Hittegolf bring groot skade
Walvisbaai, Langstrand, Swakopmund en Hentiesbaai het gesteier in die hewigste hittegolf wat selfs senior burgers ooit deurleef het.
Des Erasmus
'n Hoenderboer op 'n hoewe in die Swakopvallei, mnr. Sakkie Nolte, het groot skade gely toe hy in bloedige oosweertoestande Sondag en Maandag 450 van sy jong lêhenne verloor het.
Nóg hoenderboere van Hentiesbaai, Johan en Marleen Slabbert, het 600 henne verloor.
Walvisbaai, Langstrand, Swakopmund en Hentiesbaai het ook gesteier in die hewigste hittegolf wat selfs senior burgers ooit deurleef het.
Gister het effense koeler weer ingetree, maar selfs toe was die temperatuur omstreeks 10:00 reeds 31 grade Celsius. Die hoogste hittegraad van 50 grade Celsius is Maandag tussen Walvisbaai en Langstrand opgeteken, maar selfs toe is deur reisigers beweer dat Walvisbaai nóg warmer was. Hentiesbaai en die omliggende oorde is saam
met die hitte deur sandstorms geteister.
'n Effense verposing gaan vandag, môre en Saterdag intree met die onderskeie hoogste dagtemperature wat as 27 grade Celsius, 24 grade en 21 grade voorspel word. Vir Maandag en Dinsdag word 'n styging in dagtemperature weer voorspel.
Nolte het sy onmiddellike skade as gevolg van die hoendervrektes gister op N$45 000 gestel. Die aanrolskade kan veel groter wees met die produksie van sy boerdery wat eensklaps afgerem is.
Die eerste vrektes het Sondag voorgekom toe die kwik tot 48 grade Celsius gestyg het. Volgens hom is hoenders taamlik bestand teen hitte mits dit met wind gepaard gaan. Dié keer was dit oosweertoestande wat uit die suidooste gekom het sonder 'n wind wat die lug gesirkuleer het. Hy het tien jaar gelede soortgelyke toestande ervaar en toe 150 hoenderhenne verloor. 'n Boer laat hom nie onderkry nie en gister was 'n bestelling van 1 600 jong lêhenne reeds op pad vir sy boerdery.
Voorsorg wat deurlopend vergeefs getref is, was groot ysblokke wat op Swakopmund gekoop en in die hokke geplaas is. Die kunsmatige sirkulasie van lug in die hokke is deel van die aanpassings by die hokke.
In die hoenderboery van die Slabberts van Hentiesbaai is 'n deel van die probleem geskep deur 'n te lae druk in die watertoevoerstelsels van die munisipaliteit. Hoër as kniehoogte was daar nie druk in die pype nie. Die Slabberts het selfs van die vensters van die hokke uitgebreek om die hoenders te probeer red. Maar vergeefs. Hul skade word op sowat N$40 000 bereken met die aanrolskade as gevolg van produksieverliese wat veel groter kan wees. Soos in die geval van Swakopmund was 'n bestelling vir nog 2 000 lêhenne gister reeds op pad.
George Holl van 'n gewilde koffiekroeg op Hentiesbaai het aan Republikein gesê een van sy buurwinkels behoort aan Chinese. Al wat 'n waaier op die rakke was, is deur die Chinese sakeman verkoop. “Ek dink nie op Hentiesbaai is 'n enkele waaier nog op die rakke beskikbaar nie. Ek bly op Hentiesbaai se Suidduin en in 'n stadium was alles in die rigting van Jakkalsputz toe onder stofwolke. Ek bly al sedert 1990 op Hentiebaai en voorheen was ek op Oranjemund. So iets het nog nooit deurleef nie.”
Dit was ook sandstorms wat die Noordduin getref het.
Op Arandis in die middel van die Namib was die hoogste temperatuur sedert Sondag 48 grade Celsius. Dit is bekend dat die hittegraad in die nabygeleë oopgroef van die Rössingmyn gewoonlik aansienlik hoër is.
