Hingste maak Kerskouse propvol

06 December 2018 | Sport
Die Wanderers-sportklub het met sy geldinsamelingsprojekte vanjaar opnuut die harte van twee liefdadigheidsorganisasies, asook verskeie kontantwenners, bly gemaak en Saterdag vir ‘n splinternuwe miljoenêr met sy miljoendollartrekking gesorg.

Verlede week kon Wanderers deur middel van sy welwillendheidsfonds N$10 000 aan die Dierebeskermingsvereniging van Namibië (NSPCA), die Maerua-kinderhuis, die Save the Rhino-trust en die Namibiese Junior-gholfvereniging oorhandig.

Die geld is deel van die opbrengste van die Daantjie Louw-gholfdag in Oktober.

“Wanderers se benadering is om projekte van stapel te stuur wat die gemeenskap en sy lede betrek, en om die geld weer in die gemeenskap terug te ploeg. Ons jaarlikse welwillendheidsgholfdag is een van hierdie projekte en word elke jaar deur verskeie plaaslike besighede en individue ondersteun.

“Huis Maerua en die NSPCA doen almal fantasiese werk in die gemeenskap deur na diere en kinders om te sien en kinders ook te help ontwikkel.

“Hierdie is waardes wat Wanderers baie na aan die hart lê, en daarom het ons dit goedgedink om hulle hierdie jaar deur middel van die skenkings met hul aktiwiteite en projekte te ondersteun,” sê die klub in ’n verklaring.

Die ander projek is natuurlik die jaarlikse Million Dollar Draw, waarmee Wanderers oor meer as twee dekades al miljoenêrs van meer as 20 mense gemaak het.

Die klub wil benadruk dat hy deur suksesvolle projekte vanjaar weer eens aan die gemeenskap kon teruggegee.

Met 2018 se geluks-trekkings is prysgeld ter waarde van N$2 810 000 aan verskeie wenners uitbetaal.

Met die Hingste se laaste trekking die afgelope Saterdag, is prysgeld van N$1,6 miljoen gewen.

Dit sluit die groot prys van N$1 miljoen in.

“Met die huidige ekonomie maak bedrae soos dié wat terug in Namibië se mense geploeg word, ‘n groot verskil met kontantvloei wat weer in omloop kom. Al is dit op ‘n relatiewe klein skaal, dra Wanderers tóg tot die stimulering van die ekonomie by.

“Wanderers wil hiermee almal bedank wat die gholfdag en die Million Dollar Draw, asook al die ander projekte, netbal- en rugbywedstryde en toernooie deur die jaar ondersteun het. Sonder jul deelname en ondersteuning sou ons klub nie in ’n posisie gewees het om iets aan Namibië se mense terug te gee nie.

“Ter voorbereiding van ons eeufeesvieringe, wat vroeg in 2020 afskop, maak ons volgende jaar weer so. 'n Fantastiese eeufeespartytjie word reeds beplan en beloof om een groot makietie te wees. Dit is nie aldag dat ‘n sportklub in Namibië 100 jaar oud word nie.

“Wanderers sal van 21 Desember af gesluit wees en heropen weer op 3 Januarie. Die klubkantoor sal op 7 Januarie weer sy deure open. Ons wens almal ’n geseënde Kersfees en alles van die beste vir 2019 toe,” het die klub sy verklaring afgesluit.

Die volledige lys wenners van N$2 000 en N$1 000 is op Wanderers se Million Dollar Draw Facebook-blad beskikbaar. Mense kan ook die klubkantoor kontak om uit te vind of hulle wel ‘n prys gewen het.

Name van die grootste pryswenners

N$1 miljoen: kaartjie nr. 3194 (SLK), N$100 000: nr. 721 (Victor Rauwerda), N$100 000: nr. 1843 (Shawn Smith), N$50 000: nr. 290 (M.E. Angermund), N$50 000: nr. 2202 (3 X 69 + 1), N$10 000: nr. 312 (JP van Wyk), N$10 000: nr. 1507 (Barend Janse van Rensburg), N$10 000: nr. 1710 (Life is good), N$10 000: nr. 2673 (Willi), N$10 000: nr. 4232 (H. Radeck), N$5 000: nr. 251 (Denise Michaels), N$5 000: nr. 880 (A. Hayward), N$5 000: nr. 2104 (CDT), N$5 000: nr. 2343 (Brauhaus), N$5 000: nr. 2649 (Tongaat Hulett), N$5 000: nr. 2908 (Amos), N$ 5 000: nr. 3100 (SLAM), N$5 000: nr. 4214 (L. Bednarel), N$5 000: nr. 4422 (Pat Bandit), N$5 000: nr. 4458 (Bianca Gordon).

Soortgelyk

 

Diego Cão se klip kruis kom huis toe

5 ure gelede | Geskiedenis

Ronelle Rademeyer - Die oorspronklike klip kruis wat 533 jaar gelede deur die Portugese ontdekkings­reisiger, Diego Cão, by Kaap Kruis opgerig is, kom huis toe.Hy...

Namibiërs stem op 27 November

1 dag gelede | Politiek

Denver Kisting - Namibiërs gaan 27 November vanjaar stembus toe om 'n president en lede van die Nasionale Vergadering (NV) te kies.Dié aankondiging is vanoggend...

Toekenning vir Namibiese TV-vrou

1 dag gelede | Kuns en vermaak

Die oud-Walvisbaaier, Linda de Jager (foto), is op 10 Mei met ‘n ATKV-toekenning bekroon vir die reeks, “Daar’s ‘n Plek met Coenie” vir Via.Via is...

From teacher to humble CEO

1 dag gelede | Mense

Leandrea Louw Bisey Uirab, the former CEO of the Namibian Ports Authority (Namport), will be heading to the Namibia Airports Company (NAC) in the...

Ek het hoop vir Rehoboth, sê Ellen Pakkies

1 dag gelede | Mense

Denver Kisting op Rehoboth – Kort nadat sy die tou stywer om haar 21-jarige seun se nek getrek het, het sy by God om vergifnis...

Psigiater vir onprofessionele gedrag ondersoek

1 dag gelede | Howe

Henriette Lamprecht – ‘n Voorlopige ondersoekkomitee van die mediese en tandheelkundige raad het bevind ‘n klagte van onprofessionele gedrag teen ‘n bekende psigiater van Swakopmund...

Hard work makes the dream work

1 dag gelede | Mense

Mariselle Stofberg Zenneth Oosthuizen is a senior associate at PricewaterhouseCoopers (PwC) who enjoys adventure and new opportunities. “I would describe myself as a quiet and...

Writing your own story

1 dag gelede | Mense

Mariselle StofbergOctavia Tsibes was born and raised in Otjiwarongo. Her family has always been interested in writing, and this passion is evident in this humble...

Kalender 17 Mei

1 dag gelede | Kuns en vermaak

Nou aan die gang» Namibië se beste bluesgroep, Roadhouse Blues, tree vanaand by The Loft (by die Warehouse-teater) op. Die groep maak al jare musiek...