Herfs se groot skoonmaak

06 May 2019 | Rubrieke
Wat het julle die Paasnaweek en die afgelope luilekker vakansiedae gemaak?

Ek het verlede keer geskryf oor my planne om na eksotiese plekke te reis. Wel, dit was ongelukkig nog nie sulke tyd nie. Pole, Belarus, Letland, Oekraïne en Rusland sal maar vir eers moet wag.

Ek wil net sê, watch this space, want eendag gaan ek nog die wêreld verken. Ek is bereid om te wag. Hulle sê mos, good things happens to those who wait. Op die oomblik het ek groter probleme gehad wat my aandag geverg het. Julle sal nie raai wat nie? Ek het die langnaweek my woonstel skoongemaak. Ek het die vorige week besef dit is partykeer noodsaaklik om die binnekant van jou huis deur die oë van iemand anders te sien. Jy kyk elke dag in dieselfde goed in jou huis vas.

Jy kom naderhand nie meer agter dat seker items al vir lank nie in hul oorspronklike plek gebêre is nie. Dit is soos om by die see te bly, of naby Tafelberg. Die eerste paar weke is jy bewus van die skoonheid en daarna is die see soos ’n groot dam en Tafelberg is maar net ’n berg.

Ek moes so rukkie terug vinnig my woonstel aan die kant gaan maak en tot die besef gekom dat dit nie net ’n uur of twee se werk gaan wees om alles weer op hul plek te kry nie. Die gaan ’n hele naweek, of kom ons maak dit ’n langnaweek kos om behoorlik orde te skep.

Ek het tot die besef gekom ek gaan moet spring cleaning doen. Ja, my spring cleaning kan nie tot Spring wag nie. Herfs is net so goeie tyd om order in jou lewe te skep. Die lewe raak ’n gejaag en die kleiner dingetjies, soos huis aan die kant maak, bly agterweë. Dit is partykeer makliker om orde in jou persoonlike lewe te skep as in ’n deurmekaar huis. Maar ek het agtergekom ek kan nie reg funksioneer as my huis deurmekaar is nie. Ek probeer by die werk my lessenaar ook aan die kant hou want geen mens kan in ’n deurmekaar omgewing werk nie. Nou probeer ek in ’n deurmekaar omgewing bly.

Ek het tot die slotsom gekom ek is besig om met my eie kop te smokkel om te dink dit is moontlik. Ek moes net die moed bymekaar skraap om te begin. Ek het al geleer as jy begin moet jy nie ophou nie. Die oomblik wat jy ophou dan moet jy eers weer jou kop regkry om weer te begin. Dit is amper soos om op ’n dieet te gaan. So vir diegene wat my die naweek gesoek het, wil ek net jammer sê. As julle my dalk nie in die hande kon kry nie, ek was druk besig gewees. Spring cleaning wag vir niemand nie en is geneig om jou ore aan te sit.

Ek sal eerlik met julle wees. Ek het baie hard probeer om alles op hul plek te kry en orals skoon te maak, maar ek dink ek het nog ’n langnaweek nodig om die finale touches te doen. Gelukkig is die volgende langnaweek eers in Augustus. Geniet die laaste week van die skoolvakansie. Volgende week begin die rat race weer.

Soortgelyk

 

Gesondheid: Advertensie vals

5 minute gelede | Gesondheid

Die ministerie van gesondheid en maatskaplike dienste (MoHSS) sê 'n inligting wat op sosiale media sirkuleer oor opleidingsgeleenthede by die ministerie is vals. Die vals...

'n Seder val in Swapo

9 ure gelede | Mense

Ronelle Rademeyer - Huldeblyke stroom sedert vroeg gisteroggend in die sosiale media in nadat dit bekend geword het Namibië se voormalige vise­president (2015 – 2018)...

Duitsland gee ou kruis terug

9 ure gelede | Plaaslik

Ronelle Rademeyer - Een van die belangrikste artefakte uit die glorieryke ontdekkersera van die Portugese seevaarders sal in Augustus deur die Duitse museum vir geskiedenis...

Weer vir 20 Mei 2019

9 ure gelede | Weer

WEERWAAK: Koue en winderige toestande word in die Suide verwag. Die nodige voor­sorgmaatreëls moet getref word. BINNELAND: Gedeeltelik bewolk en warm tot baie warm in...

Namport dank 86 werkers af

9 ure gelede | Plaaslik

Die Namibiese haweowerheid, Namport, het Vrydag aangekondig 86 werkers by die vraghouerterminaal by die Walvisbaaise hawe wat in Augustus aan 'n onwettige staking deelgeneem het,...

Speaker dring aan jeug moet by kiesproses betrek word

9 ure gelede | Politiek

Denver Kisting - Die speaker van die Nasio­nale Vergadering (NV), prof. Peter Katjavivi, sê die jeug moet by die verkiesings­proses betrek word.Die uitvoerende hoof van...

'Sam Nujoma is 'n ikoon'

9 ure gelede | Regering

Stigterspresident Sam Nujoma se 90ste verjaardagvieringe is Saterdag op Etunda in die Omusatistreek gevier en deur verskeie hooggeplaastes bygewoon. President Hage Geingob het Nujoma as...

Water: Hou rekord van elke druppel

9 ure gelede | Regering

Elvira Hattingh - Tot 90% van die water in Windhoek wat onnodig weens lekkasies of buitensporige waterverbruik verlore gaan, sou gespaar kon word indien huishoudings...

Semifinalis onttrek aan Mej. Namibië

9 ure gelede | Gebeure

Tanja Bause - 'n Semifinalis in die Mej. Namibië 2019-kompetisie, ­Michelle Pretorius, het aan die geleentheid onttrek. Volgens haar ma, me. Anke Pretorius, het Michelle...