudingswerk aan hul Honda CRF 1000 L Africa Twin-motorfietse doen, sê Jaco Kirsten, Honda se mediabestuurder vir gespesialiseerde avonture.

Hy sê Van Zylspas is nie eintlik ‘n pad nie, maar meer net ‘n roete wat deur die legendariese Ben van Zyl en sy span in 1965 oor die Otjihipaberge geskep is.

“Die Honda Quest het reggekry wat min ander kon doen: hulle het nie net die berugte Van Zylspas oorwin nie, maar dit boonop sonder enige skade of beserings reggekry,” sê Kirsten.

Op dag sewe het hulle die ooptes van die Otjiha-vlaktes bereik waar sake voor die wind geloop het, maar toe bereik hulle die rivierbedding van die Khumibrivier. Hier het die dik sand en die hoë temperatuur sy tol geëis – soveel so dat die organiseerders die groep die keuse gee om, waar moontlik, op die kant van die rivier langs te ry, vertel Kirsten.

Soortgelyk

 

Theo Mujoro is nuwe hoof van verkiesings

16 ure gelede | Politiek

Mnr. Theophilus (Theo) Mujoro is vanaf 1 September vanjaar vir ‘n tydperk van vyf jaar aangestel as die nuwe hoof verkiesingsbeampte van die Verkiesingskommissie van...

Nuwe spoedkameras getoets

18 ure gelede | Infrastruktuur

Die Namibiese polisie se verkeersbeamptes toets van gister af die werking van nuwe spoedkameras op Namibië se hoofpaaie. Veral in die Erongo- en Otjozondjupastreek word...

Onderwys: ‘Gebruik wat julle het om fondse in te...

18 ure gelede | Onderwys

Die minister van onderwys, kuns en kultuur, me. Katrina Hanse-Himarwa het ’n beroep op skole gedoen om beskikbare middele te gebruik om fondse vir hul...

Otjomuru-kliniek aan regering oorhandig

18 ure gelede | Gesondheid

Die Otjomuru-kliniek naby die Otjomuru-nedersetting sowat 27 km oos van Okangwati in die Kunenestreek, is aan die regering oorhandig. Die konstruksie van die kliniek was...

Nuwe visekanselier vir Unam

19 ure gelede | Onderwys

Die Universiteit van Namibië (Unam) sal voorleggings deur die vier kandidate vir die universiteit se visekanselierspos regstreeks op YouTube, Twitter, Facebook en hul webwerf uitsaai.Die...

Windhoek se krane dalk oor twee seisoene leeg ...

1 dag gelede | Omgewing

Elvira Hattingh - Windhoek het genoeg water om twee reënseisoene te dek, indien dit bykomende waterbronne in die Noorde, asook die Windhoek-akwifer onvolhoubaar gebruik én...

Wag die Skedelkus op Harry en sy bruid?

1 dag gelede | Toerisme

Des Erasmus - Prins Harry-koors teister die gebied tussen Hentiesbaai en die monding van die Kunenerivier op die noordgrens en die ooreenstemmende leeu- en renosterwêreld...

Weer vir 22 Junie 2018

1 dag gelede | Weer

BINNELAND: Koud aanvanklik in die binneland. Dit sal gedeeltelik bewolk en warm tot baie warm oor die verre Noordooste en die Khomasstreek wees. Elders sal...

Fosfaat-debat begin oor

1 dag gelede | Omgewing

Augetto Graig - Die ontginning van fosfaat op Namibiese seebodem is vir eers van die baan af. Die minister van die omgewing en toerisme,...