Húlle kan gr. 10 herhaal

11 January 2017 | Onderwys
Tanja Bause



Die ministerie van onderwys, kuns en kultuur sal toelaat dat sekere kandidate wat die Junior Sekondêre Sertifikaat (JSC)-eksamen nie geslaag het nie, dit kan herhaal.

Sowat 2 430 kandidate wat in 2016 die graad 10-eksamen geskryf het en wat 17 jaar en jonger is, mag die eksamen in 2017 herhaal. In 2015 het 3 432 kandidate nie geslaag nie en dié eksamen in 2016 herhaal.

Hiervan het 2 258 geslaag en kan vanjaar met graad 11 voortgaan.

“Die ministerie wil leerlinge in kennis stel dat alle kandidate wat nie na graad 11 oorgeplaas word nie en wat 17 jaar of jonger is, op die eerste dag van die nuwe skooljaar toegelaat sal word om graad 10 te herhaal,” lui die verklaring.

Die leerlinge kan graad 10 by hul voormalige skole herhaal, hoewel dit nie 'n vereiste is nie. Hulle kan dit ook by enige ander skool van hul keuse doen indien daar plek is.

Leerlinge kan ook by die Namibiese Kollege van Ope Onderrig (Namcol), of enige deeltydse onderwysinstelling wat by die ministerie geregistreer is, graad 10 herhaal.

Leerlinge wat ouer as 17 is, word aangemoedig om by Namcol of enige deeltydse onderwysinstelling wat by die ministerie geregistreer is, aansoek te doen om hul prestasie in een of meer vakke te verbeter.

Die ministerie raai voorts leerlinge aan om hard te werk om die vereiste resultate te behaal voor hulle 21 jaar oud is sodat hulle met graad 11 op 'n voltydse basis kan voortgaan.

Leerlinge wat reeds by Namcol geregistreer is en die minimum punte behaal het wat vereis word om na graad 11 oorgeplaas te word, maar wat ouer as 21 is, word aangeraai om by Namcol aan te bly tot hulle graad 12 slaag.

Leerlinge wat in 'n ambag belang stel, word aangeraai om by enige ambagsopleidingsentrum (VTS) in die land aansoek te doen.

Ouers, voogde en leerlinge word daarop gewys dat 'n voltydse herhaling daartoe sal lei dat leerlinge die resultate verbeur wat hulle die vorige jaar in die JSC-eksamen behaal het.

Soortgelyk

 

Poef! En toe brand lorrie

9 ure gelede |

Ronelle Rademeyer - Dié vragmotor het gister (Donderdag) omstreeks 12:00 op die pad tussen Keetmanshoop en Bethanie aan die brand geslaan.Die bestuurder het op die...

Jong rekrute voltooi militêre opleiding

11 ure gelede | Ministeries

Augetto Graig - Die 15de groep studente wat militêre opleiding by die Osona Basis buite Okahandja ontvang het, het vanoggend (Vrydag) tydens 'n parade daar...

Susanna Hoff gevonnis

12 ure gelede | Howe

Jacqueline Louw - Die Windhoekse sakevrou Susanne Hoff wat op 23 Februarie skuldig bevind is aan poging tot moord op haar vermeende man, Egbert Hoff,...

Grootste Efundja nog op pad?

14 ure gelede | Omgewing

Die vloedtoestande in die noorde van die land is besig om “onrusbarende vlakke” te bereik en na verwagting sal groot waters vanaf Ondjiva die grens...

Psemas skuld N$500 miljoen

1 dag gelede | Gesondheid

Henriette Lamprecht – Die staat se mediese fonds, Psemas, se uitstaande skuld aan verskaffers van gesondheidsdienste in Namibië beloop reeds sowat N$500 miljoen. Dié bedrag...

Min tyd vir verandering

1 dag gelede | Ministeries

Estelle de Bruyn - Dit lyk of Namibiërs vanjaar steeds winter- en somertyd gaan hê.Toe die wetsontwerp op Namibiese tyd gister in die Nasionale Vergadering...

Groente vrot ná reën

1 dag gelede | Landbou

Elvira Hattingh Die gebiede naby Tsumeb, Grootfontein en Hochveld het tot die helfte van die totale seisoenale reën net in Februarie ontvang, wat groot skade...

Ammoniak-lekkasie: drie werkers ontslaan

1 dag gelede |

Elvira Hattingh - Drie Meatco-werknemers is gisteroggend uit die Lady Pohamba-hospitaal ontslaan nadat ’n ammoniak-gaslekkasie Woensdag by die fabriek in Windhoek ontstaan het. Een werknemer...

Hof knip Baster-kaptein se vlerke

1 dag gelede | Howe

Catherine Sasman - Die hoërhof het beslis dat die Baster-kaptein, John McNab, en die Rehoboth Baster Gemeente (RBG) geen reg het om erwe in die...