Hepatitis E woed landswyd voort
Henriette Lamprecht – Kort duskant ‘n jaar ná ‘n uitbreking van hepatitis E amptelik in Desember 2017 in Windhoek verklaar is, is byna 4 000 gevalle van dié siekte einde Oktober landswyd aangeteken.
Altesaam 33 mense het aan die siekte gesterf, waarvan 45% sterftes onder swanger of nageboortelike vroue was.
Die Khomasstreek, waar die uitbreking die sterkste woed, het van September 2017 af tot verlede maand 2 657 gevalle uit die totaal van 3 835 aangeteken – 69% van die totale getal gevalle.
Die streek het ook die hoogste aantal sterftes gehad met 25, waarvan 10 swanger of nageboortelike vroue was.
Op Omaruru, Swakopmund, Usakos en Walvisbaai is ‘n totaal van 861 gevalle en drie sterftes teen die einde van Oktober vir dieselfde tydperk aangeteken.
Die Erongostreek het ook die tweede hoogste persentasie vir die voorkoms van hepatitis E aangemeld, wat 22% behels.
Van 22 tot 28 Oktober is ‘n totaal van 90 gevalle van dié siekte in vyf streke van die land aangemeld. Die oorblywende 10 streke verteenwoordig 8% van die totale aantal aangemelde gevalle teen die einde van Oktober vanjaar.
Tot dusver kon die ministerie van gesondheid en maatskaplike dienste (MoHSS) en verwante vennote ten spyte van verskeie inisiatiewe en pogings ook nie daarin slaag om die siekte hok te slaan nie.
Die ministerie erken in ‘n verklaring die teendeel is waar en “die siekte het na ander informele nedersettings en streke versprei”.
Struikelblokke sluit in gemeenskappe se gebrek aan die neem van verantwoordelikheid vir opgerigte watervoorsienings- en sanitasiegeriewe.
Ook is daar onvoldoende krane, toilette en chloortablette in informele nedersettings, ‘n vertraging in die aanmeld van moontlike gevalle, sowel as ‘n “ernstige tekort” aan epidemioloë.
Hoewel die aantal gevalle volgens MoHSS in onlangse weke afgeneem het, “kan gevalle styg weens die twee tot tien weke inkubasietydperk en moontlike vertraging om dit aan te meld”.
Die meeste aangemelde gevalle het by vroue (61%) voorgekom, teenoor 39% by mans.
Die ouderdomme van inwoners wat die meeste met die siekte gediagnoseer is, was in die kategorie 20 tot 29 jaar (1 544), gevolg deur inwoners tussen die ouderdomme van 30 tot 39 jaar (1 355).
‘n Uitbreking van hepatitis E is op 14 Desember verlede jaar verklaar en het teen April van Windhoek af na ander streke soos Erongo, Kavango, Ohangwena, Omusati, Oshana en Oshikoto versprei.
Die gevalle het meestal in informele nedersettings soos Havana en Goreangab by Windhoek, DRC by Swakopmund en soortgelyke gebiede in ander streke voorgekom, waar toegang tot veilige water, sanitasie en higiëne beperk is.
Die meeste gevalle uit gebiede wat minder geraak is, behels inwoners wat na die bogenoemde nedersettings in Windhoek of Swakopmund gereis het.
Die ministerie sê dit is van "uiterste belang dat aggressiewe optrede nodig is, veral met betrekking tot maatskaplike mobilisering om te verseker die gemeenskap is nou betrokke by kwessies wat hul gesondheid raak".
Altesaam 33 mense het aan die siekte gesterf, waarvan 45% sterftes onder swanger of nageboortelike vroue was.
Die Khomasstreek, waar die uitbreking die sterkste woed, het van September 2017 af tot verlede maand 2 657 gevalle uit die totaal van 3 835 aangeteken – 69% van die totale getal gevalle.
Die streek het ook die hoogste aantal sterftes gehad met 25, waarvan 10 swanger of nageboortelike vroue was.
Op Omaruru, Swakopmund, Usakos en Walvisbaai is ‘n totaal van 861 gevalle en drie sterftes teen die einde van Oktober vir dieselfde tydperk aangeteken.
Die Erongostreek het ook die tweede hoogste persentasie vir die voorkoms van hepatitis E aangemeld, wat 22% behels.
Van 22 tot 28 Oktober is ‘n totaal van 90 gevalle van dié siekte in vyf streke van die land aangemeld. Die oorblywende 10 streke verteenwoordig 8% van die totale aantal aangemelde gevalle teen die einde van Oktober vanjaar.
Tot dusver kon die ministerie van gesondheid en maatskaplike dienste (MoHSS) en verwante vennote ten spyte van verskeie inisiatiewe en pogings ook nie daarin slaag om die siekte hok te slaan nie.
Die ministerie erken in ‘n verklaring die teendeel is waar en “die siekte het na ander informele nedersettings en streke versprei”.
Struikelblokke sluit in gemeenskappe se gebrek aan die neem van verantwoordelikheid vir opgerigte watervoorsienings- en sanitasiegeriewe.
Ook is daar onvoldoende krane, toilette en chloortablette in informele nedersettings, ‘n vertraging in die aanmeld van moontlike gevalle, sowel as ‘n “ernstige tekort” aan epidemioloë.
Hoewel die aantal gevalle volgens MoHSS in onlangse weke afgeneem het, “kan gevalle styg weens die twee tot tien weke inkubasietydperk en moontlike vertraging om dit aan te meld”.
Die meeste aangemelde gevalle het by vroue (61%) voorgekom, teenoor 39% by mans.
Die ouderdomme van inwoners wat die meeste met die siekte gediagnoseer is, was in die kategorie 20 tot 29 jaar (1 544), gevolg deur inwoners tussen die ouderdomme van 30 tot 39 jaar (1 355).
‘n Uitbreking van hepatitis E is op 14 Desember verlede jaar verklaar en het teen April van Windhoek af na ander streke soos Erongo, Kavango, Ohangwena, Omusati, Oshana en Oshikoto versprei.
Die gevalle het meestal in informele nedersettings soos Havana en Goreangab by Windhoek, DRC by Swakopmund en soortgelyke gebiede in ander streke voorgekom, waar toegang tot veilige water, sanitasie en higiëne beperk is.
Die meeste gevalle uit gebiede wat minder geraak is, behels inwoners wat na die bogenoemde nedersettings in Windhoek of Swakopmund gereis het.
Die ministerie sê dit is van "uiterste belang dat aggressiewe optrede nodig is, veral met betrekking tot maatskaplike mobilisering om te verseker die gemeenskap is nou betrokke by kwessies wat hul gesondheid raak".
Kommentaar
Republikein
Geen kommentaar is op hierdie artikel gelaat nie