'n Hoenderboer op 'n hoewe in die Swakopvallei, mnr. Sakkie Nolte, het groot skade gely toe hy in bloedige oosweertoestande Sondag en Maandag 450 van sy jong lêhenne verloor het.
Nóg hoenderboere van Hentiesbaai, Johan en Marleen Slabbert, het 600 henne verloor.
Walvisbaai, Langstrand, Swakopmund en Hentiesbaai het ook gesteier in die hewigste hittegolf wat selfs senior burgers ooit deurleef het.
Gister het effense koeler weer ingetree, maar selfs toe was die temperatuur omstreeks 10:00 reeds 31 grade Celsius. Die hoogste hittegraad van 50 grade Celsius is Maandag tussen Walvisbaai en Langstrand opgeteken, maar selfs toe is deur reisigers beweer dat Walvisbaai nóg warmer was. Hentiesbaai en die omliggende oorde is saam
met die hitte deur sandstorms geteister.
'n Effense verposing gaan vandag, môre en Saterdag intree met die onderskeie hoogste dagtemperature wat as 27 grade Celsius, 24 grade en 21 grade voorspel word. Vir Maandag en Dinsdag word 'n styging in dagtemperature weer voorspel.
Nolte het sy onmiddellike skade as gevolg van die hoendervrektes gister op N$45 000 gestel. Die aanrolskade kan veel groter wees met die produksie van sy boerdery wat eensklaps afgerem is.
Die eerste vrektes het Sondag voorgekom toe die kwik tot 48 grade Celsius gestyg het. Volgens hom is hoenders taamlik bestand teen hitte mits dit met wind gepaard gaan. Dié keer was dit oosweertoestande wat uit die suidooste gekom het sonder 'n wind wat die lug gesirkuleer het. Hy het tien jaar gelede soortgelyke toestande ervaar en toe 150 hoenderhenne verloor. 'n Boer laat hom nie onderkry nie en gister was 'n bestelling van 1 600 jong lêhenne reeds op pad vir sy boerdery.
Voorsorg wat deurlopend vergeefs getref is, was groot ysblokke wat op Swakopmund gekoop en in die hokke geplaas is. Die kunsmatige sirkulasie van lug in die hokke is deel van die aanpassings by die hokke.
In die hoenderboery van die Slabberts van Hentiesbaai is 'n deel van die probleem geskep deur 'n te lae druk in die watertoevoerstelsels van die munisipaliteit. Hoër as kniehoogte was daar nie druk in die pype nie. Die Slabberts het selfs van die vensters van die hokke uitgebreek om die hoenders te probeer red. Maar vergeefs. Hul skade word op sowat N$40 000 bereken met die aanrolskade as gevolg van produksieverliese wat veel groter kan wees. Soos in die geval van Swakopmund was 'n bestelling vir nog 2 000 lêhenne gister reeds op pad.
George Holl van 'n gewilde koffiekroeg op Hentiesbaai het aan Republikein gesê een van sy buurwinkels behoort aan Chinese. Al wat 'n waaier op die rakke was, is deur die Chinese sakeman verkoop. “Ek dink nie op Hentiesbaai is 'n enkele waaier nog op die rakke beskikbaar nie. Ek bly op Hentiesbaai se Suidduin en in 'n stadium was alles in die rigting van Jakkalsputz toe onder stofwolke. Ek bly al sedert 1990 op Hentiebaai en voorheen was ek op Oranjemund. So iets het nog nooit deurleef nie.”
Dit was ook sandstorms wat die Noordduin getref het.
Op Arandis in die middel van die Namib was die hoogste temperatuur sedert Sondag 48 grade Celsius. Dit is bekend dat die hittegraad in die nabygeleë oopgroef van die Rössingmyn gewoonlik aansienlik hoër is.
Kommentaar
Republikein
Geen kommentaar is op hierdie artikel gelaat nie