Hier’s Namibië se slimkoppe!

20 December 2018 | Onderwys
Octavia Tsibes en Tunohole Mungoba – Die toptien-graad 12’s op hoërvlak is gister bekend gemaak.

Hulle vertel hul suksesverhale en deel wenke aan ander leerlinge vir goeie prestasie.

1. Sharzaan Putter, Windhoek Gimnasium

Die slimste slimkop het N$2 000 ontvang vir die beste algehele prestasie in ses NSSCH-vakke.

Sharzaan Putter, van Windhoek Gimnasium, sê Kolossense 3:23 het haar in haar voorbereiding gehelp.

“Jy moet vroeg begin, ‘n studierooster opstel en daarby hou,” sê sy. “Jy moet verstaan wat jy studeer en genoeg slaap die aand voor ‘n eksamen kry. Die belangrikste is om jou krag in die Here te vind.”

2. Kyana Diehl, St. Paul’s College

Kyana Diehl, van St. Paul’s College, het N$1 200 ontvang as die meisie met die beste prestasie in ses vakke.

“Regdeur my skoolloopbaan was ek toegewyd en het ek gefokus gebly. As ek studeer, gebruik ek visualiseringstegnieke en toets myself,” het sy gesê.

“Jy moet regtig in die vakke belangstel wat jy studeer.”

3. Marko Kersten, Delta Sekondêre Skool, Windhoek

Marko Kersten, van Delta Sekondêre Skool, het as die seun met die beste prestasie in ses vakke N$1 200 ontvang.

“Maak die regte kopskuif. Balans is baie belangrik. Ek het die werk aan my vriende verduidelik, wat gehelp het om my werk te onthou en te verstaan,” sê hy. “Jou ingesteldheid is belangrik,” sê hy.

Marko se raad aan leerlinge is: “Probeer om alles te geniet, want die kanse is groot dat jy goed daarin gaan wees.”

4. Michael Olajide, St. Boniface College

Michael Olajide, van St. Boniface College, het N$1 200 ontvang as die seun met die beste prestasie in vyf vakke.

Sy sleutel tot sukses is harde werk en deursettingsvermoë. “Deelname in die klas is baie belangrik, en dit het my gehelp om uitdagende studiegebiede te verstaan,” sê hy. “Berei altyd vroeg vir die eksamen voor en studeer hard.”

5. Allen Shapi, St. Boniface College

Allen Shapi, van St. Boniface College, sê die jeug probeer kleiner suksesse oor groter belonings voorkeur gee.

“Die pad hierheen was nie maklik nie, maar harde werk word beloon. Ons het verskillende agtergronde, maar het een doel voor oë, en dit is om suksesvol te wees,” sê hy. Sy raad is om op jou eerste dag van graad 12 jou boeke reeds oop te slaan. “Moenie wag nie. Jy sal teleurstellings op die pad kry en jy sal val, maar moenie dat dit jou definieer nie.”

6. Danilo von Ludwiger, Windhoek Gimnasium

Danilo von Ludwiger, van Windhoek Gimnasium, sê “sit stil en werk hard; doen meer as wat van jou verwag word”.

“Van die begin van graad 11 af was ek gefokus, wat my werk minder stresvol in my finale jaar gemaak het.”

Danilo sê hy het ‘n uitstekende ondersteuningstelsel gehad, soos sy ouers wat hom baie gehelp het.

7. Johaue Berry, Windhoek Gimnasium

Johaue Berry, van Windhoek Gimnasium, het N$1 200 ontvang as die meisie met die beste prestasie in vyf vakke.

“Ek glo om suksesvol te wees, kan jy nie net werk wanneer dit van jou verwag word nie, maar ook wanneer niemand dit van jou verwag nie. Doen ekstra moeite met klein goedjies soos navorsing, huiswerk en klein toetse, wat goeie vrugte afwerp.”

Haar toekomsplanne is om volgende jaar met ’n LLB-graad aan die Universiteit Stellenbosch af te skop. Johaue se raad aan ander matrieks is: “Moet nooit jou eindeksamen met té hoë verwagtinge ingaan nie, want die emosionele gevolg daarvan is reusagtig. Werk hard en gee jou beste, maar moenie spesifieke eise aan jouself stel soos om onder die top-10 van die land te wees nie.”

8. Phillip Schommarz, Windhoek Gimnasium

Phillip Schommarz, van Windhoek Gimnasium, sê balans moet in alles gehandhaaf word. “Om balans tussen werk en speel te vind, was belangrik vir my. Ek kon my vrye tyd geniet en my skoolwerk steeds met gemak hanteer.”

Hy sê jy moet weet hoeveel jy moet insit om deur te kom.

9. Damien Schutz, St. Paul’s College

Teen druktyd kon Damien Schultz, van St. Paul’s College, nie vir kommentaar bereik word nie.

10. Adoltina Muremi, St. Boniface College

Teen druktyd kon Adoltina Muremi, van St. Boniface College, nie vir kommentaar bereik word nie.

Soortgelyk

 

Geingob: Gelukkig Vrouedag, vroue

1 dag gelede | Regering

President Hage Geingob sê hy erken die dapper pogings van vroue om beter gemeenskappe te skep en tot die voorspoed van die mensdom by te...

Verkrygingsraad presteer

2 dae gelede | Regering

Die Sentrale Verkrygingsraad van Namibië (CPBN) se raadsvoorsitter, mnr. Patrick Swartz, en administratiewe hoof, me. Lischen Ramakhutla, het vanoggend lig gewerp op uitdagings wat die...

Namibië topbestemming by ITB

2 dae gelede | Toerisme

Namibië is gisteraand as beste safari en wildbestemming by die Internasionale Toerismeskou in Berlyn (ITB) in Duitsland aangewys.Die minister van die omgewing en toerisme, mnr....

Wet slaan toe op wapenlisensies

2 dae gelede | Ministeries

Denver Kisting – Op die oomblik hoef iemand wat om ’n wapenlisensie aansoek doen, nie bewys te lewer dat hulle in staat is om ’n...

Reënweer vertoef langer

2 dae gelede | In beeld

Die Namibiese weerkantoor voorspel sonnige en baie warm weer vir vandag in die verre weste en suidweste van die land, terwyl dit elders gedeeltelik bewolk...

Water: Verligting ná hemelhoë rekeninge

2 dae gelede | Regering

Elvira Hattingh - Windhoekers wat vandeesmaand uitsonderlike hoë waterrekeninge ontvang het, kan ‘n sug van verligting slaak omdat die droogtetarief vir huishoudings net tot Januarie...

Kalender 8 Maart

2 dae gelede | Kuns en vermaak

Nou aan die gang» Tapz is 'n meester van die bira en die Wes-Afrikaanse djembe. Dit kan op sy debuutalbum, Awaited Wait, wat in Desember...

Jeuggeweld ruk Outjo

2 dae gelede | Misdaad

Denver Kisting Drie jongelinge van Outjo is steeds agter tralies nadat hulle glo sowat 'n maand gelede twee ander jong mans binne 43 minute doodgesteek...

Minister gee Nida nuwe raad

2 dae gelede | Plaaslik

Ogone Tlhage – Die raad van die nuwe agentskap vir nywerheidsontwikkeling in Namibië (Nida) sal gereeld moet vergader om homself as semi-staatsinstelling te vestig. So...