Hof sal later sê of Shoprite bevel geminag het

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite Namibia en sy direksie.
Dit is ingedien nadat Shoprite gedurende die onlangse landswye staking ’n dringende aansoek gebring het om Nafau te dwing om die stakingreëls te gehoorsaam.
Die staking is sedertdien laat vaar nadat ’n skikkingsooreengekom bereik is en Shoprite het vanoggend (Dinsdag) sy aanvanklike aansoek teruggetrek.
Nafau dring egter aan Shoprite het die reëls oortree en dat die winkelgroep ’n hofbevel van 8 Januarie 2021 doelbewus ignoreer het. Hulle vra Shoprite en sy direkteure moet aan minagting skuldig bevind, beboet en gestraf word deur die regskoste te moet betaal.