Hepatitis E-syfer steek die 4 000-kerf verby

Swak geriewe, higiëne te blameer

12 December 2018 | Gesondheid
Henriette Lamprecht



Die getal hepatitis E-gevalle landswyd is reeds meer as 4 000.

Op 25 November het die aantal gevalle wat in sewe streke oraloor die land aangemeld is, reeds op 3 973 gestaan.

Dié siekte het reeds die lewens van 34 mense geëis, waarvan 16 swanger vroue was.

Die uitslae van 634 moontlike gevalle van hepatitis E moet nog ­bevestig word.

Volgens 'n verklaring van die ministerie van gesondheid en maatskaplike dienste (MoHSS) is die meeste gevalle, naamlik 2 748, in Windhoek in die Khomasstreek aangemeld.

In die Erongostreek (Omaruru, Swakopmund, Usakos en Walvisbaai) staan die gevalle op 879, gevolg deur Okahao, Oshikuku, Outapi en Tsandi in die Omusatistreek met 142 gevalle.

Hoewel die uitbreking vir die eerste keer verlede jaar in November in Windhoek in die Khomasstreek aangemeld is, het die siekte intussen na nóg ses streke versprei, wat Oshana, Ohangwena, Oshikoto en Kavango-Oos insluit.



REISENDE SIEKES VERSPREI SIEKTE

Meer as 80% van die gevalle word met die Havana- en Goreangab- informele nedersettings in Windhoek verbind, waar inwoners wat die siekte reeds onder lede gehad het, hierheen gereis het. Havana en Goreangab is gesamentlik die siekte se episentrum.

Volgens die ministerie is die grootste dryfvere vir die verspreiding van die siekte ontlasting in die oopte, sowel as swak sanitasie en higiëne-praktyke.

Vorige epidemiologiese studies het gewys die areas in die geraakte informele nedersettings met onvoldoende infrastruktuur vir water en sanitasie (bv. kommunale krane en ­openbare toilette) is die swaarste deur die ­uitbreking getref.

Laasgenoemde toestande is ook van toepassing en soortgelyk aan die DRC- informele nedersetting op ­Swakopmund.

In 'n poging om die siekte hok te slaan, werk die ministerie nou saam met die Amerikaanse sentrums vir siektebeheer en –voorkoming.

Ten spyte van dié gesamentlike pogings en die voortgesette implementering van beheermaatreëls sê die ministerie nuwe gevalle word op 'n weeklikse basis aangemeld.

“Daar is 'n behoefte om die kennis, ingesteldheid en praktyke van die geraakte gemeenskappe wat hepatitis E betref, te verstaan in 'n poging om die implementering van gepaste ingrypings te rig,” lui die verklaring.

'n Span van 13 dataversamelaars, ses toesighouers op grondvlak en drie drywers sal na verwagting oor 'n tydperk van nege dae sowat 640 huishoudings in Havana en Goreangab besoek om dié inwoners se praktyke en kennis oor die siekte te ondersoek.



OPNAMEVORM

Die span neem 'n toestemmings- en opnamevorm saam, wat in drie plaas­like tale (Oshiwambo, Otjiherero en Afrikaans) beskikbaar is om moont­like taalstruikelblokke te oorbrug.

Die studie se bevindinge sal op 'n gepaste forum aan die publiek ­oorgedra word.

Die ministerie het 'n beroep op die publiek gedoen om seker te maak veilige drinkwater, geriewe vir hande­was met seep en lopende water, en voldoende toiletgeriewe is by openbare byeenkomste beskikbaar.

Soortgelyk

 

NSFAF beperk finansiering

57 minute gelede | Onderwys

Die Finansiële Hulpfonds vir Namibiese Studente (NSFAF) sal eerskomende Vrydag ’n lys van 2 925 nuwe begunstigdes beskikbaar stel. Die byna 3 000 gelukkiges word...

Eis van miljoene ná miskraam

12 ure gelede | Howe

Ronelle Rademeyer - ‘n Vrou wat aanvoer sy het ‘n miskraam gehad nadat sy drie dae lank sonder kos en water in die polisieselle by...

Kuns tussen die wingerde

12 ure gelede | Byvoegsels

Ronelle Rademeyer - “Ek glo ’n goeie skildery ontstaan wanneer ’n bietjie talent en ’n groot klomp passie op die skilderdoek ontmoet.”Dit is hoe die...

Twee Namibiërs in SA hof oor diamante

12 ure gelede | Howe

Francoise Steynberg - Twee Namibiese mans het gister in die Bellville-landdroshof in Kaapstad in verband met die onwettige besit van 27 ongeslypte diamante verskyn. Mnr....

Live for the moments, not the milestones

12 ure gelede | Mense

Mariselle StofbergCarla van Zyl is the top medical student from the class of 2018 at the University of Namibia (Unam). This motivated, driven and passionate...

Musieklegende se stem stil

12 ure gelede | Kuns en vermaak

Lloyd Zandberg - Die geliefde Suid-Afrikaanse musikant, Brian Finch (72), het Sondag sy maande lange stryd teen kanker verloor.Finch en sy vrou, Marion, woon al...

Padgebruik al duurder

12 ure gelede | Infrastruktuur

Die Padfondsadministrasie (RFA) het ’n 4,3%-verhoging op padgebruik aangekondig, wat van 1 Mei af geld. Dit beteken tariewe by grensposte verhoog, asook tariewe op voertuie...

Weer vir 21 Mei 2019

12 ure gelede | Weer

BINNELAND: Mestal mooi weer en baie warm in die Noordooste. Elders sal dit gedeeltelik bewolk en warm tot baie warm, maar koud in die...

Kragverspreider gedagvaar

12 ure gelede | Howe

Henriette Lamprecht – ’n Ma van Mondesa op Swakopmund dagvaar die Erongostreek se kragverspreider ná die dood van haar minderjarige dogter. Theonese Anthea Simon is...