Hof hoor oor nota ná moord

Polisie vind beskuldigde se nota

16 June 2017 | Howe
Jacqueline Louw



Met die aanvang van die verhoor van me. Anthea Arnold Dinsdag in die streekhof in Windhoek, het 'n voormalige kollega wat saam met haar by die Hotel Pension New Nouveau in Windhoek gewerk het, namens die staat getuig.

Me. Janey June Eyth het aan die hof vertel dat sy en Arnold vir ongeveer twee jaar saam by die Hotel Pension New Nouveau gewerk het. Sy het getuig dat sy die aand van 14 Mei 2011, toe mnr. Michael Breder, 'n ekskêrel van Arnold, doodgeskiet is, 'n oproep van Arnold ontvang het. Arnold wou Eyth se eksman se selfoonnommer hê.

Eyth het getuig dat sy die beskuldigde gevra het waarom sy die nommer wou hê en dat Arnold aan Eyth gesê het “sy is onseker is of sy Michael geskiet het, sy is nie seker nie”. Eyth het aan die hof vertel dat Arnold nie seker was of Breder lewend of dood was nie.

Eyth het aan die hof vertel haar eksman het aan haar bevestig dat hy wel met Arnold gepraat het en daarna saam met haar na die toneel van die skietvoorval gegaan het. Eyth het aangeneem dat Arnold haar eksman se nommer wou hê omdat hy 'n polisiebeampte was wat by die lykshuis gewerk het.

Onder kruisondervraging deur mnr. Mbanga Siyomunji, die beskuldigde se regsverteenwoordiger, kon Eyth geen kommentaar lewer oor of die oorledene die beskuldigde na sy huis genooi het vir 'n braai en wat daartydens gebeur het nie.

Mnr. Raymond Khoeseb, 'n speurder en ondersoekbeampte van die Namibiese polisiediens, het ook Dinsdag getuig. Volgens sy getuienis is hy op Sondagoggend 15 Mei 2011 na 'n perseel in Kelvinstraat in Windhoek ontbied. Die oorledene is agter die stuurwiel van 'n ou Mercedes Benz aangetref.

Khoeseb het verder getuig dat hulle die toneel van die skietery besoek het en 'n handgeskrewe nota op die tafel gevind het. Volgens Khoeseb was dit 'n nota waarin Arnold geskryf het dat die oorledene verantwoordelik was vir 'n mediese toestand waaraan sy ly.

Siyomunji het die hof meegedeel dat sy kliënt skuldig pleit. Die rede vir die lang tydperk wat verstryk het tussen die noodlottige skietvoorval en die begin van die verhoor is dat Arnold nie vir die verhoor op 9 Junie 2015 opgedaag het nie en haar borgtog teruggetrek is.

Arnold se regsverteenwoordiger het die hof meegedeel dat sy as gevolg van die emosionele trauma wat sy deurgemaak het na Zambië gevlug het. Sy is met haar terugkeer na Namibië weer in hegtenis geneem en is steeds in aanhouding.

Landdros Ileni Velikoshi het die verhoor tot 13 Julie uitgestel.

Siyomunji tree namens Arnold op en die staat word deur mnr. Erastus Hatutale verteenwoordig.

Soortgelyk

 

Nog ‘n bejaarde op Swakopmund vermoor

17 ure gelede | Misdaad

Die ligaam van ‘n 78-jarige man is vanoggend deur lede van die Namibiese polisie by sy huis op Swakopmund in die Vineta-woonbuurt gevind. Volgens hoofinsp....

Ongeluk buite Okahandja

19 ure gelede | Ongelukke

'n Bakkie met 'n sleepwa met beeste was vanoggend buite Okahandja in 'n ongeluk betrokke.Die ongeluk het sowat 10 km noord van Okahandja op die...

Toeriste se veiligheid van belang

21 ure gelede | Toerisme

Die minister van die omgewing en toerisme, mnr. Pohamba Shifeta, het vanoggend tydens 'n nuuskonferensie in die hoofstad aangekondig dat 'n spesiale polisie-eenheid vir toeristeveiligheid...

Tienjarige vir moord ondersoek

1 dag gelede | Misdaad

Die polisie in die Noorde ondersoek 'n saak van moord nadat 'n 10-jarige seun na bewering die bure se vierjarige seun versmoor het deur sand...

Bouwerk aan Neckartaldam gestaak

1 dag gelede | Ministeries

Ronelle RademeyerKonstruksiewerk aan die Neckartaldam buite Keetmanshoop is gister vir die tweede keer in vier maande gestaak aangesien die minister van landbou, water en bosbou...

Sonder stene word Uis 'n broodlose dorp

1 dag gelede | Plaaslik

Des ErasmusVir 'n geskatte 2 000 afhanklikes van die unieke steenbedryf op Uis gaan die brood van hul tafels verdwyn wanneer gedwonge isolasie Namclay se...

Weer, Vrydag 18 Augustus 2017

1 dag gelede | Weer

BINNELAND: Aanvanklik baie koud, maar andersins mooiweer en koud tot matig. In die Noorde sal dit warm tot baie warm wees.KUS: Sonnig en warm in...

Omaruru pure perd met tentedorp

1 dag gelede | Kuns en vermaak

Des ErasmusKamp Runnik noem die ­organiseerders van Omaruru se Kunsroete die tente­kommune waarmee behuisingsnood in die dorp se hoogtepunt van die jaar aangespreek gaan word....

Chinese beskuldigde in miljarde se bedrogsaak verbeur borggeld

1 dag gelede | Howe

Jacqueline Louw – Een van die sewe Chinese burgers wat saam met ’n Walvisbaaise sakeman tereg staan op klagte wat verband hou met ’n N$3,5...